Read Baibul, Mizo Kolossa 2 Bible Online

Kolossa 2 - Baibul, Mizo bible

Kolossa 2

¹Nangmahni leh Laodikei khuaa awmte leh, tisaa ka hmel hmu lo apiangte tan eng tikauva nasain nge ka beihsak talh talh che u hi in hriat ka duh si a;

²chutichuan Pathian tuhruk (finna leh hriatna ro zawng zawng thuhrukna Krista chu) an hriat theihna'n,

³hriata rin tlatna lukhawng zawng zawng chu dawng tura hmangaihnaa insuihkhawmin, an thinlungte chu thlamuangin a awm thei ang.

⁴Tuma'n tawng kam thiamin an bum lohna'n che u, chung chu ka ti a ni,

⁵Tisain in hnenah awm mah suh i la, lawm taka awmin, in felzia leh Krista in rin nghehzia enin, thlarauvah chuan in hnenah ka awm si a.

⁶Chuvangin, Krista Isua, Lalpa chu in lawm ang khan, amaha zung kai leh rem chhoh deuh deuha awmin,

⁷an zirtir che u ang khan in rinnaah chuan nghet taka awmin, lawmthu sawi lo ngahin, amahan chuan awm rawh u.

⁸Fimkhur rawh u, chutilochuan tupawhin Krista thu ang ni loin, mihring thu rochhiah leh khawvel A Aw B ang zawkin an thu fing leh bumna mai maiin ral lakin an la dah ang che u.

⁹Amahah chuan Pathian famkimna tinreng chu taksa neiin a awm reng si a.

¹⁰Amahah chuan in famkim ta bawk a; ani chu lalna leh thuneihna zawng zawng lu a ni.

¹¹Krista serhtannaah chuan tisa taksa hlip vekin amah vekah chuan kuta serhtan ni loa serh tan in nih kha;

¹²baptismaah chuan a hnena phum in lo ni ve tawh si a, chu mi vekah chuan mitthi zing ata amah kai thotu Pathian hnathawh rin avanga a hnena kaihthawh in nih ve kha.

¹³Tin, nangni in bawhchhiatnate leh in tisaa serh tan lohna avangin thi in lo ni a, nangmahni ngei chu amah nen a tinung che u a nih kha; kan bawhchhiatna zawng zawngte min ngaidam a,

¹⁴batna lehkha thupeka ziak, kan chunga awm, min dodal thina chu a thai bo tawh si a: chu ngei chu kraws-a khengbetin a la kiang ta a,

¹⁵tin, lalna leh thuneihnate chu hlip thlain, chu kraws-ah chuan chungte chu hnehin, alangin hriattirna'n a hmang ta a.

¹⁶Chutichuan, ei thu-ah emaw, in thu-ah emaw, kut ni thu-ah emaw thla thar thu-ah emaw, chawlhni thu-ah emaw, tuma'n sawisel che u suh se;

¹⁷chung chu thil lo thleng turte hlim a ni, a tak eawh chu Krista ta a ni.

¹⁸Inlarna danglam bik hmua insawi a, khawvel rilru tak pu si a, engmah ni si loa intiveiho, taksa hi ngaihnep tur, vantirhkohte pawh biak tur tite chuan thiam loh chantir che u suh se. Chung hote chuan Lu, Krista chu an vuan tawh lo a ni.

¹⁹Lu atang chuan taksa pum pui bung hrang hrang inzawm khawm chu a chawm a ni a, Pathian duhzawng ang zelin a thang lian thin a ni.

²⁰Khawvela zirtirna dik lote chu Kristaah in thihsan tawh si chuan, eng tizia nge khawvel mite ang leka, "Tawk suh, tem suh, dek suh,

²¹tih an mihring thil intuk chawp leh phuah chawp mai mai hnenah in intukluh leh tak mai:

²²chungte chu ei zawha ral mai thil a ni.Heng vantirhkoh biak tur tih te, taksa ngaihnep tih te, taksa tihhrehawm tih te hi tha fu awm chuan a lang a, mahse tisa chakna hneh turin a tangkai si lo.

²³Heng vantirhkoh biak tur tih te, taksa ngaihnep tih te, taksa tihhrehawm tih te hi tha fu awm chuan a lang a, mahse tisa chakna hneh turin a tangkai si lo.