Read Baibul, Mizo Josua 9 Bible Online

Josua 9 - Baibul, Mizo bible

Josua 9

¹Tin, heti hi a ni a, Jordan rala lalho zawng zawng - tlanga mi te, phaia mi te, tuifinriat zau tak kam tluana Lebanon thlenga awm zawng zawng - Hit-ho te, Amor-ho te, Kanaan mite, Periz-ho te Hiv-ho te, Jebus-hoten an lo hriat chuan,

²Josua leh Israel-ho chu thu khat vuaa beih rawn tumin an pungkhawm chiam a.

³Nimahsela, gibeon khuaa awmte chuan Josua'n Jeriko khua leh Ai khua a tih dan an lo hriat chuan,

⁴fin vervekin an che ve ta thung a, palai angin an insiam a, ip hlui tak tak an sabengtung an phurhtir a, uain peng hlui tak, a chhe thawm tawhte nen;

⁵pheikhawk hlui tak tak bel tup hi an bun a, puan hlui tak an inbel a; an ei tura an rawn ken chhangte chu ro hulh, hmuar un a ni a.

⁶Josua hnenah Gilgal-a an riahhmunah chuan an va kal a, a hnenah leh Israel hote hnenah chuan, "Ram hla tak atanga lo kal kan ni a: chutichuan kan hnenah hian thu thlung rawh u," an ti a.

⁷Tin, Israel-hote chun Hiv-hote hnenah chuan, "Kan zinga cheng ve hi in lo ni reng ang e; engtin nge in hnenah thu kan thlun theih ang?" an ti a.

⁸Tin, anni chuan Hosua hnenah, "I chhiahhlawhte kan nih hi," an ti a. Tin, Josua chuan an hnenah, "Tute nge maw in nih le? Khawi lam atanga lo kal nge in nih?" a ti a.

⁹Tin, anni chuan a hnenah, "LALPA i Pathian hming avangin i chhiahhlawhte hi ram hla tak atanga lo kal kan ni e: a hmingthanzia te, Aigupta rama a thiltih zawng zawng te,

¹⁰Jordan lui rala Amor ho lalte pahnih - Hesbon ram lal Sihona te, Basan ram lal Astaroth khuaa awm Oga te chunga a thiltih zawng zawng te kha kan lo hre si a.

¹¹Tin, kan upate leh kan rama chengho zawng zawngten kan hnenah, 'Kalkawng atan ei turte keng u la, anmahni va be rawh u, tin, an hnenah, In chhiahhlawh kan nih hi: kan hnenah thu thlung ang che u,' ti ang che u," tiin an sawi a.

¹²Heng kan ei atana kan chhangte hi in hnena lo kal tura kan lo chhiah niin kan in atanga a luma kan rawn ken a ni a; nimahsela tunah zawng en teh mah u, a ro hul tawh a, a hmuar un tawh hi:

¹³tin, he'ng uain peng kan thunnate pawh hi a thar a ni a; en teh mah u, a pawh vek tawh hi: tin, he'ng kan puante leh kan pheikhawkte pawh hi kan lo kalna a thui khawp a, a hlui vek tawh hi," an ti a.

¹⁴Tin, mite chuan an ei tur han ken chu an lo la a, LALPA kamchang reng an ngai lo va:

¹⁵tichuan Josua chuan anmahni nen inremna a siam a, anmahni chu zuah turin an hnenah thu a thlung ta a: tin, pungkhawmho mi liante pawh chuan an hnenah chhia an chham a.

¹⁶Tin, heti hi a ni a, an hnenah thu an thlun achin ni thum hnuah chuan a, khaw thenawm, anmahni zinga lo awm ve reng an ni tih an hre chhuak ta a.

¹⁷tin, Israel thlahte chu an kal zel a, a ni thum niin khawpuite chu an va thleng a. An khawpuite chu Gibeon te, Kephira te, Beeroth te, Kiriath-jearim te a ni.

¹⁸Pungkhawmho mi liante chuan LALPA, Israelte Pathian chhala an hnena chhia an lo chham tawh avangin , Israela thlahte chuan an khawih lo. Tichuan pungkhawmho zawng zawngte chu mi lianho chungah chuan an phunnawi ta a.

¹⁹Nimahsela mi lianho zawng zawngte chuan pungkhawmho zawng zawngte hnenah chuan, "LALPA, Israelte Pathian chhalin an hnenah chhia kan lo chham awh si a: chuvangin anmahni chu kan dek thiang lo a ni.

²⁰hetiang hian an chungah ti i la, i zuah mai ang u; chuti lo zawng an hnenah chhia kan lo chham tawh si avangin kan chungah hian thinurna a lo thleng mai ang a sin," an ti a.

²¹Tin, mi lianho vek chuan an hnenah, "Zuahin awm rawh se," an ti a. Chutichuan pungkhawmho zawng zawng thing fawmtuah leh tui chawituah an lo awm ta a; mi lianhoten an hrilh ang chuan.

²²Tichuan Josua'n anmahni chu a kohtir a, an hnenah, "Engati nge, 'Ram hla tak atanga lo kal kan ni e,' tia min bum mai le? Kan zinga cheng ve in lo ni reng mai si a.

²³Chuvangin anchhe dawng in lo nih tak hi, eng lai pawhin in zinga mi thenkhat hi bawih an ni reng ang a, ka Pathian in atana thing fawmtu-ah leh tui chawituah an awm fo ang," tiin a sawi a.

²⁴Josua chu an chhang a, "LALPA, in Pathian chuan he ram hi a pe a, a chhunga chengte zawng zawng tihhlum vek turin a chhiahhlawh Mosia chu thu a pe ngei tih kan ring a; tichuan hma in rawn sawn zel dan kan hriatin min thah kan hlau a, hetiang hian kan rawn ti ta mai a ni.

²⁵Tunah hian ngai teh, i kuta awm kan ni a: i ngaiha tha leh dika hriat ang ang chuan kan chungah hian ti zel mai ang che," an ti a.

²⁶Chutichuan an chungah chutiang chuan a ti ta a, Israela thlahte lak ata chu a chhanchhuak a, anmahni chu an that ta lo a.Tin, Josua'n chu mi ni chan a ruatna apiangah pungkhawmhote leh LALPA maicham atan thing fawmtu-ah leh tuichawitu-ah a ruat a, tun thleng hian.

²⁷Tin, Josua'n chu mi ni chan a ruatna apiangah pungkhawmhote leh LALPA maicham atan thing fawmtu-ah leh tuichawitu-ah a ruat a, tun thleng hian.