Read Baibul, Mizo Josua 19 Bible Online

Josua 19 - Baibul, Mizo bible

Josua 19

¹Tin, thumvawr vawi hnihna chu Silmeona chungah, Simeona thlahte hnam chungah an chhungkaw zir zelin a tlu leh ta a: an chanpual chu Juda thlahte chanpual zingah a tel ve a ni.

²An chanpuala tlute chu Beer-seba (Seba emaw) te, Molada te:

³Hazar-sual te, Bala te, Ezem te;

⁴Eltolad te, Bethul te, Horma te;

⁵Ziklag te, Beth-markaboth te, Hazar-susa te;

⁶Beth-leboath te, Saruhen te; khawpui sawm leh pathum a khawperte nen:

⁷Ain te, Rimon te, Ether te, Asan te: khjawpui pali a khawperte nen:

⁸chung khawpui vela khawper zawng awng Baalath-beer Chhim Rama thlengin.

⁹Chung chu a ni Simeona thlhate hnam an chhungkaw zir zela an chanpual chu Juda thlahte chan zinga mi a ni: Juda thlahte chanpual chu an tan a zau lutuk si a: chuvangin Simeona thlahte chanpual chu a chan zingah a tel ve a ni.

¹⁰Tin, thumvawr vawi thumna chu Zebuluna thlahte chungan an chhungkaw zir zelin a tlu leh ta a: tin, an chanpual ramri chu Sarid thlengin a ni:

¹¹tin, an ramri chu thlang lampangah Marala thleng rakin a kal zel a, Debeseth an va thleng a: tin, Jokneam bula luite a va thleng a;

¹²tin, Sarid atangin chhak lampang ni chhuahna lamah Kisloth-tabor ramri thlengin a kawi cho a; Deberath-ah a chhuak a, tin, Japhia-ah a chho leh a;

¹³tin, chuta tang chuan chhak lampangah Gath-hepher leh Eth-kazin ah a kal zel a, Nea lam panin Romon-ah a chhuak a;

¹⁴tin, ramric hu hmar lamah Hanathon-aha kual phei a: tin, a chhuahna chu Iphtah-el ruamah a ni;

¹⁵tin, Katath te, Nahalal te, Simron te, Idala te, Bethlehem te; khawpui sawm leh pahnih a khawperte nen.

¹⁶Chung chu ani Zebulun thlahte an chhunkaw zir zela an chanpual a ruat chu; khawpuite leh a khawperte chu.

¹⁷Tin, thumvawr vawi lina chu Isakara chungah, Isakara thlahte chungah an chhungkaw zir zelin a tlu leh ta.

¹⁸Tin, an ramri chin chu Jezreel te, Kesuloth te, Sunem te;

¹⁹Hapharaim te, Sion te, Anaharath te;

²⁰Rabith te, Kision te, Ebez te;

²¹Remeth te, Enganim te, En-hada te, Beth-pazez te thlengin a ni;

²²tin, ramri chuan Tabor te, Sahazurma te, Beth-semes te a va thleng a; tichuan an ramri chhuahna chu Jordan-ah a ni: khawpi sawm leh paruk a khawperte nen.

²³chung chu a ni Isakara thlahte hnem chhungkaw zir zela an chanpuala ruat chu; khawpute leh a khawperte chu.

²⁴Tin, thumvawr vawi ngana chu Asera thlahte hnam chungah an chhungkaw zir zelin a tlu leh ta a.

²⁵Tin, an ramri chin chu Helkath te, Hali te, Beten te, Aksaph te;

²⁶Alamemel te, Amad te, Misal te a ni; thlang lampangah Karmel leh Sihor-libnath a zuk thleng a;

²⁷tin, ni chhuahna lampangah Beth-dagon-ah a kual chho a, tin, Zebulun leh hmar lampangah Iphtah-el ruamah Bethemek leh Neiel a va thleng a; tin, vei lampangan Kabul te,

²⁸Ebron te, Rehob te, Hamon te, Kana te, Zidon ropui thleng rakin a kal zel a;

²⁹tin, ramri chu Ramaah leh Tura khawpui kulh neiah a kual phei a: tin, ramri chu Hosa-ah a kual phei zel a; tichuan a chauhna chu Akzibram tuifinriatah a ni:

³⁰Uma te, Aphek te, Rehob te; khaw sawmhnih leh pahnih a khawperte nen.

