Read Baibul, Mizo 1 Thessalonika 1 Bible Online

1 Thessalonika 1 - Baibul, Mizo bible

1 Thessalonika 1

¹Paula leh Silvana leh Timothea chuan Pa Pathian leh Lalpa Isua Kristaa Thessalonika khuaa mi kohhranhote hnenah: Khawngaihna leh remna in hnenah awm rawh se.

²Kan Pathian leh Pa hmaah chuan rin avanga in thiltihzia te, hmangaih avanga in thawh rimzia te, kan Lalpa Isua Krista beisei avanga in chhelzia te kha theihnghilh loa hre rengin,

³kan tawngtainaahte chuan in hming lamin, nangmahni zawng zawng avangin Pathian hnenah lawmthu kan hril fo thin a ni.

⁴Unau, Pathian duh takte u, a thlanzia che u kha kanhria a,

⁵khatia kan Chanchin Tha chu thu chauha in hnena thleng lo a, thiltihtheihna leh Thlarau Thianghlim leh nasa taka rin tlatna nen a lo thlen zawk kha; nangmahni hma sialin in chungah eng ang mi nge kan lo nih tak kha in hre si a.

⁶Tin, thu chu hrehawm tuar chungin, Thlarau Thianghlima lawmin, in lo pawm a, keimahni leh Lalpa zirtute in lo ni a.

⁷Chutichuan, Makedonia leh Akaia rama ringtu zawng zawngte tan entawn in lo nih kha.

⁸Lalpa thu chu nangmahni atangin a thang chhuak ta si a, Makedonia leh Akaia ramah chang ni loin, hmun tinah pawh Pathian lama in rinzia chu a thang ta a; chutichuan keinin engmah sawi reng a ngai ta lo.

⁹Kan tlawh tum che u a min lawmzia te, Pathian nung leh dik tak rawng bawl tur leh a fapa (mitthi zing ata a kaihthawh thinur lo thleng tur laka min chhan chhuaktu Isua kha) van ata lo nghak turin,milem hawisana Pathian lam in hawi tak thute an lo sawi huai huai a ni.

¹⁰milem hawisana Pathian lam in hawi tak thute an lo sawi huai huai a ni.