Read Baibul, Mizo Josua 22 Bible Online

Josua 22 - Baibul, Mizo bible

Josua 22

¹Chutichuan Josua'n Reuben-ho te, Gad-ho te, Manase hnam zatvete chu a ko ve,

²an hnenah, "LALPA chhiahhlawh Mosia'n thu a pek apiang che u pawh in pawm zel a:

³hei lehchen hi vawiin thlengin in unauteho chu in thlahthlam lo a, LALPA in Pathianin tih tura thu apek che u in zawm thin a.

⁴Tichuan LALPA in Pathianin an hnena a lo sawi tawh ang khan in unaute hi muanna a lo pek tak hi: chuvangin LALPA chhiahhlawh Mosia'n Jordan rala in chanpual atana ram a lo pek tak che uah khan, in puan in lamahte chuan haw leh tawh u.

⁵LALPA chhiahhlawh Mosia'n LALPA'n in Pathian chu hmangaih a, a kawng zawng zawng chu zawh a, a thupekte chu pawm a, amah chu vuan tlat a, in thinlung zawng zawng leh in thlarau zawng zawnga a rawng bawl tlat tura thu a lo pek che u kha, chu thupek leh dante chu fimkhur takin vawn that tum phawt mai ang che u,m" a ti a.

⁶Chutichuan Josua'n anmahni chu mal a sawm a, a kaltir ta a: tichuan an puan in lamahte an haw ta a.

⁷Tin, manase hnam zatvete kha Mosia'n Basan ramah chanpual a pe a: a zatve dangte kha erawh chu Josua'n thlang lampang Jordan ralah an unaute zingan chanpual a pe awk a. Tin, Josua'n an in lama a hawntir dawn lai khan mal a asawm a,

⁸an hnenah, "In puan in lamah te chuan hausa takin haw ta u la, ran tam tak nen, tangka te nen, rangkachak te nen, dar te nen, thirte nen, silhfen tam takte nen: in hmelmate laka in rallakte kha in unaute nen insem tlang rawh u," tiin a sawi a.

⁹Tin, Reuben thlahte leh Gada thlahte leh manase hnam zatvete chu an kir leh a, Kanaan ram Silo khua ata chu Israela thlahte hnen atang chuan Gilead ram, LALPA'n Mosia hmanga thu a lo pek tak ang khan an chanpual renga a lo ruat tawh rama kal turin an chhuak ta a.

¹⁰Tin, Kanaan rama Jordan bial an va thlen chuan Reubena thlahte leh, Gada thlahte leh, Manase hnam zatvete chuan Jordan lui kamah chuan maicham lianpui langsar tak an siam ta a.

¹¹Tin, Israela thlahte chuan, "Ngai teh u, Reubena thlahte leh Gada thlahte leh, Manase hnam zatvete khan Kanaan ram bul tak, Jordan bial, Israela thlahte ram lampangah maicham an siam e," tia mi sawi an hria a.

¹²Tin, chu chu Israela thlahteho chuan an lo hriatin, Israela thalhate mipuiho zawng zawng chu anmahni han do tumin Silo khuaah an inkhawm ta chiam a.

¹³Tin, Israela thlahte chuan Gilead rama Reubena thlahte leh, Gada thlahte leh, Manase hnam zatvete hnenah chuan puithiam Eleazara fapa Phinehasa an tir a;

¹⁴a hnenah mi lian sawm, Israel-ho hnam zinga chhungkaw puipa ber pakhat zel nen; chungte chu Israel-ho hnam zinga an chhungkaw puipa ber zelte an ni.

¹⁵Tin, Reubena thlahte leh, Gada thlahte leh, Manase hnam zatvete hnenah Gilead ramah chuan an kal ta a, an hnenah,

¹⁶LALPA mipuiho zawng zawngin, 'Israelte Pathian chungah eng nge maw in tihsual le, LALPA chungah vawiinah hian hel tuma maiham siamin vawiinah hian LALPA chu in hawisan le?

¹⁷Peor hmuna bawhchhiatna te kha kan tan te luaah ngaih theih em ni? Tun thleng pawh hian khang kan sualte kha kan la intleng fai zo lo a ni a, LALPA mipuiho zingah kahn hri kha a leng na chungin,

¹⁸vawiinah hian LALPA chu hawisan in tum chu le? Tichuan vawiina LALPA chunga in lo hel ta mai hi naktukah zawng Israel mipuiho zawng zawng chungah a thinrim ngei dawn mai.

¹⁹Amaherawhchu in ram luah hi a bawlhhlawh chuan, LALPA ram chhung, LALPA biak buk awmna hmunah lo kal ve mai u la, kan zingah cheng ve ta mai che u; amaherawhchu LALPA kan Pathian maicham tih loh maicham dang siam zawngin LALPA chungah hel suh u la, kan chungah pawh hian hel ma ta che u.

