Read Baibul, Mizo Tita 3 Bible Online

Tita 3 - Baibul, Mizo bible

Tita 3

¹Lalte leh thuneitute laka intulut tur te, thu awih tur te, thil tha tinreng tiha inpeih tur te,

²tumah sawichhe lo tur te, kawhmawh bawl lo tur te, mi zawng zawng laka thuhnuairawlhna tinreng tilanga nunnem turtein anmahni hriat chhuahtir leh rawh.

³Keini pawh hmanah khan a tak te, thu awih lo te, buma awm te, chakna leh lawmna tinreng rawngbawl te, sual leh itsik hmanga awm te, tenawm te, inhaw tawn te kan ni si a.

⁴Nimahsela, Pathian min Chhandamtu ngilneihzia leh mihring chunga a hmangaihzia chu a lo lan lai khan,

⁵Thil fel taka tih, keimahni ngeia tihte chu, chu mi avang ni loin, siamtharna silna leh Thlarau Thianghlim siamthat lehna chuanin a khawngaihna ang zel zawkin min chhandam ta.

⁶Chu Thlarau Thianghlim chu Isua Krista min Chhandamtu zarah chuan nasa taka kan chunga a leih kha.

⁷Chutichuan, a khawngaihnaa thiam chantira lo awmin, chatuana nun beiseina ang zela roluahtu tura siamin kan awm thei ang.

⁸Pathian ring tawhte chuan thil tha ti zel turin ngaihtuah rawh se," tih thu hi a rinawm a ni, chung thu chanchin chu huai taka i hrilh tlat ka duh a ni. Chung thu chu mihringte tan a thain a sawt a ni;

⁹nimahsela zawhna atthlak te, Dan thua insualna te chu hawisan zel rawh; chung chu thil sawt lo leh engmah lo a ni si a.

¹⁰Rin hran nei mi chu vawi hnih khat zilh hnu chuan zilh duh tawh suh;

¹¹chutiang mi chu a kal pengin a sual a ni tih in hria e, amah leh amah thiam loh inchantir a ni si a.

¹²Artema emaw, Tukika emaw i hnena ka rawn tirh hunah chuan Nikopoli khuaah ka hnenah lo kal hram hram ang che; chutah chuan thlasika awm ka tum si a.

¹³Zina, dan hretu leh, Appollova chuan engmah an tlakchham lohna'n an zinnaah chuan thahnemngi takin puibawm ang che.

¹⁴Kan mite chu tlakchham an neih ngai lohna'n hna tangkai thawka inhmang reng turin fuih la, an awm mai mai tur a ni lo.Ka hnena awm zawng zawngte hian chibai an buk a che. Rinnaa min hmangaihtute kha chibai min buksak ang che. In zaa hnenah khawngaihna awm rawh se.

¹⁵Ka hnena awm zawng zawngte hian chibai an buk a che. Rinnaa min hmangaihtute kha chibai min buksak ang che. In zaa hnenah khawngaihna awm rawh se.