Read Baibul, Mizo Hebrai 5 Bible Online

Hebrai 5 - Baibul, Mizo bible

Hebrai 5

¹Puithiam Lalber apiang, sualte avanga thilpek leh inthawinate an hlan kawp theihna tura mihring zinga mi lak hrana lo awmin, Pathian lam thilahte chuan mihringte tan ruat an ni si thin:

²chungte chuan engmah hre lote leh kawng bote chungah zai an dawh thei thin a ni, anmahni ngei pawh chak lohna hual velin an awm ve bawk avangin.

³Tin, chu mi avang chuan mite tan an hlansak angin anmahni tan ngei pawh sualte avangin hlan ve lo thei an ni lo.

⁴Tin, tuma'n chu mi chawimawina chu mahniin an inbel ngai lo, Arona anga Pathian koh an nih si loh chuan.

⁵Chutiang bawkin Krista pawh chu Puithiam Lalbera siam turin mahni a intiropui lo e, "Nang zawng ka Fapa i ni e, Vawiin hian ka hring a che," tia a hnena sawitu khan a tiropui ta zawk a ni;

⁶Nang zawng, Melkisedeka awm dan anga Chatuana Puithiam i ni e," tia hmun danga a sawi ang bawk khan.

⁷Ani chuan a tisa put lai niahte khan, thihna laka amah chhandam theitu hnenah chuan nasa taka au leh mittui tla chungin tawngtainate leh dilnate a hlan a, a tih dek thin avangin ngaihthlakin a awm bawk a;

⁸Fapa meuh pawh ni mah se la a thil tuarahte chuan thu awih a zir ta a ni;

⁹tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta;

¹⁰Melkisedeka awm dan anga Puithiam Lalberah Pathianin a vuah a.

¹¹Chu mi chanchinah chuan thu tam tak sawi tur kan nei a, hrilhfiah pawh a harsa, in beng a lo chhet tak avangin.

¹²A hun ngaihtuah zawngin zirtirtu ni tawh hial awm in ni na a, Pathian thu bul ber A Aw B te chu zirtir in ngai leh ta a, chaw rum ni loa hnute la ngai mi ang in lo nih tak hi.

¹³Hnute ring apiang chuan felna thu-ah hian hriatna an nei si lo, nausen an nih avangin.Chaw rum erawh chu puitlingte tan a ni, chungte chuan an hman fo avangin, chhia leh tha fiah turin an hriat theihnate chu an sawizawi tawh.

¹⁴Chaw rum erawh chu puitlingte tan a ni, chungte chuan an hman fo avangin, chhia leh tha fiah turin an hriat theihnate chu an sawizawi tawh.