Read Baibul, Mizo Phipppi 2 Bible Online

Phipppi 2 - Baibul, Mizo bible

Phipppi 2

¹Chutichuan, Kristaah tanpuina reng reng te, hmangaih thlamuanna reng reng te, Thlarau pawlna reng reng te, lainatna leh khawngaihna reng reng te a awm chuan,

²rilru hmunkhata awmin, hmangaihna hmunkhat neiin, inthuruala rilru hmunkhata awmin, ka lawmna tifamkim rawh u.

³Elrel leh inngaihhlut avanga engmah ti loin, mi tinin inngaitlawm takin mahni aiin mi dang tha zawkah ruat theuh rawh se;

⁴mahni ta ta mai en loin, mi dang ta pawh en theuh zawk rawh u.

⁵He rilru, Krista Isua pawha awm bawk kha, nangmahniah awm rawh se;

⁶ani zawngin Pathian anga awma Pathian tluka awm chu thil thlakhlelh hleih theihah a ruat lo a,

⁷mihringte anga lo piangin, bawih angah a insiam a, amah leh amah a intitlawm ta zawk a.

⁸Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu.

⁹Chu mi avang chuan Isua hmingin mi tin - vana mite, leia mite, lei hnuaia mite nen -

¹⁰an thingthitna'n leh Pa Pathian tihropuina turin, "Isua Krista chu Lal a ni," tiin lei tinrengin a puanna'n,

¹¹Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.

¹²Chutichuan, ka duh takte u, thu in zawm fo ang khan ka awm chauha thawk loin, tuna ka awm loh hlan hian thawk zawk mahin, hlau leh khur chungin nangmahni chhandamna thawk chhuak rawh u;

¹³ama lawmzawng atana tih tum tur leh bei tura nangmahnia thawktu chu Pathian a ni si a.

¹⁴Chhuan bengtla lo leh tihmawhte zinga sual nei lo leh nuntlang, Pathian fa sawiselbote in nih theihna turin phunnawina leh inhnialnate awm loin engkim ti rawh u,

¹⁵chungho zingah chuan nunna thu hlanin khawvelah hian tiengtu angin in lang thin,

¹⁶chutichuan a thlawna tlan ka nih loh a, a thlawna thawk rim ka nih hek loh avangin Krista niah chuan chhuan tur ka nei thei ang.

¹⁷A ni, in rinna inthawina leh rawngbawlna chungah chuan leih buakin awm dawn mah i la ka lawm a ni, in zain ka lawmpui bawk a che u.

¹⁸Chutiang bawkin nangni pawh lawm u langin, mi lawmpui ve rawh u.

¹⁹Nimahsela, in chanchin ka hriat a, ka thlamuan ve theihna turin, rei lo te chinah Timothea hi in hnena rawn tirh Lalpa Isuaah chuan ka beisei a ni.

²⁰Hetiang rilru pu, in awmzia tih tak zeta ngaihtuahsaktu tur che u tumah ka nei si lo.

²¹An zain Isua Krista tan zawng loin, mahni tan an zawng si thin.

²²Nimahsela, ani hi chu fiaha a awm tawhzia in hria, fain a pa rawng a bawl angin, Chanchin Tha tihdarh kawngah rawng mi bawlpui thin kha.

²³Chutichuan,ka chanchin tur ka hriat veleh ani hi rawn tir nghal i la ka ti a ni.

²⁴Nimahsela, keimah ngei pawh rei lo te china lo kal Lalpaah chuan ka inring tlat a ni.

²⁵Nimahsela, Epaphrodita, ka unaupa, ka hnathawhpui, ka sipaipui leh in tirhkoh, ka thil tlakchhama mi chhawmdawltu hi in hnena rawn tirh tulin ka hria.

²⁶Ani chuan in zain a ngai em em si che u a, a na tih in lo hriat avangin nasa takin a lungngai bawk a.

²⁷Thi chhawnga na zawng a ni ngei tak a; nimahsela Pathianin ani chu a khawngaih a; tin, ani chang ni loin, lngngaih chunga lungngaih lehzualna ka neih lohna'n kei mi khawngaih a ni fawm bawk e.

²⁸Chutichuan, ani hi in hmuh leh huna in lawm theihna tur leh kei ka lungngaih a thathnem theihna turin ka rawn tir hmanhmawh deuh a ni.

²⁹Chutichuan,ani hi hlim takin Lalpaah chuan lo lawm u langin, hetiang mi hi ngaihlu rawh u;in mi chhawmdawlna tlin bak chu chhunzawmna'n thih dawn loa beiin, Krista hnathawhna avangin thi chhawngin a lo awm ta si a.

³⁰in mi chhawmdawlna tlin bak chu chhunzawmna'n thih dawn loa beiin, Krista hnathawhna avangin thi chhawngin a lo awm ta si a.