Read Baibul, Mizo Phipppi 4 Bible Online

Phipppi 4 - Baibul, Mizo bible

Phipppi 4

¹Chuvangin, ka unau duh tak leh ngaih tak ka lawmna leh ka lallukhumteu, chutiang chuan Lalpaah ding nghet rawh u, ka duh takte u."

²Lalpaah chuan rilru hmun khat pu turin Euodii ka ngen a, Suntuki pawh ka ngen bawk a ni.

³A ni, nang pawh ka nghawngkawl bahpui taktak, ka sawm bawk a che; khang hmeichhiate kha tanpui rawh. Chanchin Thaah chuan mi beihpui si thin a, Klemena nen, ka thawhpui dang Nunna Bua hming chuangte nen khan.

⁴Lalpaah chuan lawm fo rawh u: ka ti leh pek thin ang, lawm rawh u.

⁵In dawhtheihzia mi zawng zawng hriat ni rawh se. Lalpa chu a hnai e.

⁶Engah mah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se.

⁷Tichuan, Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u.

⁸A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte - thatna reng a awm a, fakna reng a awm phawt chuan - chung chu ngaihtuah rawh u.

⁹In thil zir te, in thil pawm te, in thil hriat te, keimaha in thil hmuh te pawh kha, khang ang kha ti thin ang che u; tichuan Thlamuanna Pathian chuan a awmpui ang che u.

¹⁰Nimahsela, in mi ngaihtuahsakna chu tun hnua in rawn tihthar leh tak avang hian Lalpaah chuan ka lawm hle a ni; chutiang kawng chu ngaihtuah kha zawng in ngaihtuah the meuh a, remchang erawh chu in hmu lo mai a ni.

¹¹Ka tlakchham thu sawi zawng ka ni lo e; kei zawng eng ang pawhin awm mah i la, lungawi zel ka ching tawh si a.

¹²Tlawm taka awm dan ka thiam a, hausaa awm dan pawh ka thiam bawk a; thil tinrengah leh thil zawng zawngah tlai leh riltama awm dan, hausa leh tlachhama awm dan thuruk chu ka hre chhuak tawh.

¹³Mi tichaktuah chuan engkim ka ti thei a ni.

¹⁴Nimahsela, ka mangannaahte hian mi lo manganpui hi in titha e.

¹⁵Tin, nangni Philippi-a mite u, Chanchin Tha thlen tirh laia Makedonia ram atanga ka kal chhuah lai khan, nangni chauh lo chuan kohhran pawl pakhat mahin thilpek leh dawn kawngah chuan mi tanpui lo tih nangni ngeiin in hre bawk a;

¹⁶Thessalonika khuaa ka awm lai pawh khan, ka tlakchhamna phuhruk turin, vawi khat chang ni loin, vawi hnih lai in rawn thawn kha.

¹⁷Thilpek chu zawng ka ni lo a; rah, nangmahni lama pung tur chu zawng ka ni zawk e.

¹⁸Nimahsela, engkim ka nei a, ka ngah a ni; Epaphrodita kuta in thil mi thawnte chu ka lo hmu a, ka phuisui ta. Chung chu englo rimtui rim, inthawina chhan tlak, Pathian lawmzawng a ni.

¹⁹Tin, ka Pathian chuan Krista Isuaa a ropuina ngahzia ang zelin in tlakchhamna tinreng pawh a phuhruksak ang che u.

²⁰Tin, kan Pathian leh kan Pa hnenah chuan chatuanin ropuina chu awm rawh se. Amen.

²¹Krista Isuaa mi thianghlim tinreng chibai mi buksak ang che u. Ka hnena unau awmte hian chibai an buk a che u.

²²Mi thianghlim zawng zawngten chibai an buk che u a, Kaisara chhungte zinga mi hian an buk deuh ber a che u.Lalpa Isua Krista khawngaihna chu in thlarau hnenah awm rawh se.

²³Lalpa Isua Krista khawngaihna chu in thlarau hnenah awm rawh se.