Read Baibul, Mizo Josua 4 Bible Online

Josua 4 - Baibul, Mizo bible

Josua 4

¹Tin, heti hi a ni a, a hnam pum pui chuan Jordan lui an kai fai vek hnuin LALPA'n Josua hnenah chuan,

²Mipuite zinga mi hi mi sawm leh pahnih, hnam tina mi pakhat zel thlang chhuak langin

³an hnenah, 'Jordan lui lai, puithiamhote dina lai taka mi saw lung sawm leh pahnih la u la, pu phei u la, riahhmun, zanina in riahna turah dah ang che u,' tiin thu pe ang che."

⁴Chutichuan Josua chuan Israela thlahte zinga mi sawm leh pahnih, hnam tina mi a thlan chhuahte chu a ko va:

⁵tin, Josua chuan an hnenah, "LALPA in Pathian bawm hmaah khan Jordan lui laiah kai u la, Israela thlahte a hnam zat zelin, mi tinin lung pakhat theuh pu ang che u.

⁶tichuan he'ng hi in zingah chhinchhiahna a la ni dawn nia, nakinah in faten, 'he'ng, 'Heng lungte hi eng in tihna nge ni le?' tia an la rawn zawh hunah chuan,

⁷nangnin an hnenah, 'LALPA thuthlung bawm hmaah Jordan tuite a lo chah tak avang a ni; Jordan akan laiin, Jordan tuite chu a lo chat ta a ni: tichuan he'ng lungte hi Israela thlahte kumkhuaa an hriatrengna tur a nih hi,' in la ti dawn nia," a ti a.

⁸Tin, Israela thlahte chuan Josua'n thu a pek ang chuan an ti a, Israel thlahte a hnam zat zelin, Jordan lui laia mi lung sawm leh pahnih an la a; tin, an riahna hmunah an pu phei a, chutah chuan an dah a.

⁹Tin, thuthlung bawm zawntu puithiamho dinna lai tak, Jordan lui laiah chuan Josua'n lung sawm leh pahnih a phun a: chung chu tunt hlengin a la awm reng a ni.

¹⁰Mosia'n Josua thu a lo pek tak zawng zawng anga LALPA'n mipuite hnena ti tura Josua thu a pek chu an tih zawh vek hma loh chuan puithiam bawm zawntute chu Jordan lui laiah chuan an ding reng mai a: tichuan mipuite chu an intihmanhmawh a, an kai ta a.

¹¹Tin, heti hi a ni a, mipui zawng zawng chu an kai fai vek hnu chuan LALPA bawm leh puithiamte chu mipuite mithmuhah chuan an kai ve ta a.

¹²Tin, Reubena thlah te, Gada thlahte leh Manse hnam zatvete chu Mosia'nan hnena a lo sawi tawh ang khan Israel thlahte hmaah chuan inralthuamin an kai a:

¹³Ralthuama inthuam diam mi singli lai indo turin Jeriko phaiahte chuan LALPA hmaah an kai a ni.

¹⁴Chu mi ni chuan LALPA'n Josua chu Israel-ho zawng zawng mit hmuhah a chawimawi a; Mosia an tih ang bawk khan a dam chhung zawng chuan an tih ta a.

¹⁵,16 Tin, LALPA'n Josua hnenah chuan, "Puithiamho, thuhriattirna bawm zawntute kha Jordan lui ata lo chhuah thu pe rawh," tiin a sawi a.

¹⁶,15 Tin, LALPA'n Josua hnenah chuan, "Puithiamho, thuhriattirna bawm zawntute kha Jordan lui ata lo chhuah thu pe rawh," tiin a sawi a.

¹⁷Chuti chuan Josua'n puithiamhote chu, "Jordan lui ata kha lo chhuak tawh rawh u," tiin thu a pe a.

¹⁸Tin, heti hi a ni a, puithiamho, LALPA thuthlung bawm zawntute chu Jordan lui lai ata an lo chhuah a, puithiam kete chuan khawmual a rah veleh, Jordan tuite chu a luan pangngaiin a lo luang leh a, a hma ang bawk khan a kuang zawng zawngah chuan aluang liam leh ta dul dul a.

¹⁹Tin, mipuite chu thla khatna, ni sawm nin Jordan lui ata chu an chhuak a, Jeriko chhak lampang Gilgal-ah awmhmun an khuar ta a.

²⁰Tin, chung lung sawm leh pahnih, Jordan lui ata an put chhuah chu Josua'n Gilgal-ah chuan a phun a.

²¹Tin, Israel thlahte hnenah chuan, "Nakin hnua in thlahten an pate, 'Heng lungte hi eng tihna nge ni le?' tia an la zrawn zawh hunah chuan,

²²Israel-hote chuan Jordan lui hi lei charah an kal kai a ni,' tiin in thlahte chu in la hriattir dawn zuk nia.

²³LALPA in Pathianin hmanah Tuifinriat Sen chu kan kai hma khan, LALPA in Pathianin Jordan tuite hi in kai hma loh chuan in hmaah a tikang chat ta anih hi:leilunga hnam tinrengin LALPA kut hi a lo chak ani tih an hriat theih a, LALPA in Pathian chu kumkhuaa an tih theihna'n," tiin a sawi a.

²⁴leilunga hnam tinrengin LALPA kut hi a lo chak ani tih an hriat theih a, LALPA in Pathian chu kumkhuaa an tih theihna'n," tiin a sawi a.