Read Baibul, Mizo 1 Thessalonika 5 Bible Online

1 Thessalonika 5 - Baibul, Mizo bible

1 Thessalonika 5

¹Amaherawhchu, unaute u, a hun leh a ni kawng thute reng ziaksak che u in ngai lo e.

²Lalpa Ni chu zanah rukru angin a lo thleng dawn tih nangmahni ngeiin chiang takin in hre si a.

³Muanna leh himna," tia an sawi lai takin hmeichhe nau vei angin chawp leh chilha boralna an chungah a thleng ang a, an pumpelh tawp lo ang.

⁴Nimahsela, unaute u, nangni zawng chu mi Ni chuan rukru ang a nanna tur che uin thimah in awm lo e;

⁵eng fate leh ni fate in ni vek si a; zana mi kan ni lo a, thima mi kan ni hek lo.

⁶Chuvangin, mi dangte angin i muhil suh ang u khai, i mengin i ngaihven zawk ang u.

⁷Muhilte chu zanah a ni, an muthilh thin ni; zu ruite pawh chu zanah a ni, an ruih thin ni.

⁸Nimahsela, keini zawng chhuna mi kan nih avang hian rinna leh hmangaihna awmphaw chu hain, chhandam beiseina chu lukhuma hmangin i ngaihven zawk ang u.

⁹Pathianin thinurna tuar tur ni loin, kan Lalpa Isua Krista zara chhandamna hmu tur zawkin min ruat a ni si a;

¹⁰kan men pawhin kan muthilh pawhin amah nena kan nun tlan theihna'n ani chu kan thih aiin a thi a ni.

¹¹Chuvangin, infuih tawnin, intisawt tawn theuh rawh u, in tih reng thin ang hian.

¹²Nimahsela, unaute u, in zinga thawkrim leh, Lalpaa in hotua awm leh, zilhtute che u chu hre tur leh, an hnathawh vanga hmangaiha ngaihlu em em turin kan ngen che u a ni.

¹³Inremin awm rawh u.

¹⁴Tin, unau te u, kan ngen a che u, dan ang loa awmte chu zilh u la, rilru tete chu fuih u la, chak lote chu tanpui u la, mi zawng zawng lakah dawhthei takin awm rawh u.

¹⁵Tuma'n tu sual pawh suala thungrul lo turin fimkhur rawh u; in thil intihsak tawnna lamah leh, mi zawng zawng chunga in tihsakna lamah pawh, a tha apiang um fo zawk rawh u.

¹⁶Lawm fo u la;

¹⁷Bang loin tawngtai u la;

¹⁸engkimah lawmthu hril fo rawh u; chu chu nangmahni lam thuah Krista Isuaah chuan Pathian duhzawng a ni si a.

¹⁹Thlarau chu timit suh u la;

²⁰Thu hrilte hmusit suh u;

²¹Engkim fiah zawk u la: a tha apiang pawm tlat u la;

²²Sual tinreng lakah inthiarfihlim rawh u.

²³Tin, remna Pathian ngei chuan in pumin tithianghlim che u rawh se; tin, in thlarau leh, in rilru leh, in taksa chu kan Lalpa Isua Krista lo kal hunah chuan sawiselboin apuma humhimin awm rawh se.

²⁴A kotu che u chu a rinawm a, tih pawh a ti bawk ang.

²⁵Unaute u, min tawngtaisak rawh u.

²⁶Unau zawng zawngte chu fawh thianghlimin chibai mi buksak rawh u.

²⁷He lehkha hi unau zawng zawng hnenah chuan chhiar turin Lalpa hmingin ka ngen a che u.Kan Lalpa Isua Krista khawngaihna chu in hnenah awm rawh se.

²⁸Kan Lalpa Isua Krista khawngaihna chu in hnenah awm rawh se.