Read Baibul, Mizo Josua 10 Bible Online

Josua 10 - Baibul, Mizo bible

Josua 10

¹Tin, heti hi a ni a, Jerusalem khaw lal Adoni-zedekan Josua'n Ai khua a la a, a tichhe der a, Gibeon khuaa mite chuan Israel-hote nen inremna an siam a, an zingah an cheng ve ta tih a lo hriat chuan,

²a hlau ta hle mai a; Gibeon khua chu khaw lian tak lal khawpui ang a ni si a, Ai khua aiin a ropui zawk a, a mihring zawng zawngte pawh chu mi chak tak an ni si a.

³Chutichuan Jerusalem lal Adoni-zedeka chuan Hebron khaw lal Hohama te, Jarmuth khaw lal Pirama te, Lakis khaw lal Japhia te, Eglon khaw lal Debira teho chu,

⁴Lo kal u la, min rawn pui rawh u khai, Gibeon i va bei teh ang u: Josua leh Israela thlahte nen inremna an siam ta si a," tiin a chah khawm a.

⁵Chutichuan Amor-ho lalte panga Jerusalem khaw lal te, Hebron khaw lal te, Jarmuth khaw lal te, Lakis khaw lal te, Eglon khaw lal te chu an pungkhawm a, an sipaiteho zawng zawng nen an han chho a, Gibeon khaw ep an awm ta mp a, an bei ta a.

⁶Tin, Gibeon-hote chuan an riahhmun Gilgal-ah, Josua hnenah mi an tir a, "I chhiahhlawhte hi ngaihthah suh ang che; rang takin kan hnenah lo chho la, min rawn chhandam la, min rawn tanpui rawh: tlang rama chengho Amor lalte min bei turin an pungkhawm chiam e," tiin.

⁷Chutichuan Josua leh a hnena ralkap mi zawng zawngte leh mi chak huaisenho zawng zawngte chu Gilgal atang chuan an han chho a.

⁸Tin, LALPA'n Josua hnenah, "Anni chu hlau suh khai: i kutah ka pe vek awh e; an zinga mi tumah chelh tur reng reng che an awm dawn lo e," a ti a.

⁹Chutichuan Josua chuan a bei ta thut a; zankhua Gilgal atanga lo han kal tawh a ni a.

¹⁰Tin, LALPA'n Israel-hote hmaah chuan anmahni chuan tam tak a that a, Beth-horon chhohan lam kawngah a um a, Azeka leh Mekeda khaw thlengin a that zel a.

¹¹Tin, heti hi a ni a, Israel-ho hmaa an tlanchhiat a, Beth-horon atanga liam thlakna hmuna an awm lai chuan LALPA'n rvan atangin rial lian pui puiin Azeka khaw thlengin a zuk dentir chiam a, an thi a: Israela thlahten khandaiha an sahhlum ai mahin rial denhlum chu an tam zawk a ni.

¹²Chutichuan LALPA'n Amor-hote chu Israela thlahte a pek ni chuan Josua'n LALPA hnenah thu a sawi a; Israel-hote mithmuhah, "Nia, Gibeon khaw chhungah ding reng rawh; Nang pawh Thlaa, Aijalon ruamah hian awm reng rawh," a ti a.

¹³Tichuan mite chuan an hmelmate chunga phuba an lak hma loh chuan ni chu a ding ta reng a, thla pawh chu a awm ta reng a. He thu hi Jasara buah ziak ani lo em ni? Tichuan ni ch van lai zawlah a awm ta reng a, ni khat pumhlum lai tlak zai reng reng a rel lo.

¹⁴LALPA'n chutianga mihring aw a ngaihthlak ni ang chuan a hmain ni reng reng a awm ngai lo a, a hnuah pawh a awm ngai hek lo: LALPA'n Israel-hote chu a dopui a ni si a.

¹⁵Tin, Josua leh Israel-ho zawng zawngte chu an riahhmun Gilgal-ah an kir leh ta vek a.

¹⁶Tin, chung lal pangate chu an tlan bo a, Makeda pukah an biru a.

¹⁷Tin, "Lal pangate chu an hmu ta, Makeda pukah an biru a ni," tiin Josua an hrilh a.

¹⁸Tichuan Josua'n, Puk kawngkaah chuan lung luan pui pui lum u la, a vengtute pawh lo awmtir rawh u:

¹⁹nangni erawh chu awm suh u: in hmelmate chu um ta zel u la, hnu daltute kha that ula; an khuaah reng reng luhtir suh u: LALPA in Pathianin in kutah anmahni chu a pe tawh si a," a ti a.

²⁰Tin, heti hia ni a, Josua leh Israela thlahten an chimin hma loah an thah chiam zawh a, an awm chhunate chu kulhpui nei khuaah te an tlan luh hnu chuan,

²¹mi zawng zawng chu Josua hnen lamah Makeda-ah chuan ralmuang takin an lo haw leh ta a: tumahin Israela thlahte lamah reng reng an lei an phut lo.

²²Chutichuan Josua'n,'Puk kawngka kha han hawng tawh u la, lal pangate kha puk ata ka hnenah han hruai rawh u," a ti a.

²³Tin, chutiang chuan an ti a, chu mi lal panga, Jerusalem khaw lal te, Hebron khaw lal te, Jarmuth khaw lal te, Lakis khaw lal te, Eglon khaw lalte chu puk ata a hnenah an rawn hruai a.

