Read Baibul, Mizo Kolossa 3 Bible Online

Kolossa 3 - Baibul, Mizo bible

Kolossa 3

¹Chutichuan, Krista hnenah kaihthawhin in awm ve tawh chuan chung lam, Pathian ding lama thu Krista awmnaa thil awmte chu zawng rawh u.

²Chung lama thil awmahte chuan in rilru nghat tlat rawh u, leia thil awmahte chuan nghat loin.

³In thi tawh a, in nunna chu Pathianah chuan Krista hnenah thuhrukin a awm si a.

⁴Krista kan nunna chu a lo inlar hunah chuan nangni pawh ama hnenah ropui zingah in inlar ve ang.

⁵Chutichuan, in taksa peng leia awmte hi tihlum rawh u, inngaihna te, bawlhhlawhnate, hurna te, chakna sual te, duhamna te hi (duhamna chu milem biakna a ni si a);

⁶chung thil avang chuan a ni, Pathian thinur chu awih lo fate chunga a thlen thin ni;

⁷nangni pawh hmanah chung thilahte chuan in nun lai khan, chungahte chuan in awm thin kha.

⁸Tunah erawh chuan nangni pawhin he'ng zawng zawng, tauhna te, thinurna te, huatna te, sawichhiatna te, in kaa chhuak tawng zahmawh te hi tibo rawh u.

⁹Dawt inhrilh tawn suh u; mihring hlui chu a thiltihte chawpin in hlip tawh a,

¹⁰mihring thar chuan in inthuam tawh si a, chu mihring thar chu hriat famkimna nei turin, a siamtu anpui anga siam tharin a awm mek a ni;

¹¹chu miah chuan Grik mi leh Juda mi, serhtan leh tan loh, awze mite, Skuthia mi te, bawih te, bawih lo te pawh a awm theih lo; Krista chu engkim ni zawkin, engkimah a awm bawk a ni.

¹²Chutichuan, Pathian mi thlan, mi thianghlim leh duh takte angin lainatna thinlung te, ngilneihna te, inngaihtlawmna te, thuhnuairawlhna te, dawhtheihna te chuan inthuam rawh u,

¹³tupawhin tu chungah pawh thupawi nei ang u la indawh tawnin inngaidam tawn u la; Lalpa chuan a ngaidam che u ang tak khan ngaidam ve rawh u.

¹⁴Tin, chung zawng zawng chungah chuan hmangaihna inbel rawh u, chu chu phuar famkimna a ni.

¹⁵Tin, Krista thlamuanna chuan in thinlungah ro rel rawh se, chutiang ni turin taksa pumkhata koh in ni reng a sin; lawm nachang hre bawk rawh u.

¹⁶Krista thu chu finna tinrengin nangmahniah awm teuh rawh se; fakna hla te, Pathian hla te, thlarau lam hla tea inzirtirin inzilh taWn u la, thinlunah neiin Pathian chu hla saksak rawh u.

¹⁷Tin, in tih apiang chu thusawiah emaw, thil tihah emaw ama zarah Pa Pathian hnena lawmthu hril chungin Lalpa Isua hmingin ti vek rawh u.

¹⁸Nupuite u, Lalpaa a awm tawk ang zelin in pasalte hnenah intulut rawh u.

¹⁹Pasalte u, in nupuite hmangih u la, an lakah in suh u.

²⁰Naupangte u, engkimah in nu leh in pate thu zawm rawh u, chu chu Lalpaah chuan a lawmam si a.

²¹Pate u, in fate tinuar suh u, chutilochuan an bei a dawng dah ang e.

²²Bawihte u, tisaa in hotute thu hi engkimah zawm rawh u, mihring tilawmtute mai anga mit rawng bawl loin, thinlung sakhat vuaa Lalpa tih dek chungin zawm zawk rawh u.

²³A rulhna roluah tur chu Lalpa hnen ata in hmu dawn tih hriain, in tih apiang chu mihring tan anga ti loin, Lalpa tan anga ti zawkin, chak takin ti rawh u;

²⁴Lalpa Krista rawng in bawl a nih hi.Thil dik lo titu chuan a thil dik lo tih man chu a hmu leh ang; mi thlei bikna reng a awm si lo a.

²⁵Thil dik lo titu chuan a thil dik lo tih man chu a hmu leh ang; mi thlei bikna reng a awm si lo a.