Read Baibul, Mizo Hebrai 11 Bible Online

Hebrai 11 - Baibul, Mizo bible

Hebrai 11

¹Tin,rinna hi thil beiseite awm ngeia hriatna,thil hmuh lohte hriatfiahna a ni.

²Chu miah chuan upahote khan fak an hlawh si a.

³Rinnain a ni khawvelte hi Pathian thua siam a ni tih kan hriat ni, chutichuan thil hmuh theihte hi thil lang theitea siam a ni lo.

⁴Rinnain Abela chuan Kaina ai chuan inthawina tha zawk Pathian hnenah a hlan a,chu mi avang chuan mi fel a ni tih hriattirna a hlawh a, Pathianin a thilpekte kawngah chuan thu a hriattir a; tin, chu mi rinna avang chuan ani chuan thi tawh hnuin thu a la sawi ta fo a ni.

⁵Rinnain Enoka kha thihna hre lo tura lak boin a awm a; tin, Pathianin a lak bo avangin hmuh theih a ni ta lo a; lak bova a awm hmain Pathian lawmzawng mi a ni tih an hriattir tawh reng a.

⁶Nimahsela, rinna loin ama lawmzawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawmman pek hmang a ni tih rin tur a ni.

⁷Rinnain Nova chu thil lo la lang lote kawng thu-ah Pathian hrilha lo awmin, Pathian tih dekin, a chhungte chhandamna'n lawng a tu a; chu chuanin khawvel chu thiam loh a chantir ta a, rinna avanga felna awm chu rochungtu a lo ni bawk a.

⁸Rinnain Abrahama chu koha a awm lai khan a rochun tur hmuna lut turin kal chhuah thu a pawm ta a;tin,a kalna tur lam pawh hre loin a kal chhuak ta a.

⁹Rinnain ram tiamah khan mi rama cham ang maiin a lo cham ta reng a, thutiam hmuhkhat a rochunpui tur Isaaka leh Jakobate nen chuan puan inahte an awm a;

¹⁰khua lungphumte nei mi, Pathian relbawl leh siam chu a nghk reng si a.

¹¹Rinnain Sari ngei pawhin, a tiamtu chu rinawma a ruat avangin, tar hnu tawhin chi pai theihna a hmu a,

¹²Chutichuan, mipa pakhat lakah (ani chu mitthi ang a ni si a) vana arsite anga tam, tuifinriat kama tiau vaivut chhiar sen loh anga tam an lo chhuak ta a.

¹³Chung zawng zawngte chu rinna neiin an thi ta a, thiltiamte chu chang loin; nimahsela chung chu hla tak atanga hmuin chibai an lo buk tawh a, leiah hian mikhual leh khualzin mai an ni tih an inhriattir tawh bawk a.

¹⁴Chutiang thu sawite chuan anmahni ram tur an zawng tih an tilang si a.

¹⁵Tin, an chhuahna ram chu lungkham se la chuan hawnna remchang an hmu tawh ngei tur a ni.

¹⁶Nimahsela, tunah zawng ram tha lehzual chak an lo ni a, chu chu vana mi a ni; chutichuan Pathianin an Pathian tiha awm chu a zak lo e; an tan khua lam a lo buatsaihsak tawh si.

¹⁷Rinnain Abrahama chu fiaha a awm khan Isaaka chu a hlan a;

¹⁸Isaaka-ah hian i thlahte chhui an ni ang" tih Pathian thutiam dawngtu chuan a fapa mal neih chhun chu a hlan a ni;

¹⁹mitthi pawh Pathian chuan a kai tho thei ang tih a ring a, thi hnu nung leh ang maiin a hmu kir leh ta reng a ni.

²⁰Rinnain Isaaka chuan thil lo la thleng turte thu-ah pawh Jakoba leh Esauva mal a sawmsak a.

²¹Rinnain Jakoba chuan a thih dawn lai khan Josefa fate chu mal a sawm ve ve a; a tiang hmawr rinchhanin Pathian a be bawk a.

²²Rinnain Josefa chuan a thih a lo hnaih khan Israela thlahte chhuah tur thu a sawi a; a ruhte kawng thu-ah thu a pe bawk a.

²³Rinnain Mosia a pian lai khan, nausen hmel tha tak a ni an tih avangin, thla thum chhung a nu leh a pa thurukin a awm a; lal thupek pawh an hlau lo.

²⁴Rinnain Mosia chuan a lo puitlin hnu khan Pharaoa fanua fapaa vuah a duh lo a;

²⁵rei lo te atan sual nawmna hlimpui ai chuan Pathian mite nena tihduhdah tuar a thlang ta zawk a;

²⁶Krista an hmuhsitna chu Aigupta ram rote ai chuan sum ropui zawkah a ruat a; lawmman pek tur chu a thlir thin avangin.

²⁷Rinnain lal thinurna chu hlau loin Aigupta ram a kalsan a, hmuh theih loa chu a hmuh avngin a tuar tan tan a ni.

²⁸Rinnain Kalhlen Kut leh thisen theh kha a siam a, fa tir tiboraltu chuan anmahni a tawh lohna turin.

²⁹Rinnain khawmuala kal angin Tuifinriat Senah khan an kal kai a; Aiguptahoin chu chu tih an tum ve a, lem zawhin an awm ta a.

³⁰Rinnain Jeriko khaw kulh kha ni sarih an hual hnuin a chim ta a.

³¹Rinnain Rahabi nawhchizuar kha awih loho zingah chuan a boral ve ta lo, enthlatute chu tlang taka a lawm avangin.

³²Tin, eng nge ka la sawi cheu vang? Gideona thu te, Baraka thu te, Samsona thu te, Jephthaa thu te leh Davida thu te, Samuela thu te, zawlneiho thu te hril i la, hunin mi daih dawn si lo a;

³³chungte chuan rinnain ramte an la a, thil fel an ti a, thutiamte an chang a, sakeibaknei khate an tihchihsak a,

³⁴mei thiltihtheihna an timit a, khandaih hriam lam an pumpelh a, chak lohna ata chak taka siamin an awm a, indonaah chuan mi hrat khawkheng an lo ni a, hnam dang indo pawlte an tlanchhiattir a.

³⁵Hmeichhiaten an mitthite tho leh an hmu a, mi dngte pawh saisakin an awm a, thawhlehna tha lehzual an chan theihna turin chhan chhuah an duh lo a;

³⁶mi dangte pawhintihnawmnah leh vuakte an tuar a, a ni, chu lo pawh chu, kawlbun leh tan ina khungte an tawk bawk a;

³⁷lunga denin an awm a, thingzainaa zai bunin an awm a, thlemna an tawk a, khandaiha sahhlumin an awm a; beram vun leh kel vun sinin an vakvai a; rethei takin, hrehawm takin, tihduhdahin an awm a;

³⁸(chungho tan chuan khawvel hi awmna tlak a ni lo) thlalerah te, tlangah te, pukah te, khuarkhurumah te an vak an vak thin a.

³⁹Tin, chung zawng zawngte chuan rinna avnga fak lo hlawh tawhin, thiltiam chu an chang lo a,keini tel loa anni chu tihfamkima an awmlohna'n Pathianin keimahni kawng thu-ah thil eng emaw tha lehzual a buatsaih tawh avangin.

⁴⁰keini tel loa anni chu tihfamkima an awmlohna'n Pathianin keimahni kawng thu-ah thil eng emaw tha lehzual a buatsaih tawh avangin.