²⁰Zera fapa Akana khan hluihlawn thil-ah khan thil a tisual a, Israel mipuiho zawng zawng chungah khan thinurna a tla a ni lawm ni kha? Kha mi kha ama bawhchhiatnaah amah ngawtin a boral bik loh kha,' an ti a sin," tiin a sawi a.

²¹Chutichuan Reubena thlahte leh, Gada thlahte leh, Manase hnam zatvete chuan Israel- ho hnam puipate chu an chhang a, an hnenah,

²²LALPA pathiante Pathian, LALPA, pathiante Pathian chuan a hria a: Israel-ho pawhin an hria ang; kan maicham siam hi LALPA hawisan tum a, hel tumna emaw, thilsual tumna emawa siam kan nih chuan (vawiinah pawh hian min zuah lo mai rawh).

²³Halral thilhlanna'n emaw, ei tur thilhlanna'n emaw, remna thilhlanna'n emaw a nih chuan, amah lalpa ngeiin rawn ngaihtuah ang hmiang.

²⁴Nakin hnuah hian in thlahten kan thlahte hnenah hian, 'Nangnin LALPA, Israelte Pathian hi enga in hman phak vena nge maw awm ni?

²⁵nangni Reubena thlahte leh Gada thlahte u, LALPA'n keini leh nangni tan Jordan hi ramri china a siam a sin ni: LALPAAH hian chanpual in nei ve hlei nem,' an la rawn ti hlauh dah ang e tia a, fimkhur avanga tih chhan nei taka ti kan ni a sin: in thlahtehoin kan thlahte chu lalpa tih nachang hre loin an la siam maithei a sin: in thlahtehoin kan thlahte chu lalpa tih nachang hre loin an la siam maithei a sin.

²⁶keini leh, nangni leh, kan hnua kan thlahteho karah hriatna a ni ang, tichuan kan halral thilhlante leh kan inthawina te leh, kan remna thilhlante hian LALPA rawng kan bawl theihna'n leh, an thlahte pawhin nakinah kan thlahte hnenah chuan, LALPAAH chanpual in nei ve lo e, an la tih lohna'n,' kan ti a ni.

²⁷Chuvangin, 'Heti hi a ni ang a, nakin hnuahte kan hnenah emaw, kan thlahte hnenah emaw chutianga an la rawn tih huna keinin, En ta che u, kan thlahtuten LALPA maicham awm dan an siam hi, halral thilhlanna tur leh inthawina tur ani lo ve; keini leh nangni karah hriatna a ni zawk e, kan la tih atan,' kan ti a sin.

²⁸LALPA chungah chuan helin vawiinah hian LALPA hawisan a, LALPA kan Pathian maicham, a biak buk bula maicham ngawt lo hi halral thilhlanna'n emaw, ei tur thilhlanna'n emaw, inthawina'n emaw maicham siam kan nih lohzia mai chu," an ti a.

²⁹Tin, puithiam Phinehasa leh a hnena awm mipuiho mi lian, Israel-ho hnam puipate chuan Reubena thlahte leh Gada thlahte leh Manasea thlahte thusawi an hriat chuan a tilawm ta hle a.

³⁰Tin, puithiam Eleazara fapa Phinehasa chuan Reubena thlahte leh Gada thlahte leh Manasea thlahte hnenah chuan, "LALPA chungah thil in tihsual loh avangin, tunah zawng LALPA chu kan zingah a awm ngei ani tih kan hre ta alawm: tichuan Israela thlahte hi lalpa kut ata in chhan chhuak ta anih hi," a ti a.

³¹Chutichuan puithiam Elazara fapa Phinehasa leh mi lianho chu Reubena thlahte leh Gada thlahte hnen atang chua Gilead ram ata chu Kanaan ram lamah Israela thlahte hnen lamah chuan an haw leh ta a, thu chu an va thlen leh a.

³²Tin, chung thu chuan Israela thlahte chu a tilawm hle a; tin, Israela thlahte chuan Pathian chu an fak ta a; tichuan Reubena thlahte leh Gada thlahte chu an han do a, an awmna ram han tihchhiatsak thute chu an sawi leh ta lo a.Tin, Reubena thlahte leh Gada thlahte chuan chu maicham chu Ed an ti a: "LALPA chu Pathian a lo ni ngei mai tih kan karah hian hriattir anih hi," an ti a ni.

³³Tin, Reubena thlahte leh Gada thlahte chuan chu maicham chu Ed an ti a: "LALPA chu Pathian a lo ni ngei mai tih kan karah hian hriattir anih hi," an ti a ni.