Read Baibul, Mizo 1 Timothea 1 Bible Online

1 Timothea 1 - Baibul, Mizo bible

1 Timothea 1

¹Paula, Pathian min Chhandamtu leh Krista Isua kan Beiseina ruat anga Krista Isua tirhkoh chuan:

²Rinnaa ka fa tak tak Timothea hnenah: Pathian kan Pa leh, Krista Isua kan Lalpa hnen ata, khawngaihna te, zahngaihna te, remna te lo awm rawh se.

³Makedonia ram ka pan dawn laia ka ngen che ang khan tunah pawh Ephesi khuaa awm reng turin ka ngen a che. Chuta mi thenkhat chuan zirtirna dik lo an thehdarh a, ti tawh lo turin hrih rawh.

⁴Thawnthu mai mai leh thlahtute hming chhui sen loh chhui bansan rawh se; chung chuan rinnaa Pathian lama intihsawtna thlen loin inhnialna mai mai a thlen zawk si a.

⁵Thinlung thianghlim leh chhia leh tha hriatna thiang leh rinna dik tak atanga lo chhuak hmangaihna neih theihna'n chu chu ti ka ni.

⁶Mi thenkhatte an kal kawi avangin chu chu an pensan a, thu lawi lo sawina lamah an kal ta a;

⁷an thusawi awmzia leh paukhauh taka an thu hrilh chanchin chu hre si loin, Dan zirtirtute nih an duh thin a ni.

⁸Dan chu a tha a ni tih kan hre si, miin a hman that phawt chuan.

⁹Heng hi hria se la: Dan hi mi fel tak tana siam a ni lo a, dan pawisa lo ho leh dan bawhchheho tan te, Pathian ngaihsak loho leh mi sualho tan te, mi thianghlim loho leh Pathian zah loho tan te, pate thattuho leh nute thattu ho tan te, mihring thattu ho tan te,

¹⁰inngaihhmangho tan te, mawngkawhurho tan te, mihring ruk hmangho tan te, dawtheiho tan te, chhechham derho tan te

¹¹fak tlak Pathian Chanchin Tha ropui zirtirna dik ka hnena kawltir ang ni lo a, thil dang reng awm apiangte tan pawh chuan siam a ni zawk e.

¹²Mi tichaktu Krista Isua kan Lalpa hnenah chuan lawmthu ka sawi a ni, hmanah sawichhetu leh tiduhdahtu leh sawisatu ni mah i la, rinawma mi ngaiha, a a rawngbawltua mi ruat tak avang hian;

¹³nimahsela ring lo chunga hre loa ti ka nih avangin a ni, zahngaihna ka lo hmuh ni;

¹⁴tin, kan Lalpa khawngaihna chu rinna leh Krista Isua hmangaihnain nasa takin a liam ta.

¹⁵Krista Isua mi sualte chhandam turin khawvelah hian a lo kal," tih hi a rinawmin a pawm tlak em em a ni; an zinga mi sual ber ka nih hi.

¹⁶Nimahsela he mi avang hian a ni, zahngaihna ka hmuh ni, Isua Krista chuan mi sual ber keimahah hian a dawhtheihzia zawng zawng a lantir theihna'n; tun achina chatuana nunna hmu tura amah la ring turte kawhhmuhna turin.

¹⁷Lalber chatuana awm, chhe thei lo, hmuh theih loh, Pathian taka chauh chu chatuana chawimawi leh ropuiin awm rawh se. Amen.

¹⁸Ka fa Timothe, hmana i chanchin an hrilh lawk thute ang khan, chu zilhna thu chu ka kawltir a che, chung chuan indona tha chu i do theihna'n;

¹⁹rinna leh chhia leh tha hriatna thiang tak pawm tlatin; mi thenkhatten chung chu paih thlain rinna kawngah chuan lawng keh angin an keh chhe ta.Chung zingah chuan Humenaia leh Alexsandra an tel a; Pathian sawichhiat loh an zir theihna'n anni chu Setana ka pe a ni.

²⁰Chung zingah chuan Humenaia leh Alexsandra an tel a; Pathian sawichhiat loh an zir theihna'n anni chu Setana ka pe a ni.