Read Baibul, Mizo Hebrai 1 Bible Online

Hebrai 1 - Baibul, Mizo bible

Hebrai 1

¹Pathian, hmasanga thlahtute hnena bung tam tak leh kawng tinrenga Zawlneitea thu lo sawitu khan,

²he'ng ni tawpah hian keimahni hnenah a Fapaah chuan thu a sawi ta. Chu mi chu engkim rochungtuah a ruat a, chu mi pawh chuan khawvelte chu a siam a;

³ani chu a ropuina eng leh, atak anpui ngei leh, ama thiltihtheihna thua engkim tungdingtu niin, sualte a tlenfai hnuin chung lama Ropuibera dinglamah khian a than thu a;

⁴vantirhkohte aia hming tha zawk a rochun ang ngeiin an aia ropui zawk a lo ni tawh si a.

⁵Vantirhkohte zingah tu hnenah nge he'ng thu hi a sawi ngai le? "Nang zawng ka Fapa i ni e, Vawiin hian ka hring che a ni," tih leh, "A tan Pa ka ni ang a, Ani chu ka tan Fapa a ni ang," tih hi.

⁶Tin, A Fa tira chu khawvela a tirh dawn lai khan heti hian a ti bawk; "Pathian vantirhkohte zawng zawng pawhin Amah chibai buk rawh se,

⁷Tin, vantirhkohte chungchang thu-ah chuan hei hi a sawi a ni: "Ani chuan a vantirhkohte chu Thli-ah a chantir thin a, A rawngbawltute pawh Meialhah a chantir thin," tih hi.

⁸Fapa chungchang thu-ah erawh chuan hei hi a sawi a ni, "Aw Pathian, i lalthutphah chu Chatuanin a awm tur a ni; Dikna lal tiang pawh chu I ram lal tiang chu a ni;

⁹Felna chu i ngaina a, Bawhchhiatna chu i huat kha; Chuvangin, Pathian, i Pathian chuan, I thiante ai chuan Hlimna hriak a thih nasat tak che hi," tih leh,

¹⁰Nang, Lalpa, atirin Leilung nghahchhan i phum tawh a, Vante pawh i kut chhuak a ni;

¹¹Chungte chu a la boral ang a, Nang erawh chu awm hlen tur i ni; Tin, chung zawng zawngte chu Silhfen angin a la hlui ang a,

¹²Puan angin i zial bawk ang a - Silhfen ang maiin, Tichuan a lo danglam tawh ang; Nang erawh chu i pangngai fo a, I kumte pawh a ral lo ang," tiin.

¹³Nimahsela, vantirhkohte zingah tu chungchang thu-ah nge hei hi a sawi ngai ni? "I hmelmate i kephah nghahchhana Ka siam hma loh zawng Ka ding lamah thu rawh," Tih hi.Anni zawng zawng chu rawngbawlna thlaraute, chhandamna rochungtu turte tan rawngbawl tura tirh chhuah an ni lo em ni?

¹⁴Anni zawng zawng chu rawngbawlna thlaraute, chhandamna rochungtu turte tan rawngbawl tura tirh chhuah an ni lo em ni?