Read Baibul, Mizo Philemona 1 Bible Online

Philemona 1 - Baibul, Mizo bible

Philemona 1

¹Paula, Krista Isua mi tang leh kan unaupa Timothea chuan: Kan duh tak leh kan thawh rimpui Philemona hnenah te,

²kan farnu Aphi hnenah te, kan sipaipui Arkippa hnenah te, i ina kohhran inkhawmho hnenah te pawh:

³Pathian, kan Pa leh Lalpa Isua Krista hnen ata khawngihna leh remna in hnenah awm rawh se.

⁴Lalpa Isua lamah leh mi thianghlim zawng zawng lama hmangaihna leh rinna i neih chu lo hre thinin,

⁵ka tawngtainaahte chuan i hming lam foin, ka Pathian hnenah lawmthu ka hril thin;

⁶i rinna thawhlawm chu, nangmahnia awm thil tha tinreng hriat famkimna kawngah chuan Krista lama a lo sawt theihna turin.

⁷Unaupa, nangma zara mi thianghlimte thinlung a lo harh tak avangin i hmangaihnaah chuan ka hlimin ka thlamuang em em thin a sin.

⁸Chuvangin, a awm tawk chu ti turin thu pek che Kristaah ngam em em mah i la,

⁹hmangaihna avangin (Paula putar meuh ka ni a, tunah Krista Isua mi tang ka lo ni ta na a) a ngenin ka ngen zawk a che;

¹⁰ka fa Onesima, kawl bun chunga ka hrin atan hian i hnenah ka ngensak e.

¹¹Ani chu hmanah khan i tan a tangkai lo a, tunah erawh chuan kei leh nang atan a tangkai ta e;

¹²amah tak, ka thinlung ngei hi,i hnenah ka rawn tir kir leh ta a ni;

¹³ani chu Chanchin Thaa kawl ka bunnaah hian nangma aia rawng mi bawlsak theihna turin ka hnenah awmtir reng ka duh hle a ni;

¹⁴Nimahsela, i khawngaihna chu khawngaih luihtir ang ni loin, i thu thu ang a nih theih zawkna turin, i thu loin engmah tih ka duh lo.

¹⁵Rei lo te a then che hi kumkhuaa amah chu i neih hlenna ai a ni mahna,

¹⁶nimahsela bawih ang ni tawh lo a, bawih aia tha unau duh tak ang zawk hian; kei ka tan duh tak a ni bik a, nang atan lek phei chuan tisaah leh Lalpaah chuan a va ni dawn lehzual em!

¹⁷Chutichuan, thiana mi ngaih chuan keimah angin amah hi lo lawm ang che.

¹⁸Tin, i chungah thil engpawh tisualin emaw, i engilo emaw a bat chuan keima batah ruat ang che;

¹⁹kei Paulan keima kut ngeia ka ziak a nih hi, keima'n ka rulhsak ang; ka lakah nangmah ngei pawh i inbat bawkzia chu hrilh che zawng ka ni lo e.

²⁰A ni, unaupa, nangmah avangin Lalpaah chuan lawmna mi neihtir la; Kristaah chuan ka thinlung tiharh ang che.

²¹Ka sawi aia nasa zawk mahin i ti ang tih ka hriat avangin, i awih ringin i hnenah ka ziak a nih hi.

²²Engpawh ni se la, chu chang ti loin, thlenna tur mi lo buatsaihsak bawk ang che; in tawngtainate avangin in hnenah pek ka ni dawn tih ka inring si a.

²³Epaphra, Krista Isuaa ka tanpuipa hian chibai a buk a che;

²⁴ka hnathawhpui Marka te, Aristarka te, Dema te, Luka te pawhin chutiang bawkin an buk a che.Kan Lalpa Isua Krista khawngaihna i thlarau hnenah awm rawh se. Amen.

²⁵Kan Lalpa Isua Krista khawngaihna i thlarau hnenah awm rawh se. Amen.