Read Baibul, Mizo 2 Timothea 3 Bible Online

2 Timothea 3 - Baibul, Mizo bible

2 Timothea 3

¹Tin, hei hi hre rawh, ni hnuhnungahte chuan hun khirh takte a lo awm ang.

²Mi, mahni inhmangaihtu te, tangka ngainatu te, intivei te, chapo te, Pathian sawichhetu te, nu leh pa thu awih lo te, lawm nachang hre lo te, thianghlim lo te,

³hmangaihna pianpui nei lo te, huaikawmbawl te, hektu te, insum thei lo te, mi kawlhsen te, tha duh hauh lo te,

⁴vervek te, thuhnudawn lo te, inngaihlu te, Pathian hmangaih aia mahni lawmna mai hmangaih zawktu te an ni dawn si;

⁵Pathian ngaihsak anna an nei ang a, nimahsela a thiltihtheihna chu an awih lo ang; chung ang chu hawisan rawh.

⁶Chung ang zinga mite chu inahte luta sual rit phur hmeichhe a deuhte sala man thintute kha an ni si, chutiang hmeichhiate chu chkna tinrenga hruai bo,

⁷Zir fo sia thutak hre phak ngai lo an ni.

⁸Tin, Jannia leh Jambrian Mosia an dodal ang khan, chung mite pawh chuan thutak hi an dodal thin; rilru chhe tawh, rinna kawngah chuan Pathian duh lohzawng mi an ni.

⁹Nimahsela, chung aliam chu an ti lo ang, an atzia mi zawng zawng hnenah a lo lang dawn si a, Jannia leh Jambria atzia a lo lang ang khan.

¹⁰Nang erawh chuan ka zirtirna te, ka awm dan te, ka thil tum te, ka rinna te, ka dawhtheihna te, ka hmangaihna te, ka chhelna te,

¹¹mi mi tihduhdahna te, ka tuarna te i hre hle mai; Antiokei khuaah te, Ikonion khuaah te, Lustra khuaah te ka chunga thil thleng leh tihduhdah ka tuarnate kha; chung zawng zawngah chuan Lalpa chuan mi chhandam ta si a.

¹²A ni, tupawh Krista Isuaa Pathian ngaihsaka awm tum apiang chuan tihduhdahnate an tuar bawk ang.

¹³Mi sual leh tihdertute erawh chu mi bum leh buma awmin an sual zual deuh deuh ang.

¹⁴Nimahsela, nang zawng, tu hnena zir nge i nih leh, Krista Isuaa rinna awm avang chuan chhandamna hmu khawpa tifing thei che Lehkha Thianghlimte chu i naupan tet ata hre tawh i ni tih hriain,

¹⁵i thil zir leh i thil hriat chianahte chuan awm reng rawh.

¹⁶Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni;Pathian mi chu hna tha tinreng thawk tura kim taka inthuamin a famkim theihna'n.

¹⁷Pathian mi chu hna tha tinreng thawk tura kim taka inthuamin a famkim theihna'n.