Read Baibul, Mizo 1 Timothea 4 Bible Online

1 Timothea 4 - Baibul, Mizo bible

1 Timothea 4

¹Nimahsela, nakin hunah chuan mi thenkhatte chu, mi dawtheite vervekna avangin hruaibona thlaraute leh ramhuaite zirtirna thu ngaihsakin rinna chu an la bansan ang tih Thlarau chuan chiang takin a sawi a.

²Chung mi dawtheite chu anmahni chhia leh tha hriatna ngeia thir linga deh ang an ni a,

³inneih an khap thin a, englo ei turte (thutak hriaa ringtuten lawmthu sawia pawm tura Pathianin a siamte chu) ei loh tur an ti thin.

⁴Pathian thilsiam tinreng hi a tha si a, lawmthu hrila pawm a nih tawh phawt chuan engmah duh loh tur a ni lo;

⁵Pathian thu leh tawngtainain tihthianghlim a ni tawh si a.

⁶Chungte chu unaute i hriattir chuan Krista Isua rawngbawltu tha tak, rinna leh zirtirna tha tun thlenga i la zawm thua chawm i ni ang.

⁷Amaherawhchu, Pathian zah lohna leh pitarte thawnthu mai mai duh suh. Tin, Pathian ngaihsak turin insawizawi rah:

⁸taksa insawizawi na hi sawt zawng a sawt ve bawk a; Pathian ngaihsakna erawh hi chuanin nunna tuna awm sa leh la awm leh tur pek tiamna a neih avangin kawng tinrengah a sawt a ni.

⁹He thu hi a rinawmin a pawm tlak em em a ni.

¹⁰Chutichuan, Pathian nung chu kan rin avangin kan thawk rim a, kan bei hram hram a ni si a; ani chu mi zawng zawng Chhandamtu a ni a, a ringtute Chhandamtu a ni deuh ber mai.

¹¹Chung thu chu pe la, zirtir rawh.

¹²I naupanna tumahin ngainep suh se; thusawi kawngah te, chetze kawngah te, hmangaih kawngah te, rinna kawngah te, thianghlimna kawngah te ringtute tihhmuhtu ni zawk ang che.

¹³Ka lo kal hma loh zawng chhiar te, thu hrilh te, zirtir te bei uar rawh.

¹⁴Nangmaha awm thilpek, hrilh lawk anga upahote kut nghata Pathianin a neihtir che kha thlahthlam suh.

¹⁵Mi zawng zawng hnena i sawtna a lan theihna'n chung thilahte chuan taima la, chu'ngah chuan inhmang zo rawh.Nangmah leh i zirtirnaah chuan fimkhur la; chung thil tiin awm reng rawh; chutiang tiin nangmah leh i thu ngaithlatute chu i chhandam dawn zuk nia.

¹⁶Nangmah leh i zirtirnaah chuan fimkhur la; chung thil tiin awm reng rawh; chutiang tiin nangmah leh i thu ngaithlatute chu i chhandam dawn zuk nia.