Read Baibul, Mizo Josua 13 Bible Online

Josua 13 - Baibul, Mizo bible

Josua 13

¹Tin, Josua chu a lo upa a, a lo tar ta hle mai a; tin, LALPA chuan a hnenah, " I lo upain i lo tar ta hle a, ram lah chu lak tur a la tam mai si a.

²Heng ramte hi a ni la lak loh chu: Philistia ram zawng zawng leh Gesur-ho ram zawng zawng chu:

³Aigupta ram bula awm Sihor atanga hmar lampanga Ekron ramri thlengin (Chu chu Kanaan mite rama ngaih a ni); Philistia-ho lal panga, Gaza nitem Asdod mite, Askelon mite, Git mite leh Ekron mite chu: chim lama Avim ram pawh:

⁴Kanaan mite ram zawng zawng leh Ziedon mite rama Meara, Amor-ho ramri Aphek khaw thlengin:

⁵tin, Gebal mite ram leh ni chauhna lam Lebanon ram zawng zawng, Hermon tlang hnuai Baal-gad atanga Hamath khaw luhna thlengin:

⁶Lebanon atanga Misrephoth-maim hmun thlengi, tlang rama cheng zawng zawng, Zidon mi zawng zawngte chu; anni chu Israela thlahte hmaah hian ka hnawtchhuak ang a: thu ka pek che ang khan Israel-hote rochanah siamsak phawt mai ang che.

⁷Chutichuan he ram hi hnam kuate leh Manase hnam zatvete rochanah semsak ang che," a ti a.

⁸Amah nen Reuben chite leh Gad hote chuan Jordan chhak lampangah khan an chanpual tur Mosia'n a pek chu an lo dawng tawh a, LALPA chhiahhlawh Mosia ngeiin a lo pek tawh ang khan:

⁹Arnon ruam sira awm Aroer khua atang leh ruam lai taka khawpui leh, Medeba phai ram zawng zawng, Dibon thlengin;

¹⁰tin, Amor-ho lal Sihona, Hesbon khuaa lala thua khawpui zawng zawng, Amona thlahte ramri thlengin;

¹¹tin, Gilead ram leh Gesur-ho leh Maakat-ho ramri chin leh Hermon tlang zawng zawng leh Basan ram zawng zawng, Salka khaw thlengin;

¹²Astaroth leh Edrei khuaa lala thu Basan ram lal Oga ram zawng zawng nen (chung chu Rephaim hnam la awm chhunte an ni); chungho chu Mosia'n a lo bei a, a lo hnawtchuak tawh a ni.

¹³Amaherawhchu Gesur-hote leh Maakat-hote chu Israela thlahte chuan an hnawtchhuak lo: Gesur-ho leh maakat-ho zawng tun thleng hian Israel-hote zingah an la cheng ta reng zawk a ni.

¹⁴Levi hnamte chauh a ni rochan tur a pek ve loh ni: a hnena a lo sawi tawh ang khan LALPA, Israelte Pathian tana meia thilhlante chu an rochan a ni zawk si a.

¹⁵Tin, Rebena thlahte hnam chu an chhungkaw zir zelin Mosia'n ram a lo pe tawh a.

¹⁶Tin, an ramri chu Arnon ruam sira awm Aroer khua atanga ruam lai taka khawpui leh Medeba phai ram zawng zawng:

¹⁷Hesbon leh chu mi phai rama khawpui zawng zawng: Debon te, Bamothbaal te Bethbaal-meon te:

¹⁸Jahz khua te, Kedemoth te, Mephaath te;

¹⁹Kiriathaim te, Sibma te, ruam tlanga Zereth-sahar te;

²⁰Bethpeor te, Pisga awih pangper te, Beth-jesimoth te;

²¹phai ram khawpui zawng zawng te, Hesbona rorel, Amor-ho lal Sihona mi lian ho , Midian-hote lala awm Evia te, Rekema te, Zura te, Hura te, Reba te an awmna ram chawpa Mosia'n a lo tiboral takte nen khan a ni.

²²Beora fapa Balaama, aienthiam pawh Israela thlahten mi dang an thlahte zingah chuan khandaihin an that zel a.

²³Tin, Reubena thlahte ram chin chu Jordan leh a kam zawng chu a ni. Heng ram leh khawpuite leh khuate hi a ni Reubena thlahte tana an chhungkaw zir zela rochana an ruat chu.

²⁴Tin, Mosia'n Gad chi, Gada thlahte chu an chhungkaw zir zelin ram a pe a.

²⁵Tin, an ramri chu Jazer khua leh Gilead ram khawpui zawng zawng leh Amona thlahte ram zatve, Raba khaw depa awm Aroer thlengin;

²⁶Hesbon atanga Ramathmizpe leh Betonim thlengin; Mahanaim atanga Debir ramri thlengin;

²⁷tin, ruamah chuan Beth-haram te, Beth-nimra te, Sukoth te, Zaphon te, Hezbon leh Sihona ram dang te, Hezbon leh Sihona ram dang e, Jordan leh a kam te, Jordan ral chak lampanga Kinereth dil tawp rak thlengin a ni.

²⁸Hengte hi a ni Gada thlahte tana an chhungkaw zir zela an rochana ruat chu, a khawpuite leh khuate chu.

²⁹Tin, Mosia'n Manase hnam zatvete chu ram a pe a, Manasea chi zatvete tan a ni an chhungkaw zir zela a pek ni.

³⁰Tin, an ramri chu Mahanaim atangin Basan ram zawng zawng, Basan ram lal Oga ram zawng zawng leh basan rama Jair khawpui zawng zawngte nen, chu chu khaw sawmruk a ni:

³¹tin, Gelead ram te, Edrei khuate nen: chung chu Manasea fa Makira thlah, Makira thlah zatvete tan, an chhungkaw zir zela ruat a ni.

³²Heng Moab phai, Jeriko zawn, Jordan ral, chhak lampang te hi a ni Mosia'n an rochan tura a lo sem chu.Levi chite erawh chu Mosia'n rochan tur a pe ve lo: an hnena a lo sawi tawh ang khan LALPA, Israelte Pathian chu an rochan a ni zawk.

³³Levi chite erawh chu Mosia'n rochan tur a pe ve lo: an hnena a lo sawi tawh ang khan LALPA, Israelte Pathian chu an rochan a ni zawk.