Read Baibul, Mizo 2 Thessalonika 1 Bible Online

2 Thessalonika 1 - Baibul, Mizo bible

2 Thessalonika 1

¹Paula leh Silvana leh Timothea chuan, Pathian kan Pa leh Lalpa Isua Kristaa Thessalonika khuaa mi kohhranhote hnenah:

²Pa, Pathian leh Lalpa Isua Krista hnen ata khawngaihna leh remna in hnenah awm rawh se.

³Unaute u, nangmahni chung thu-ah hian Pathian hnenah lawmthu hril fo tur reng kan ni; chu chu a awm reng a ni, in rinna chu nasa taka thang lianin, in zaa in inhmangaih tawn theuhna chu a pung lehzual si a;

⁴chutichuan mi tihduhdahna che u zawng zawngah leh hrehawm in tuarnaahte chuan in chhelzia leh in rinzia avangin Pathian kohhran pawlte zingah chuan keini'n kan chhuang thin che u a ni;

⁵chung chu Pathian rama mi ni tlaka ruat in ni thei dawn tih, Pathian rorel fel tak chhinchhiahna fiah tak a ni, chu mi ram avanga tuar in nih hi;

⁶Lalpa Isua Pathian hre lo mi leh kan Lalpa Isua Chanchin Tha awih lo mite chunga phuba lain

⁷a vantirhkoh chak takte nen, meialh zinga van atanga inlar hunah a tihrehawmtute che u chu hrehawmna thungrulh leh

⁸nangni hrehawm tuartute hi keimahni nena chawlhnaa rulh thung chu Pathian tan thil fel tak a ni si a.

⁹Chu mi ni-ah chuan a mi thianghlimahte chuan chawimawia awm tur leh,

¹⁰ringtu zawng zawngahte chuan (kan thu hriattir che u kha in ring si a) mak tih tura a lo kal hunah chuan chung Pathian hre lo mi leh kan Lalpa Isua Chanchin Tha awih lo mite chuan hrem an tuar ang, Lalpa hnen ata leh a chakna ropuina atanga chatuana boralna chu.

¹¹Chutianga chawimawi leh mak tih a nih theihna'n kan Pathianin a kohna che u-ah chuan koh tlak nia a ruat theihna tur che u leh, that duhna tinreng leh rinna hnathawh tinrenga a thiltihtheihnaa a hlawhtlintir theihna turin kan tawngtaisak fo thin che u a nih hi;chutichuan kan Pathian leh Lalpa Isua Krista khawngaihna ang zelin kan Lalpa Isua hming chu nangmahniah chawimawiin a awm thei ang a, nangni pawh amahah chawimawiin in awm thei ang.

¹²chutichuan kan Pathian leh Lalpa Isua Krista khawngaihna ang zelin kan Lalpa Isua hming chu nangmahniah chawimawiin a awm thei ang a, nangni pawh amahah chawimawiin in awm thei ang.