³¹Chung chu a ni Asera thlahte hnam an chhungkaw zir zela an chanpual chu; chung khaw puite leh a khawperte chu.

³²Tin, thumvawr vawi rukna chu Napthtalia thlahe chngah an chhungkaw zir zel bawkin Naphtalia thlahte chungah a tlu leh ta a.

³³Tin, an ramri chin chu Heleph atang te, Zaananima sasua atang te, Adami-nekdeb leh Jabneel atang tea Lakum thleng a ni;

³⁴tin, ramri chu thlang lampangah Aznoth-tabor-ah a chhuk a; tin, chuta tangin Hukok-ah a kal a: tin, chhim lamah Zebulun a va thleng a, thlang lamah Aser a thleng a, tin, ni chhuahna lamah Judai rama Jordan a han thleng a.

³⁵Tin, khawpui kulh neite chu Zidim te, Zer te, Hamath te, Rakath te, Kinereth te;

³⁶Adama te, Rama te, Hazor te;

³⁷Kedes te, Edrei te, En-hazor te;

³⁸Iron te, Migdal-el te, Horem te, Bethanath te, Beth-semes te a ni; khawpui sawm leh pakhua a khawperte nen.

³⁹Chung chu a ni Naphtalia thlahte hnam an chhungkaw zir ang zela an chanpual chu, khawpuite leh a khawper te nen.

⁴⁰Tin, thumvawr vawi sarihna chu Dana thlahte hnam chungah an chhungkaw zir zelin a tlu ta a.

⁴¹Tin, an chanpual ramri chu Zora te, Estaol e, Irseme te;

⁴²Saalabin te, Aijalon te, Ithla te,

⁴³Elon te, Timna te, Ekron;

⁴⁴Elteke te, Gibethon te, Baalath te;

⁴⁵Jehud te, Bene-berak te, Goth-rimon te;

⁴⁶Me-jarkon te, Rakon, Jopa dep ramte nen a ni.

⁴⁷Tin, Dana thlahte ramri chuan chung chu a va pel a ni: Dana thlahte chuan Lesem an han bei a, an la a, khandaihin an tiboral a, an nei ta a, chutah chuan an awm ta nghal a ni a, an pu Dana hming chawiin Lesem chu Dan an lo ti ta a ni.

⁴⁸Chung chu ani Dana thlahte hnam an chhungkaw zir zela an chanpual chu: chung khawpuite leh a khawperte nen.

⁴⁹Chutichuan an chanpual atana ramri siam ang zelin ram chu an lo sem zo ta a; tichuan Israela thlahten Nuna fapa Josua chu an zingah chanpual an siamsak ve a:

⁵⁰LALPA thupek angin Ephraim tlang rama a khawpui dil Timnath-sera khua ngei chu an pe a: tin, khawpui chu a siam a, chutah chuan a awm ta a.Chungte chu a ni puithiam Eleazara te, Nuna fapa Josua te leh Israela thlahte hnam chhungkaw puipaten Silo-a LALPA hmaah inbiakna puan in kawngkaa thumvawra an rochan atana an lo sem takte chu. Chutichuan ram then chu an zo ta a ni.

⁵¹Chungte chu a ni puithiam Eleazara te, Nuna fapa Josua te leh Israela thlahte hnam chhungkaw puipaten Silo-a LALPA hmaah inbiakna puan in kawngkaa thumvawra an rochan atana an lo sem takte chu. Chutichuan ram then chu an zo ta a ni.