Read Baibul, Mizo Josua 20 Bible Online

Josua 20 - Baibul, Mizo bible

Josua 20

¹Tin, LALPA'n Josua chu a bia a,

²Israela thlahte hnenah hian, 'Inhumhimna khuate siam rawh u khai, Mosia hmanga in hnena ka sawi tawh kha:

³tupawh hre loa mi that palhtu chu, chutah chuan a tlan lut thei dawn nia: tichuan thisen phubalatu lakah chuan in tan inhumhimna a ni ang.

⁴Tin, chung khawpuite zinga a engah emaw chuan a tlan ang a, khawpui kulh kawngka luhnaah a va ding a, chu mi khaw upaho beng hriatah a chanchin chu a va thlen ang a: tin, anni chuan khaw chhungah an hnenah an hruai lut ang a, an zinga a chen ve theihna turin awmna tur chu an ruatsak ang.

⁵Tin, thisen phubalatuin a rawn um chuan, a thattu chu a kutah an lo pe tur a ni lo; a thenawm chu hre loin a that a ni a, tun hmain huatna a nei si lo a.

⁶Mipui hmaa rorelsak tura a din hma leh chung laia puithiam lala awma chu a thih hma loh chuan, chu mi khuaah chuan a awm reng tur a ni; tin, chu mi hunah chuan mi thattu chu a ma khaw chhung ngei, a tlan chhuahsan khua, ama in chhungah ngei chuan a lut leh tur ani,' tiin sawi ang che," tiin.

⁷Tichuan Naphtali tlang rama Galili-ah Kadesh khua te, Ephraim tlang rama Sekem khua te, Judai tlang rama Kiriath -arba khua (chu chu Hebron a ni)_ te chu an ruat ta a.

⁸Tin, chhak lamah Jordan ralah Jeriko-ah chuan Reuben hnam rama thlaler phai zawla Bezer khua te, Gad hnam rama Gilead ram Ramoth khua te, Manase hnam rama Basan rama Golan khuate an ruat a.Chung khuate chu a ni Israela thlahte zawng zawng leh an zinga hnam dang awmte tana ruat chu: tupawh mi that palhtu chu chutah chuan a tlan luh a, mipuite hmaa a din zet hma loh chuan thisen phubalatu kuta a thih lohna turin.

⁹Chung khuate chu a ni Israela thlahte zawng zawng leh an zinga hnam dang awmte tana ruat chu: tupawh mi that palhtu chu chutah chuan a tlan luh a, mipuite hmaa a din zet hma loh chuan thisen phubalatu kuta a thih lohna turin.