Read Baibul, Mizo Josua 11 Bible Online

Josua 11 - Baibul, Mizo bible

Josua 11

¹Tin, heti hi a ni a, Hazor khaw lal Jabinan chu chu a lo hriat chuan, Madon khaw lal Jobaba te, Simron khaw lal te, Aksaph khaw lal te,

²hmar tlang ram lal te, Kineroth chim lama Araba lal te, phai ram lal te, thlang lam panga Dor khaw zosang lal te,

³chhak lam leh thlang lama awm Kanaan mi te,, tlang lama awm, Amor-ho te, Hit ho te, Periz-ho te, Jebus-ho te, Mizpa ram Hermon tlang hnuaia awm Hiv-ho hnenahte mi a ti r a.

⁴Tin, an sipaihote zawng zawng nen mi tam tak, an tam lam chu tuifinriat kama tiau vaivut zat zet, akawr leh tawlailir tam tak nen an thawk ta chiam a.

⁵Chung lalho zawng zawngte chu an intawk khawm a, Israel-hote chu beih tumin Meron tuiahte chuan an riak khawm a.

⁶Tin, LALPA'n Josua hnenah, "Anni chu hlau suh: naktu hetih hun hian anniho chu tihhlum sa vekin Israelte ka rawn pe mai dawn e: an sakawr thate i chhahsak ang a, an tawilairte chu i halsak dawn nia," a ti a.

⁷Chutichuan Josua leh ral kap miz awng zawngte chu Meron tuiahte chuan an va thawk ta thut a, an bawh ta a.

⁸Tin, LALPA'n anmahni chu Israelte kutah a pe a, an bei a, Zidon ropui thleng te, Misrephothmaim hmun thleng te, chak lampanga Mizpeh ruam thleng tein an um a: pakhat mah zuah reng reng nei loin an that vek a.

⁹Tin, LALPA'n a tirh angin Josua chuan an chungah a ti a: an sakawr thate a chhahsak a, an tawlailirte chu a halsak a.

¹⁰Tin, chutih lai chuan Josua chu a let leh a, Hazor khua chu a la a, an lal chu khandaihin a that a; tun hma chuan Hazor khua chu chunlgai vel ram zawng zawng zinga khawpui ber a ni.

¹¹Tin, chu khua aawm zawng awngte chu khandaihin a that vek a, an tichimit vek a, nung tawh phawt chu pakhat mah an zuah lo: tichuan Hazor khua chu a hal ta a.

¹²Tin, chu lalho khawpui zawng zawngte leh an lal zawng zawngte chu Josua'n a amn vek a, khandaiha beiin a that a, a tichimit vek a; LALPA chhiahhlawh Mosia'n thu apek ang khan.

¹³Mualpawnga khawpui lo din sa tawhte erawh kha chu, Hazor khua ngawt lo chu Israel-hote chuan pakhatmah an hal lo; chu khua erawh chu Josua'n a hal a ni.

¹⁴Tin, chung khawpuia an rallak zawng zawngte leh rante chu Israela thlahte chuan anmahni pualah an nei a; mihring eawh chu an tihboral vek hma loh zawng khandaihin an that zel a, nung tawh phawt chu zuah an nei lo.

¹⁵LALPA'n a chhiahhlawh Mosia thu a pek ang bawkin, Mosia pawhin Josua chu thu a pe ve a: chutiang chuan Josua'n a ti zel a: LALPA'n Mosia thu a pek zawng zawng chu tih loh reng reng a nei lo.

¹⁶Chutichuan Josua'n chung ram zawng zawng, tlang ram te, Chhim ram zawng awng te, Gosen ram zawng awng te, phai ram te, Araba te, Israel-ho tlang ram te, an phai ramte nen a la vek a.

¹⁷Seir tlang han sutu Halak tlang atanga Hermon tlang hnuaia Lebon ruama Baalgad thlengin; an lal zawng zawngte chu a man a, a that a, a tihlum a.

¹⁸Josua'n chung lalho zawng zawng chu rei tak a do a ni.

¹⁹Gibeon khuaa awm Hiv-hote tih chauh lo chu Israel-hote nena remna siam khua reng reng an awm lo: dona an lak vek a ni.

²⁰LALPA'n Mosia thu a pek anga a tihchimih vek a, duhsakna nei hlek loa a tiboral theihna tura an thinlung tihkhauhsaka Israel-hote dotir thintu chu LALPA chu a ni si a.

²¹Tin, chung lai chuan Josua chu a kal a, tlang ram atang te, Hebron khua atang te, Debir khua atang te, Anab khua atang e, Judai tlang ram zawng zawng atang te, Israel tlang ram zawng zawng atangtein Anakim-ho chu a tichimit vek a: Josua chuan an khawpuite chawpin a tiboral vek a.

²²Israela thlahte ramah chuan Anakim-ho chu pakhatmah awm an awm tawh lo: Gaza khuaah te, Gath khuaah te, Asdod khuaah te erawh chuan awm chu an la awm.LALPA'n Mosia hnena a sawi zawng zawng ang khan Josua chuan Israelteho chu an hnam inthen dan ang zelin an rochan atan a pe hlawm a. tichuan ram chu ralmuangin a awm ta a.

²³LALPA'n Mosia hnena a sawi zawng zawng ang khan Josua chuan Israelteho chu an hnam inthen dan ang zelin an rochan atan a pe hlawm a. tichuan ram chu ralmuangin a awm ta a.