Read Baibul, Mizo Josua 23 Bible Online

Josua 23 - Baibul, Mizo bible

Josua 23

¹Tin, heti hi a ni a, kum eng emaw zat lai a lo vei hnu a, LALPA'n Israel-hote chu an kiang vela hmelma zawng zawngte laka muanna a pek hnu chuan Josua pawh chu a lo upain, a lo tar ta hle a:

²tichuan Josua'n Israel-ho zawng awngte, an upate leh an puipa te, an roreltute leh an hotute chu a kohtir a, an hnenah, "Kei zawng ka lo upain, ka lo tar ta:

³LALPA in Pathianin nangmahni avanga he'ng hnam zawng zawngte chunga a tih dan hi in hmu a; LALPA in Pathianin, amah ngeiin a ni, dosak che u ni.

⁴Ngai teh u, he'ng hnam a la awmate hi he'ng hnam ka tihbo takho zawng zawng ramte nen hian, Jordan atanga ni tlakna lam tuifinriat zauna tleng rakin in chite rochanah ka ruatsak a che u.

⁵Tin, LALPA in Pathianin inhmaah hian a hnawtchuak ang a, in hmuh phak lohvah a hnawt bo vek ang a; tichuan LALPA in Pathianin in hnena a sawi tawh ang khan a ram chu in nei dawn nia.

⁶chuvangin Mosia dan lehkhabua ziak zawng zawngte hi ding lamah emaw, vei lamah emaw in pensan hauh lohna'n huai takin pawm u la, ti rawh u;

⁷he'ng hnam in zinga la awmate nen hian inchiahpiah loa an pathiante hming pawh lam lo a, an hming chhala chhia chham lo a, an rawng pawh bawl lo a, kuna chibai in buk hek lohna'n vawiin thlenga in la tih cheu thin ang hian,

⁸LALPA in Pathian chu vuan tlat zawk thin ang che u.

⁹LALPA'n in hmaah chi ropui tak leh chak takte chu a hnawhchhuah tak vek hi: nangni hmaah zawng vawiin thlengin tumah tang thei reng reng an awm loh hi.

¹⁰In zinga mi pakhatin mi sangkhat a um ang: in hnena a lo sawi tawh angin, LALPA in Pathian hian a ni, dosak thin che u ni.

¹¹Chutichuan LALPA in Pathian chu hmangaih turin fimkhur tha hle rawh u.

¹²chutilochuan in hawisan hlauh a, he'ng hnam, la awmho in zinga la cheng rengte hi in kungkaih a, anmahni nena nupui pasala in inneih a, anmahni chu in pawl a, anni pawhin an pawl vaih che u zawngin,

¹³LALPA in Pathianin he'ng hnamte hi in mithmuhah chuan a hnawhchhuahsak dawn tawh tawp lo che u a, LALPA in Pathian ram tha tak a pek che u ata hi in boral vek hma loh chuan anmahni chu in tan thang leh fal leh, in nak atana vuakna tiang leh, in mit atana hling an lo ni zawk ang tih chiang takin hre rawh u.

¹⁴Tin, ngai teh u, tunah hian leilung zawng zawng dan angin ka kal ve dawn ta a ni: LALPA in Pathianin in chungchang a tha lam a lo sawi tawh zawng zawngte kha thlawn pakhat mah a awm lo tih chu in thinlung zawng zawng leh in rilru zawng zawngin in hria e; in chungah a lo thleng ta vek a, pakhat mahk thlawh a awm lo ve.

¹⁵Tin, heti hi a ni ang a, LALPA in Pathianin thil tha in hnena a sawi zawng zawngte kha in chunga a lo thleng ta vek ang bawk hian, LALPA in Pathianin he ram tha tak a pek che u ata hi a tihboral vek hma loh che u chuan LALPA'n thil tha lote chungah a la rawn thlentir ve ang.LALPA in Pathian thuthlung, pawm tura a pek che u hi in bawhchhiat a, pathian dangte rawng in bawl a, kuna chibai in buk chuan, LALPA thinurna chu in chungah a ling ang a, ram tha tak a pek che u ata hi in boral thuai mai ang," a ti a.

¹⁶LALPA in Pathian thuthlung, pawm tura a pek che u hi in bawhchhiat a, pathian dangte rawng in bawl a, kuna chibai in buk chuan, LALPA thinurna chu in chungah a ling ang a, ram tha tak a pek che u ata hi in boral thuai mai ang," a ti a.