Read Baibul, Mizo Josua 16 Bible Online

Josua 16 - Baibul, Mizo bible

Josua 16

¹Tin, Josefa thlahte chanpual chu, Jeriko zawn Jordan atangin thlaler kiang, chhak lampanga Jeriko tuiahte chuan an chhuak a, Jeriko atang chuan tlang ramah Bethel thlengin a chho zel a;

²tin, Bethel atangin Luz-ah a chhuak a, Ark-ho ramria Ataroth thlengin a kal zel a;

³tin, thlang lampangah Japhlet-ho ramri thlengin a chhuk zel a: chu chu tuifinriatah a chhuak a.

⁴Tichuan Josefa thlahte manase leh Ephraim chite chuan chanpualah a nei ta a.

⁵Tin, an chhungkaw zir zela Ephraima thlahte ramri chu hetiang a ni: chhak lampanga an chanpual ramri chu Ataroth-adar a ni a, Beth-horon chhakta thlengin;

⁶tin, ramri chu Mikmethath hmara thlang lampangah a chhuak a; tin, ramri chu chhak lampangah Taanath-silo thlengin a let leh a, Janoa chhak lamah a kal zel a;

⁷tin, Janoa atang chuan Ataroth-ah te, Naara-ah te a chhuk zel a, Jeriko a tleng a, Jordan-aha chuak a.

⁸Tapua atangin ramri chu thlang lampangah Kana luite thlengin akal a; chu chu tuifinriatah a chhuak a. Chung chu a ni Ephraima thlahte hnam an chhhungkaw zir zela an chanpual chu.

⁹Manasea thlahte chanpual zinga Ephraima thlahte tana khawpui ruat hransakte nen, a khawpui zawng zawngte leh a khawper pawh.Tin, Gezer-a awm Kanaan hote chu a hnawtchuak lo va Kanaan mite chu Ephraim- hote zingah tun thleng hian an la awm a, hnathawka rawih atan chhiahhlawhah an awm ta zawk a ni.

¹⁰Tin, Gezer-a awm Kanaan hote chu a hnawtchuak lo va Kanaan mite chu Ephraim- hote zingah tun thleng hian an la awm a, hnathawka rawih atan chhiahhlawhah an awm ta zawk a ni.