Read Baibul, Mizo Ephesi 6 Bible Online

Ephesi 6 - Baibul, Mizo bible

Ephesi 6

¹Naupangte u, Lalpaah chuan in nu leh in pate thu zawm rawh u; chu chu thil dik a ni si a.

²I nu leh i pa chawimawi rawh," (chu chu thupek tiam nei hmasa ber a ni).

³Chutichuan, i tan a tha ang a, leiah hian i dam rei bawk ang."

⁴Tin, nangni pate u, in fate tithinur suh u la, Lalpa thununnah leh zilhnaah chuan enkawl zawk rawh u.

⁵Bawihte u, Krista thu zawm angin tih dek leh khura thinlung sakhat vuanin,

⁶mihring tilawmtute mai anga mit rawng bawl loin, Krista bawih anga thinlunga Pathian duhzawng ti zawkin,

⁷mihring rawng bawl ang mai ni loin, Lalpa rawng bawl ang zawka duh tak chunga rawng bawlin,

⁸bawih ni se la, bawih ni suh se la, mi tinin thil tha an tih theuh apiang chu Lalpa hnen ata a ngai vek an hmu leh ang tih hriain, tisaa in hotute thu zawm rawh u.

⁹Tin, nangni hotute u, chutiang bawkin, anmahni leh nangmahni Hotu chu vanah a awm tih leh, ani chuan mi duhsak bik a nei lo tih hriain, vau loin an chungah ti ve rawh u.

¹⁰A tawp berah chuan Lalpaah leh a chakna thahruiah chuan thiltihtheihna neiin lo awm rawh u.

¹¹Diabola ngamthlemnate chu in do zawhna'n Pathian ralthuam famkimin inthuam rawh u.

¹²Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e.

¹³Chuvangin, ni tha loah chuan in do zawhna tur leh, in tih zawh vek hnu pawha in din theihna turin, Pathian ralthuam famkim chu la rawh u.

¹⁴Chutichuan, in kawng chu thutaka hrengin, felna awmphaw chu hain,

¹⁵remna Chanchin Tha inbuatsaihna chu in keah bunin ding rawh u;

¹⁶chung lo pawh chu rinna phaw la u la, chu mi chuan mi sual thal alh thei zawng zawng chu in timit thei ang.

¹⁷Tin, chhandamna lukhum leh Thlarau ngunhnam (Pathian Thu chu) la u la,

¹⁸tawngtaina leh dilna tinrengin eng hun pawha Thlarauva tawngtaiin, chu mi kawngah chuan mi thianghlim zawng zawng tan thahnemngai tak leh dil tlatin ngaihven rawh u;

¹⁹Chanchin Tha thuruk huai taka puang tura ka ka ka ana thu sawitira ka awm theihna'n ka tan pawh mi dilsak rawh u,

²⁰chu mi kawngah chuan ka sawi tur ang chu huai taka ka sawi theihna turin, Chu mi Chanchin Tha palai khaidiat bun ka ni.

²¹Nimahsela, nangni pawhin engtin nge ka awm, ka chanchin in hriat theihna'n, Tukika, Lalpaa unau duh tak leh rawngbawltu rinawm tak hian engkim a hriattir ang che u;

²²he mi avng tak hian amah chu in hnenah ka rawn tir a ni, ka chanchin in hriat theihna tur leh, ani hian in thinlung a tihthlamuan theihna turin.

²³Pa, Pathian leh Lalpa Isua Krista hnen ata remna leh rinna tel hmangaihna unaute hnenah khan awm rawh se.Kan Lalpa Isua Krista chuai loa hmangaihtute zawng zawng hnenah khawngaihna awm rawh se.

²⁴Kan Lalpa Isua Krista chuai loa hmangaihtute zawng zawng hnenah khawngaihna awm rawh se.