Read Baibul, Mizo Josua 3 Bible Online

Josua 3 - Baibul, Mizo bible

Josua 3

¹Tin, Josua chu zing takah a tho a, Israel thlahte zawng zawng nen chuan Sitim hmun ata chu an insuan a, Jordan lui an va thleng a: an kai hmain chutah chuan an riak a.

²Tin, heti hi a ni a, ni thum chinah hotute chuan riahhmun chu an va fang vel a,

³" LALPA in Pathian thuthlung bawm leh puithiamho Levi chiten an zawn lai in hmuh hunah chuan in awmna hmun ata hi insuan u la, zui ang che u.

⁴Amaherawhchu nangmahni nena a inkar chu teha tawng sanghnih emaw a ni tur a ni: hnaih suh ang che u, tichuan in kalna tur kawng chu in hre thei dawn nia; tun hmain he mi kawng hi zawng in la zawh ngai si lo a," tiin mipuite chu thu a pe a.

⁵Tichuan Josua'n mipuite hnenah, "Intithianghlim rawh u: naktukah LALPA'n in zingah thil mak takte a ti dawn e," a ti a.

⁶Tin, Josua'n puithiamte hnenah chuan, "Thuthlung bawm hi zawn u la, mipuite hmaah kai ang che u," tiin a sawi a. Chutichuan thuthlung bawm chu an zawn a, mipuite hma chu an hruai ta a.

⁷Tin, LALPA'n Josua hnenah, "Mosia hnena ka awm ang khan i hnenah pawh ka awm dawn e tih an hriat theihna'n vawiinah hian Israel-ho zawng zawng mithmuhah ka chawimawi tan dawn a che.

⁸Tin, thuthlung bawm zawntu puithiamhote chu, 'Jordan lui in thlen chuan tui chu dai u la, vaukam bulah ding reng rawh u,' tiin thu a pe ang che," a ti a.

⁹Tin, Josua'n Israela thlahte hnenah chuan, "Lo kal u la, LALPA'n in Pathian thu hi rawn ngaithla teh u khai," a ti a.

¹⁰Tin, Josua chuan, "Hemiah hian Pathian nung chu in zingah a awm a, in hmaah hian Kanaan-hote, Hit-hote, Periz-ho te, Girgas-ho te, Amor-ho te, Jebus-hote hi a hnawtchhuak ngei gnei dawn a ni tih in hria ang.

¹¹Ngai teh u, leilung pumpui Lalpa thuthlung bawm chuan in hmaah Jordan lui a kan e.

¹²Chutichuan Israel hnamte zinga mi hi sawm leh pahnih hnam tin, aiah mi pakhat zel thlang chhuak ang che u.

¹³Tin, heti hi a ni ang a, Lalpa leilung pum pui Lalpa bawm zawntu puithiamte kephah chu Jordan tuia a innghah veleh chuan Jordan tui, chhak lam atanga tui lo luangte chu a chat hlauh ang a tichuan a lo inhlawm ding luah mai ang," a ti a.

¹⁴Tin, heti hi a ni a; mipuite chu Jordan lui kai tura an puan in ata an chhuah chuan, thuthlung bawm zawntu puithiamhote chu mipuite hmaah chuan an kal a;

¹⁵bawm zawntu puithiam ke chuan vaukam tui a han rah veleh, (buh seng chhung zawng hi chuan Jordan lui hi a kuang zawng zawngah aliam reng thin a,)

¹⁶chhak lam atanga tui lo luang thla la chu a ding ta a, hla feah Zarethan ram bula Adam khuaah chuan a lo inhlawm ding ta luah a: tin, Araba tuifinriat, Tuifinriat Al lama luang chhuk lai chu a chat ta hlauh va: tichuan mipuite chu Jeriko khaw zawn takah chuan an kai ta a.Tin, LALPA thuthlung bawm zawntu puithiamte chu Jordan lui laiah lei charah an ding reng mai a, tin, mipuiho zawng zawngte chuan Jordan lui an kai fai vek thlengin Israel-ho zawng zawngte chu lei charah an kal kai ta vek a.

¹⁷Tin, LALPA thuthlung bawm zawntu puithiamte chu Jordan lui laiah lei charah an ding reng mai a, tin, mipuiho zawng zawngte chuan Jordan lui an kai fai vek thlengin Israel-ho zawng zawngte chu lei charah an kal kai ta vek a.