²⁴Tin, heti hi a ni a, chung lalte chu Josua hnena kal ve ral kap mite zinga puipa deuh deuhte hnenah chuan, "Lo kal hnai u la, he'ng lalho ring hi han rap teh u," a ti a. Tichuan an lo kal hnai a, an ring chu an rawn rap ta a.

²⁵Tin, Josua'n an hnenah, 'Hlau suh u la, zam hek suh u; chak tak leh huai takin awm rawh u: in hmelma zawng zawng iin do te chungah LALPA'n hetiang hian a ti zel dawn a ni e," a ti a.

²⁶Tin, chu mi zawhah chuan Josua'n a bei a, a tihlum a, thing panga lerah a khai a: tichuan tlai thlengin thinglerah chuan an inkhai a.

²⁷Tin, heti hi a ni a, ni tlak dawnin Josua'n thu a pe a, thingler ata an la thla a, an birukna pukah khan an paihlut a, puk kawngka chu lung lian pui puiin an chhin a, tun thleng pawh hian an la awm reng.

²⁸Tin, Josua'n chu mi ni chuan Makeda khua chu a la a, an lal chawpin khandaihin a bei a; chu khuaa awm zawng zawngte nen chuan a tihlum fai vek a, pakhat mah zuah reng reng a nei lo: tichuan Jeriko khaw lal chunga a tih ang bawk khan Mekeda khaw lal chungah pawh a ti a.

²⁹Tin, Josua chu Israel-ho zawng kawnge nen Makeda khua atangin Libna khua chu an bei a:

³⁰tichuan LALPA'n chu khua chu an lal chawpin Israel-te kutah a pe leh bawk a; tin, chu khua chu beiin a chhunga awm zawng zawngte chu khandaihin a tihlum vek a; a chhunga mi pakhat mah zuah reng reng a nei lo; tichuan Jeriko khaw lal chunga a tih ang bawk khan chu mi khaw lal chungah pawh a ti a.

³¹Tin, Josua chu Israel-ho zawng zawngte nen Libna khua atangin Lakis khaw lamah an kal a, tanhmun an khuar a, an bei ta a:

³²tichuan LALPA'n Lakis khua chu Israelte kutah a pe a, a ni hnih niin a la a, chu khua chu beiin a chhunga awm zawng zawngte chu khandaihin a tihlum vek a, Libna khaw chunga a tih ang bawk khan.

³³Chutichuan Gezer khaw lal Horama chu Lakis khua pui turin a han kal a; tin, Josua chuan a mah leh a hote nen pakhat mah zuah hlek loin a lo that phiar a.

³⁴Tin, Josua chu Israel-ho zawng zawngte nen Likis khua atangin Eglon khaw lamah an kal a, tanhmun an khuar a, an bei ta a:

³⁵tin, chu mi ni chuan an la a, tin, chumi ni vek chuan chu khua chu beiin a chhunga awm zawng zawngte chu a tihlum fai vek a, Lakis khaw chunga a tih ang bawk khan.

³⁶Tin, Josua chu Israel-ho zawng zawngte nen Eglon khua atangin Hebron khaw lamah an kal a, an bei ta a:

³⁷tichuan an la a, chu khua leh an lal leh, a khawper zawng zawngte chu khandaiha beiin a tihlum vek a, Eglon khaw chunga a tih ang bawk khan pakhat mah zuah reng reng a nei lo a; a khua lama chhu chhe vekin a chhunga awm zawng zawngte chu a tihlum fai vek a.

³⁸Tin, Josua leh Israel-ho zawng zawngte chu Debir khaw lamah an let leh a; an bei ta a:

³⁹tichuan chu khua leh, an lal leh, a khawper zawng zawngte chu a la a; tin, khandaihin an bei a, a chhunga awm zawng zawngte chu a tihlum fai vek a; pakhat mah zuah reng reng a nei lo: Hebron khaw chunga a tih ang khan Debir khua leh an lal chungah pawh a ti a; Libna khua leh an lal chunga a tih ang bawk khan.

⁴⁰Chutichuan Josua'n a ram pumin, tlang ram te, Chim ram te, phai ram te, awih pangper ramte chhu chhe vekin an lal zawng zawng chu a tihlum vek a: pakhat mah zuah reng reng anei lo: LALPA, Israel-te Pathian thupek angin nung tawh phawt chu a tichimit ta vek zawk a.

⁴¹Tin, Josua chuan Kades-barnea atanga Gaza thlengin, Gosen ram zawng zawng nen Gibeon thlengin a chhu chhe vek a.Chung lalho zawng zawngte leh an ramte chu LALPA, Israelte Pathianin Israel-hote chu a dopui avangin, Josua chuan tumkhata a amn vek an ni. Tin, Josua leh Israel-ho zawng zawngte chu an riahhmun Gilgal-ah an kir leh ta vek a.

⁴²Chung lalho zawng zawngte leh an ramte chu LALPA, Israelte Pathianin Israel-hote chu a dopui avangin, Josua chuan tumkhata a amn vek an ni. Tin, Josua leh Israel-ho zawng zawngte chu an riahhmun Gilgal-ah an kir leh ta vek a.