Read Baibul, Mizo Josua 14 Bible Online

Josua 14 - Baibul, Mizo bible

Josua 14

¹Hengte hi ani Israela thlahten Kanaan rama an lak, puithiam Eleazara te, Nuna fapa Josua te, Israela thlahte hnam chhungkaw puipaten an rochan atana an lo sem takte chu,.

²hnam kuate leh hnam zatvete chanpual atana LALPA'n Mosia hmanga thu a lo pek tak ang khan,

³Mosia chuan hnam hnih leh hnam zatvete kha Jordan ralah khan an rochan tur a lo pe ta si a; Levi chite erwah chu an zingah rochan tur a pe ve lo.

⁴Josefa thlahte chu hnam hnih an ni, Manase leh Ephraim chu: Levi chiteho chu chu mi ramah chuan chanpual an pe lo, an awmna tur khawpuite leh a daivel ran tlatna tur hmun leh an in lo khuarna ngawt lo chu.

⁵LALPA'n Mosia thu apek ang khan Israela thlahte chuan an ti a, ram chu an sem a.

⁶Chutichuan Juda thlahte chu Gilgal khuaah Josua hnenah an va kal a: Keniz mi Jephunia fapa Kaleba chuan a hnenah, "Kadesh-barnea hmuna Pathian mi Mosia hnena LALPA'n ka chungchang leh i chungchang thua a thusawi kha i hria a.

⁷LALPA chhiahhlawh Mosia'n Kades-barnea hmun atanga ram va en thla tura mi tirh lai khan kum sawmli mi ka ni tawh a; tin, ka rilrua awm ang chiah chu a hnenah ka thlen leh a. a.

⁸Amaherawhchu ka unau ka hnena kal vete khan mipuite thinlung an tihtuisak a: kei erawh chuan LALPA ka Pathian chu ka pawm tlat a.

⁹Tichuan Mosia'n chu mi ni chuan, 'LALPA ka Pathian hi i pawm tlat avangin i kein a lo rah tak ram chu kumkhuain nangmah leh i thlahte rochan tur ani ngei ngei ang,' tiin chhia a chham a.

¹⁰Tichuan ngaiteh, LALPA'n Mosia hnena chung thu chu a sawi achin Israel-hote thlalera an vah chhung zawngte khan LALPA'n a sawi tawh angin kum samwli leh kum nga zet chu mi damtir a; tichuan ngaiteh, tunah hian kum sawmriat leh kum nga ka lo ni ta a,

¹¹Chuti chung pawhin tun thleng pawh hian Mosia mi tirh lai ang mai bawk khan ka la chak reng a, hmana indo leh chhuahvahna'n thahrui ka nei ang bawk khan tunah pawh hian ka la nei reng a sin.

¹²Chutichuan he tlang, LALPA'n kha mi nia a lo sawi tah kha mi pe ta che; khatia Anakim-hote an awm a, an khawpuite pawh a ropuiin, kulha hung khup a ni tih khami ni khan i hriat kha; LALPA chuan mi awmpuiin, anmahni chu ka hnawtchhuak thei mahna, LALPA'n a lo sawi tawh ang khan," a ti a.

¹³Chutichuan Josua chuan mal a sawm a; tin Jephunia fapa Kaleba chu a rochan atan Hebron kua chu a pe ta a.

¹⁴Tichuan Hebron khua chu tun thleng hian Keniz mi, Jephunia fapa Kaleba rochan a lo ni ta a ni; LALPA, Israelte Pathian chu a pawm tlat avangin.Tin, Hebron khaw hming chu a hma chuan Kiriath-arba a ni; Arba chu Anakim-ho szinga mi lian ber a ni. Tichuan ram chu ralmuangin a awm ta rih a.

¹⁵Tin, Hebron khaw hming chu a hma chuan Kiriath-arba a ni; Arba chu Anakim-ho szinga mi lian ber a ni. Tichuan ram chu ralmuangin a awm ta rih a.