Read Baibul, Mizo 1 Timothea 2 Bible Online

1 Timothea 2 - Baibul, Mizo bible

1 Timothea 2

¹\ Chutichuan, atir berin, thil dil tawngtaina te, tawngtaina hrim hrim te, tawngtaisakna te, lawmthu sawina te mi zawng zawng tan siamsak turin ka fuih a che;

²lalte leh thuneitute zawng zawng tan pawh; Pathian ngaihsak leh zahawm taka inrema thlamuanga kan khawsak theihna'n.

³Chu chu min chhandamtu Pathian ngaihin a thain, a lawm tlak a ni;

⁴ani chuan mi zawng zawng chhandama awmah leh thutak hriaah a duh a ni.

⁵Pathian pakhat chauh a awm a, Pathian leh mihring inkara Palai pakhat chauh a awm bawk a, amah chu mihring a ni, Krista Isua,

⁶mi zawng zawng tlanna'na inpea chu: chu chu a hun tak zela hriattirin a awm tur a ni;

⁷chu mi ti turin tlangaupuituah leh tirhkoha ruat ka ni; (thu taktak ka sawi a, ka daw lo e;) rinna leh thutaka Jentailte zirtirtua ruat ka ni.

⁸Chutichuan, mipahoin hmun tinah kut thianghlim pharin, thinrim lo leh inhnial loin tawngtai se la ka duh a ni.

⁹Chutiang bawkin hmeichheho pawh inthlahdah lo leh inbel lutuk loin, thuam inchawih tawkin inchei se la, sam phiarin emaw, rangkachakin emaw, tuikeplungin emaw, puan man tam tak taktein emaw inchei loin;

¹⁰amaherawhchu (hmeichhia, Pathian ngaihsak intite chu inphu tawkin) thil tihthatin inchei se la ka duh.

¹¹Hmeichhiain thu awih tlatin ngawi rengin zir rawh se.

¹²Amaherawhchu, hmeichhiain zirtir zawng ka phal lo, mipa chunga thu neih ka phal hek lo, ngawi rengin awm zawk rawh se.

¹³Adama chu siam hmasak a ni a, chu mi hnuah Evi chu siam a ni a.

¹⁴Tin, Adama chu bumin a awm lo a, hmeichhia erawh chu bumin a awm a, bawhchhiatnaah a tlu ta a.Nimahsela, rinna leh hmangaihna leh thianghlimna neiin, rilru fel tak nena an awm fo chuan fa hrin avangin chhandamin an awm ang.

¹⁵Nimahsela, rinna leh hmangaihna leh thianghlimna neiin, rilru fel tak nena an awm fo chuan fa hrin avangin chhandamin an awm ang.