Read Baibul, Mizo Kolossa 4 Bible Online

Kolossa 4 - Baibul, Mizo bible

Kolossa 4

¹Hotute u, nangni pawhin vanah Hotu in nei tih hriain, in bawihte chungah a fel leh a mawi tawk chu ti rawh u.

²Tawngtai fan fan u la, chu miah chuan lawmthu hril chungin ngaihven rawh u.

³Mi phuarna chhan Krista thuruk chu hril turin Pathianin thu atan kawng min tihkuaksak theihna'n keini pawh min tawngtaisak rawh u,

⁴ka sawi tur ang taka ka puan theihna turin.

⁵Remchanna lei zelin, pawn lama mite lakah chuan fing takin awm rawh u.

⁶Mi tin engtia chhan theuh tur nge ni tih in hriat theihna'n in tawngka chhuak chu, chia al, khawngaihna tel ni fo rawh se.

⁷Lalpaa unau duh tak, rawngbawltu rinawm, kan bawihpui Tukika hian ka chanchin zawng zawng a hriattir ang che u.

⁸He mi avang ngei hian ani chu in hnenah ka rawn tir a ni, ka chanchin in hriat theihna tur leh in thinlung a tihthlamuan theihna turin;

⁹Onesima, unau rinawm leh duh tak, nangmahni zinga mi nen hian. Anni chuan he'ng lama thil awmzia zawng zawng hi an hriattir ang che u.

¹⁰Aristarka, ka tanpuipa hian chibai a buk a che u; Marka, Barnaba tupa pawhin chibai a buk a che u, (ama chungchang thu-ah thupekte in hmuh kha; in hnena a lo kal chuan lo lawm rawh u);

¹¹Isua, Justa an tiha hian chibai a buk bawk a che u. Chung chu serhtan mi an ni a; chung chauh chu Pathian ram thu lamah chuan ka thawhpui, mi thlamuantute an ni.

¹²Epaphra, nangmahni zinga mi, Krista Isua bawihpa hian chibai a buk a che u, ani chuan Pathian duhzawng apianga puitling leh rin tlatna neia in din theihna turin a tawngtainaahte chuan nangmahni tan a bei fo thin a ni.

¹³Nangmahni tan te, Loadikei khuaa awmho tan te, Heirapoli khuaa awmho tan te thahnem a ngai em em tih ka hriatpui a sin.

¹⁴Luka, daktawr duh tak leh Dema hian chibai an buk a che u.

¹⁵Loadikei khuaa unau awmte kha chibai mi buksak ang che u; Numpha leh a ina kohhranho chu chibai mi buksak bawk ang che u.

¹⁶Tin, he lehkha thawn hi in zinga in chhiar hnuin Loadikei kohhranho zingah pawh chhiartir ve rawh u; nangni pawhin Loadikei khuaa mi kha lo chhiar ve bawk ang che u.

¹⁷Tin, Arkippa hnenah khan, "Rawngbawlna Lalpaa i hmuh kha hlen turin fimkhur rawh," ti ang che u.Kei Paulan, keima kut ngeia chibai ka bukna che u a nih hi. Ka kawlbunte hi hre reng rawh u. Khawngaihna in hnenah awm rawh se.

¹⁸Kei Paulan, keima kut ngeia chibai ka bukna che u a nih hi. Ka kawlbunte hi hre reng rawh u. Khawngaihna in hnenah awm rawh se.