Read Baibul, Mizo Hebrai 2 Bible Online

Hebrai 2 - Baibul, Mizo bible

Hebrai 2

¹Chuvangin, benga kan hriatte kha thahnemngai takin kan pawisa lehzual tur a ni, chutilochuan kan tawlh bo hlauh dah ang e.

²Vantirhkohte hmanga thu sawi mah kha a lo ngheh a, bawhchhiatna leh thu awih lohna tinrengte chuan thungrulhna fel tak a hmuh zel si chuan,

³heti kauva chhandamna ropui hi thlahthlam i la, engtin nge kan tlan chhuah theih tehlul ang? Chu mi chhandamna thu chu atira Lalpa hmanga sawi a ni tawh a, a hretute chuan min tihnghehsak a;

⁴Pathian pawhin chhinchhiahnate leh thilmakte leh thiltihtheihna tinrengte nen, ama duh ang zela Thlarau Thianghlim thil semte nen chuan anni chu a hriatpui a.

⁵Khawvel lo la awm tur a chanchin kan sawia chu vantirhkohte hnuaiah zawng a dah lo.

⁶Nimahsela,mi tu emaw chuan khawiah emaw he'ng thu hi sawiin a hriattir ta zawk; "Mihring hi eng nge maw a nih a, i hriat reng thin ni? Mihring fapa pawh hi eng nge maw a nih a, i kan thin ni?

⁷Ani chu vantirhkohte aia hnuaiin i siam rih a; Ropuina leh chawimawina i khumtir a, I kut chhuak chungahte chuan hotuah i siam bawk a;

⁸A ke hnuaiahte engkim i dah a," tiin. Chutichuan, engkim a hnuaia a dah avangin a hnuaia dah loh engmah a nei lo. Amaherawhchu tunah zawng engkim a hnuaiah awmin kan la hmu rih lo e.

⁹Nimahsela, Isua, vantirhkohte aia hnuaia siam riha chu, thihna tuar avanga ropuina leh chawimawina khumtira awmin kan hmu ta zawk a ni. Pathian khawngaihna zarah thihna chu mi tin a temsakna turin.

¹⁰A tan engkim awma a zara engkim awm bawka tan chuan fa tam tak ropuinaa a hruai luh zawngin, an chhandamna siamtu kha tuarnate avanga tihfamkim chu a sawm reng si a.

¹¹Tithianghlimtu leh tihthianghlimate chu an zain Mi Pakhata chhuak an ni si a; chuvangin ani chuan anmahniho chu "Unaute" tih a zak lo e.

¹²Ka unaute hnenah i hming ka hril ang a; Awm khawm zingahte chuan Hla sain ka fak ang che," tiin.

¹³Tin," Amahah ka rinna ka nghat ang," a ti leh a. Tin, "En teh u, kei leh Pathian mi pek naupangte hi," a ti leh pek a.

¹⁴Tichuan, naupangte hi tisa leh thisen changte an nih hlawm avangin, amah ngei pawhin chung bawk chu a chang ve ta a; thihnain thihna thuneitu (chu chu Diabola a ni) a tihboral theihna tur leh,

¹⁵thih hlauh vanga dam chhunga bawiha awm zawng zawngte chu a chhan chhuah theihna turin.

¹⁶A tanpui thinte chu vantirhkohte an ni hauh si lo a, Abrahama thlahte an ni, a tanpui zawk thin chu.

¹⁷Chutichuan, mite tan sual thupha chawina siamsak turin, Pathian lam thilahte chuan Puithiam Lalber mi lainat thei leh rinawm tak a nih theih nan, engkima a unaute anga lo awm chu a tan a tul reng a ni.Amah ngei chuan thlemna tawkin a lo tuar tawh avangin thlemna tawkte chu a tanpui thei a ni.

¹⁸Amah ngei chuan thlemna tawkin a lo tuar tawh avangin thlemna tawkte chu a tanpui thei a ni.