Read Baibul, Mizo Hebrai 7 Bible Online

Hebrai 7 - Baibul, Mizo bible

Hebrai 7

¹Chu Melkisedeka, Salem lal, Pathian Chungnungbera Puithiam, Abrahama lalho that haw, lo hmuaka malsawmtu,

²Abrahama'n engkimah sawma pakhat a pek ve bawka kha, puithiamah a awm reng fo si a. A hming awmzia hrilhfiahin a hmasa berah Felna Lal a ni a, a dawt lehah Salem Lal a ni bawk (chu chu Remna Lal tihna a ni),

³ani chu pa nei loin, nu nei loin, chi thlahtute chanchin nei loin, awm tan ni nei loin, nun tawp pawh nei hek loin Pathian Fapa anga siam a ni zawk.

⁴Tichuan, chi thlahtu Abrahama'n a ral lak tha apiang zinga mi sawma pakhat a peka chu, chu mihring ropuizia chu ngaihtuah teh u.

⁵Levia thlahte zinga puithiam hna chang apiangte chuan Dan thu angin mite lakah sawma pakhat lak tur thu an hmu ngei a ni, chu chu an unaute lakah a ni, chungho chu Abrahama thalbea chhuak ni mah se la;

⁶amaherawhchu an zinga a thlahtute chhui tel ve loha khan Abrahama lakah sawma pakhat a la a, thutiamte vawngtu chu mal a sawm ta bawk a.

⁷Nimahsela, hnial rual lohin a te zawk chu ropui zawka malsawmsakin a awm thin.

⁸Tin, hetah hian mihring thi thinte hian sawma pakhat an hmu thin a, chutah erawh chuan 'a nung reng' tia a thu an hriattira chuan a hmu a ni.

⁹Tin, Levia, sawma pakhat la thintu mah hian, Abrahama kutah khan sawma pakhat a pe tawh, tih theih a ni;

¹⁰Melkisedekan a lo hmuah lai khan a pa thalbeah a la awm si a.

¹¹Tichuan, Leviaho puithiam nihna avanga famkimna hmuh theih a nih chuan (chu mi hnuaiah chuan miten Dan thu an lo hmu si a), Arona awm dan anga ruat loin, Melkisedeka awm dan anga puithiam dang lo awm hi eng nge a la ngaihna?

¹²Puithiam nihna chu a lo danglam tak avangin Dan thu chu tihdanglam ve a lo ngai reng a ni.

¹³Heng a thu an sawia hi hnam hrang mi a ni si a, chu mi hnam zinga mi chu tumah maichamah chuan an che ngai lo.

¹⁴Kan Lalpa chu Juda hnam zinga lo chhuak a ni tih a lang fiah si a, chu mi hnam thu-ah chuan Mosia'n puithiamho kawng thu engmah a sawi lo.

¹⁵Tin, Melkisedeka anga puithiam dang, tisa thupek Dan thu anga siam mi ni lo,

¹⁶nun tawp nei lo thiltihtheihna anga siam zawk mi a lo awm dawn chuan kan thu sawi kha nasa takin a fiah lehzual ang;

¹⁷Nang zawng, Melkisedeka awm dan anga, Chatuana Puithiam i ni e," tih hriattir a ni si a.

¹⁸A chak loh leh a sawt lohna avangin thupek awm hmasa chu paihin,

¹⁹(Dan thu chuan engmah a tifamkim si lo,) beiseina tha zawk, Pathian kan hnaihna thin hi hruai luhin a lo awm ta hlauh zawk a ni.

²⁰Tin, chhechham loh a nih loh avangin

²¹(anni zawng chhechham loa puithiama siam an ni si a; ani erawh chu, "'Nang zawng chatuana Puithiam i ni e,' tiin, Lalpa'n chhia a chham a, a lamlet tawh loing," tia a hnena sawitu kut khan chhechhama Puithiama siam a ni zawk),

²²chuti bawka nasa chuan Isua chu thuthlung tha zawk tihnghehpuitu a lo ni ta.

²³Tin, anni zawng thih avnga awm hlen an thulh thin avngin puithiama siam an tam ngei a; 24ani erawh chu chatuana a awm reng avangin a Puithiam nihna chu thlak theih rual lohin a nei ta zawk a ni.

²⁴ani erawh chu chatuana a awm renga vangin a Puithiam nihna chu thlak theih rual lohin a nei ta zawk a ni.

²⁵Chutichuan, amaha Pathian hnena lo kalte chu a tawpkhawk thlengin a chhandam thei bawk a ni, anmahni tawngtaisak turin chatuana a nun reng avangin.

²⁶Chutiang Puithiam Lalber mi thianghlim, depde lo, bawlhhlawh kai lo, mi sualte laka awm hrang, vante aia chungnung zawka siam tawh neih chu kan tan a awm reng si a.

²⁷Ani chuan chung Puithiam Lalberte hlan ang chuan ni tin, mahni sual avanga inthawina hlan hmasak zeta, chu mi hnua mite sual avanga hlan a ngai lo e; chu chu vawikhatah a lo titlingtla ta nghal si a, mahni a inhlan chawp lai khan.Dan thu chuan mihring chak lohna neite chu puithiam lalberah a ruat thin a; chhechham thu, Dan thu hnua lo awm erawh chuan Fapa, chatuan atan tihfamkim tawha chu a ruat zawk a ni.

²⁸Dan thu chuan mihring chak lohna neite chu puithiam lalberah a ruat thin a; chhechham thu, Dan thu hnua lo awm erawh chuan Fapa, chatuan atan tihfamkim tawha chu a ruat zawk a ni.