Read Baibul, Mizo Hebrai 6 Bible Online

Hebrai 6 - Baibul, Mizo bible

Hebrai 6

¹Chutichuan, Krista thu bul hril tawh loin puitlin lam i pan ang u;

²thiltih thi simna te, Pathian lama rinna te, baptismate leh, kut nghah leh, mitthi thawh lehna leh, chatuana rorelna kawng lam zirtirna te lungphum chu phum leh tawh loin.

³Pathianin rem a tih chuan chu chu kan ti ngei ang.

⁴Tin, vawi khat rilru tihvara, van thilpek tema, Thlarau Thianghlim chantira,

⁵Pathian thu tha leh hun lo la awm tura thiltihtheihna tem tawh zeta

⁶tluksante kawng thu zawng - chu mite chu an simna turin siam thar leh rual a ni lo, Pathian Fapa chu anmahni tan khengbet nawn leha timualpho an nih avangin.

⁷Lei, a chunga ruahtui tla thin lo dawng tawh a, thawhsakate tana thlai ei tlak chhuahtu chu Pathianin mal a sawm thin.

⁸Amaherawhchu, hnimhlingnei leh buarte a chhuah chuan makin a lo awm a, anchhe dawng thaw a lo ni thin a, a tawpah chuan hal a tawk thin.

⁹Nimahsela, duh takte u, chutiang thu sawi mah i la, nangni zawngin chutiang thil aia thil tha zawk, chhandamnaa tel thilte chu in tih kan ring a che u.

¹⁰In hnathawh leh a hming chunga hmangaihna in lantir, mi thianghlimte rawng in lo bawl, tun thleng pawha in la bawl cheu chu theihnghilh turin Pathian chu mi fel lo a ni si lo a.

¹¹Nimahsela, tawp thlenga beiseina famkim hmu turin in taihmak pangngai ang khan taihmak chhuah theuh fo u la kan ti em em mai;

¹²chutichuan in inthlahdah lo ang a, rinna leh nghah peihna vanga thutiamte rochung tawhte zirho in ni zawk ang.

¹³Pathianin Abrahama hnena thu a rawn tiam lai khan,amah aia ropui zawk chhala chhia a chham theih loh avangin amah leh amah inchhalin,

¹⁴Mathei loin mal ka sawmsak ngei ngei ang chia, tih pawh ka tihpunsak ngei ngei ang che," tiin chhia a chham ta a.

¹⁵Chutichuan, chhel taka a tuar chhuah hnuin thil tiam chu a hmu ta ngei a.

¹⁶Mihringte hian an aia ropui zawk chhalin chhia an chham thin a ni; an inhnialna tinrengah pawh tihnghehna turin chhechham hi tihtawpna a ni thin.

¹⁷Pathian chuan a thutiam dawngtu turte hnenah a thu a thlak mai mai dawn lo tih chiang taka tihlan a duh a, chhechhamin a tinghet a.

¹⁸Pathian daw rual a nih lohna thil danglam thei lo pahnih avangin, keini inchhanhimna'n kan hmaa beiseina dah chu chelh tura tlante hian, fuihna nasa tak kan neih theihna turin.

¹⁹Chu beiseina chu nunna thirchakaiah kannei a, rinawm leh nghet tak a ni, puanzar chhunga mi-ah pawh chuan a lut a;chutah chuan Isua, Melkisedeka awm dan anga chatuana Puithiam Lalber lo ni tawhin, kan tan hmahruaituah a lo lut ta a.

²⁰chutah chuan Isua, Melkisedeka awm dan anga chatuana Puithiam Lalber lo ni tawhin, kan tan hmahruaituah a lo lut ta a.