Read Baibul, Mizo Josua 6 Bible Online

Josua 6 - Baibul, Mizo bible

Josua 6

¹(Jeriko khua chu Israel-te an luh theih lohna'n an khar tlat a: tumah an chhuak lo a, tumah an lut hek lo.)

²Tin, LALPA'n Josua hnenah, "En teh, Jeriko leh an lal leh mi chak huaisente hi i kutah ka pe tawh e.

³Tin, ral kap mi zawng zawngte hian khawpui hi velin vawi khat chu in han vel chhuak pawht ang a. chutiang chuan ni ruk in ti tur a ni.

⁴Tin, puithiam pasarihin bawm hma lamah berampa ki tawtawrawt pasarih an keng ang a, tin, a ni sarih ni chuan khawpui chu vawi sarih in vel chhuak ang a, tin, puithiamten tawtawrawtte chu an ham ang.

⁵Tin, heti hi a ni ang a, berampa ki an ham rik ruai ruai hun a, tawtawrawt ri in hriat chuan, mipui zawng zawng chu ring takin au dur dur rawh se; tichuan khawpui kulh chu a chim rup ang a, mipui chu mahni hma zawn theuhvah chuan an chho ang," a tia .

⁶Tin, Nuna fapa Josua chuan puithiamhote chu a ko a, an hnenah, "Thuthlung bawm hi zawn u la, puithiam pasarihin LALPA bawm hma lamah chuan berampa ki tawtawrawt pasarih keng rawh se," a tia .

⁷Tin, ani chuan mipuihote hnenah chuan, "Kal zel u la, khawpui chu vel chhuak rawh u, tin, inrlathuamho kha LALPA bawm hmalamah chuankal zel rawh se," a ti a.

⁸Tin, chutiang chu a lo ni ta a, Josua'n mipuihote hnena thu a sawi zawh chuan LALPA hmaa berampa ki tawtawrawt pasarih keng puithiam pasarihte chu an kal zel a, tawtawrawt chu an ham a: tin, LALPA thuthlung bawm chuan a zui a.

⁹Tin, inralthuamho chu tawtawrawt ham ham puithiamte hmaah chuan an kal a, tin, hnudaltute chuan bawm chu an chhawm a, puithiamho chuan kal pahin tawtawrawt an ham zel a.

¹⁰Tin, Josua'n mipuite chu, "Au suh u la, in aw pawh hriat ni suh se la, au tura thu ka pek ni che u a thlen hma loh chuan in ka atangin thu reng reng chhuak hek suh se: chumi hunah chuan au vang che u," tiin thu a pe a.

¹¹Chutichuan LALPA bawm chu khawpui vawikhat velin a han vel chhuahtir a; tin, riahhmunah chuan an kal a, riahhmunah chuan an riak leh ta a.

¹²Tin, Josua chu zing takah a tho a, puithiamte chuan LALPA bawm chu an zawn a.

¹³Tin, LALPA bawm hmaa berampa ki tawtawrawt pasarih keng puithiam pasarihte kha an kal zel a, tawtawrawt an ham a:

¹⁴Tin, a ni hnih ni chuan khawpui chu vawi khat an han vel chhuak elh a, riahhmunah chuan an kir leh a: chutiang chuan ni ruk an ti a.

¹⁵Tin, heti hi a ni a, a ni sarih ni chuan zing tak vartianah an tho a, an tih dan pangngaiin vawi sarih an vel chhuak a: chu mi ni chauh chuan khawpui chu vawi sarih an vel chhuak a.

¹⁶Tin, heti hi a ni a, a vawi sarihnaa puithiamhoten tawtawrawt an han ham chuan Josua'n mipuiho hnenah, "Au rawh u khai: LALPA'n khawpui hi a pe tawh che u a sin.

¹⁷Khawpui hi a chhunga thil awm zawm zawng chawp hian LALPA tana hluihlawn vek tur a ni: Rahabi nawhchizuar chauh, amah leh in chhunga a hnena awm zawng zawngte erawh chu kan mi tirhte kha a lo thuhruk avangin zuah tur a ni.

¹⁸nangni chu chu thil hluihlawn lakah chuan inthiarfihlim hlauh rawh u, chutilochuan in hluihlawn hnu chuan thil hluihlawn chu in la dah ang e, Israel-ho ruahhmun hi thil hluihlawnah in siam mai ang a, manganna in thlen dah ang e.

¹⁹Tangkarua te, rangkachak te, dar leh thir bungbelte erawh chu LALPA pual a ni vek a: LALPA sum ina dah tur a ni ang," a ti a.

²⁰Chutichuan mipuite chu an au a, puithiamten tawtawrawt an ham a: tin, heti hi a ni a, mipuiten tawtawrawt an ham a: tin, heti hi a ni a, mipuiten tawtawrawt ri an han hrat veleh chuan mipuiho chu an au ta dur dur a, kulh chu a chim ta rup a, tichuan mipuite chu mahni hma zawn theuhvah chuan an chho a, khawpuiah chuan an lut a, khawpui chu an la ta a.

²¹Tin, khawpui chhunga mi zawng zawng - a hmei apa, a pui apangin - bawngpa te, beram te, sabengtungte nen khandaihin an tihlum fai vek a.

²²Tin, Josua'n mi pahnih ram va enthlatute hnenah khan, "Nawhchizuar inah sawn va lut u la, a hnenaa chhia in lo chham tawh ang khan chu hmeichhia chu a neih zawng zawng nen va hruai chhuak rawh u," a ti a.

²³Tin, enthlatu tlangvalte chu an va lut a, Rahabi nen, a nu nen, a nutate nen, a neih zawng zawngte nen c huan an va hruai chhuak a, a laichun unaute zawng zawng pawh an va hruai chhuak a; Israel ho riahhmun pawn lamah an awmtir ta a.

²⁴Tin, khawpui chu a chhunga thil awm zawng zawng nen meiin an hal vek a: tangkarua te, rangkachak te, dar leh thir bungbelte chauh chu LALPA sum inah an dah a.

²⁵Amaherawhchu Rahabi nawhchizuar leh aneih zawng zawng leh a pa chhungte chu Josua'n a zuah vek a; tichuan Israel-hote zingah chuan tun tlengin a la tel ta reng a ni; Josua'n Jeriko khua enthla tura a tirhte khaa lo thuhruk avangin.

²⁶Tin, chu mi lai chuan Josua'n, "He Jeriko khawpui hi rawn din apiang chu LALPA hmaah anchhe dawngin awm rawh se: a fa tir chanin a lungphum chu a phum ang a, a fa tlum ber chanin a kulh kawngkate chu a din ang," tiin anni chu a vau a.Chutichuan LALPA chu Josua hnenah a awm a; tin, a ram pum puiah chuan a hming a lo thang ta a.

²⁷Chutichuan LALPA chu Josua hnenah a awm a; tin, a ram pum puiah chuan a hming a lo thang ta a.