Read Baibul, Mizo 1 Timothea 3 Bible Online

1 Timothea 3 - Baibul, Mizo bible

1 Timothea 3

¹Tupawh Kohhran hotua tan duh chuan hnathawh tha a duh a ni," tih hi a dik a ni.

²Chutichuan, Kohhran hotu chu sawiselbo, nupui pakhat nei, insum thei, rilru dik tak, mi fel, mi lawm dan thiam, zirtir thiam,

³uain ruih hmang lo, mi velh hmang lo, mi nunnem ni zawk tur, kawhmawhbawl lo, tangka sum ngaina lo,

⁴zahawm taka fate kilkawia mahni inchhung khawsak rel fel thiam mi ni tur a ni;

⁵miin ama in chhung khawsak mah a rel fel thiam si loh chuan Pathian Kohhranho engtin nge a enkawl theih ang?

⁶Ring thar mi ni tur a ni lo, chutilochuan chapoin a awm ang a, diabola thiam loh channa chu a chang ve dah ang e.

⁷Chung lo pawh chu pawn lama mite fakin a awm bawk tur a ni, chutilochuan sawichhiata awmin diabola thangah a awk dah ang e.

⁸Chutiang bawkin Kohhranho rawngbawltute chu mi zahawm an ni tur a ni; kamtam te, uain heh te, hlepna bawlhhlawha duham mi te an ni tur a ni lo;

⁹chhia leh tha hriatna thiangin rinna thuruk chu pawm mi an ni zawk tur a ni.

¹⁰Tin, chungte pawh chu fiahin awm hmasa rawh se, chu mi hnuah sawiselbo an lo nih chuan Kohhranho rawngbawl lam hna thawk rawh se.

¹¹Chutiang bawkin hmeichhiate pawh mi zahawm an ni tur a ni, hektute ni loin, insum thei leh engkima rinawm an ni tur a ni.

¹²Kohhranho rawngbawltute chu an fate leh anmahni in chhung khawsak rel felin nupui pakhat nei ni rawh se.

¹³Kohhranho rawngbawl lam hna thawk tha tawhte chuan dinna tha tak leh Krista Isuaa rinna kawngah chuan huaina nasa tak an insiam si thin a.

¹⁴Rei lo te chinah i hnenah lo kal beiseinain he'ng thu hi i hnenah ka ziak a ni;

¹⁵nimahsela ka la awm rei tak dahin Pathian chhungte zinga mi engtia awm tur nge an nih i hriat theihna'n ka ziak a ni; Pathian chhungte chu Pathian nung Kohhranho, thutak ban leh innghahna chu an ni.Tin, Pathian ngaihsakna thuruk chu hnial rual lohin a ropui a ni: "Tisaa lo lang a, Thlaraua thiam chang a, Vantirhkohte hmuha Jentailte zinga tlangaupui a, Khawvelah hian mite rin a, Ropuinaa hruai chhoh taka chu."

¹⁶Tin, Pathian ngaihsakna thuruk chu hnial rual lohin a ropui a ni: "Tisaa lo lang a, Thlaraua thiam chang a, Vantirhkohte hmuha Jentailte zinga tlangaupui a, Khawvelah hian mite rin a, Ropuinaa hruai chhoh taka chu."