Read Baibul, Mizo 2 Timothea 1 Bible Online

2 Timothea 1 - Baibul, Mizo bible

2 Timothea 1

¹Paula, Krista Isuaa nunna awm tiamna thu chu hrilh kawnga Pathian duhzawnga Krista Isua tirhkoh chuan,

²Ka fa duh tak Timothea hnenah: Pathian kan Pa leh Krista Isua kan Lalpa hnen ata khawngaihna te, zahngaihna te, remna te lo awm rawh se.

³Lawmin ka khah theihna'n hmuh che ka duh em em a, i mittui hre rengin a chhun a zanin bang loin ka tawngtainaahte chuan ka hriatpui thin che avangin Pathian hnenah lawmthu ka hril a ni,

⁴mi thlahtute chena chhia leh tha hriatna thiang tak neia a rawng ka bawl thina hnenah chuan;

⁵rinna taktak nangmaha awm chu ka hre reng si a, chu rinna chu atirin i pi Loisii-ah chuan a awm a, i nu Euniki-ah chuan a awm bawk a, nangmahah pawh a awm tih dik takin ka hria.

⁶Chuvangin, ka kut nghah avnga Pathian thilpek nangmaha awm kha chhem alh turin ka hriatpui che a ni.

⁷Pathianin hlauhna thlarau min pe lo a, thiltihtheihna leh hmangaihna leh rilru fel tak neihna thlarau min pe zawk si a.

⁸Chutichuan, kan Lalpa thu hriattirna chu zahpui suh la, kei, ama mi tang pawh hi mi zahpui hek suh ang che. Chanchin Tha avanga hrehawm hi Pathian thiltihtheihna angzia ziain mi tuarpui zawk ang che.

⁹Ani chuan kan thiltih angte ni loin, ama ruat leh khawngaihna ang zawkin min chhandam a, kohna thianghlimin min ko bawk a; chu khawngaihna chu leilung pian hmain Krista Isuaah chuan min pek a ni tawh,

¹⁰nimahsela min chhandamtu Krista Isua inlarna avang hiantunah tihlanin a awm ta. Ani chuan thihna chu a tiboralin Chanchin Thain nunna leh boral theih lohna a tilang ta;

¹¹chu mi Chanchin Tha thu chu hriattir turin tlangaupuituah leh tirhkohvah leh zirtirtuah ruat ka ni.

¹²Chuvang chuan a ni, he'ng thil pawh hi ka tuar ni; nimahsela ka zak lo e; ka rina chu ka hria, a hnena ka kawltir chu, chu mi ni atan chuan a vawng tha thei tih dik takin ka hre bawk a.

¹³Krista Isuaa awm rinna leh hmangaihna neiin, thu dik dan ka kaa i hriatte kha nei tlat rawh.

¹⁴Thil tha i hnena kawltira awm kha, kan chhunga Thlarau Thianghlim awm hianin vawng tha rawh.

¹⁵Asia rama awm zawng zawngten mi hawisan tih kha i hria a; an zingah chuan Phugella leh Hermogena an tel a ni.

¹⁶Lalpa chuan Onesiphora chhungte hnenah zahngaihna pe rawh se, ani chuan mi tiharh fo a, ka khaidiat bun pawh mi zahpui si lo a;

¹⁷Rom khuaa a lo kal lai khan ngun takin mi zawng chhuak ta zawk a ni.(Chu mi niah chuan Lalpa hnenah zahngaihna hmu turin Lalpa chuan ani chu ruat rawh se). Ephesi khuaa rawng a bawl nasatzia kha i hre hle bawk a ni.

¹⁸(Chu mi niah chuan Lalpa hnenah zahngaihna hmu turin Lalpa chuan ani chu ruat rawh se). Ephesi khuaa rawng a bawl nasatzia kha i hre hle bawk a ni.