Read Baibul, Mizo Hebrai 9 Bible Online

Hebrai 9 - Baibul, Mizo bible

Hebrai 9

¹Tin, thuthlung hmasa pawh khan Pathian rawngbawl dante leh a hmun thianghlim, he khawvela hmun thianghlim chu a nei a.

²Biak buk an siam a, a tawntirh chu khawnvar dahna te, dawhkan te, chhangdah te awmna a ni; chu chu Hmun Thianghlim an ti a ni.

³Tin, puanzar pahnihna piahah chuan biak buk, hmun Thianghlim Ber an tih chu a awm a;

⁴chu miah chuan rangkachak rimtui halna bawm leh thuthlunna bawm rangkachaktia luan chu a awm a, chu mi thuthlunna bawm chhungah chuan Manna awmna rangkachak bel te, Arona tiang lo chawr te, thuthlunna lung phekte a awm a;

⁵a chung lamah zahngaihna thutphah hliahin, ropuina Cherubte an awm bawk a; chung thute chu tunah zawng akip akawiin kan sawi thei lo ang.

⁶Tin, chung thilte chu chutianga siam a lo ni a, Puithiamhoin Pathian rawng bawlin biak buk tawntirhah chuan an lut fo thin a;

⁷a dawttuah erawh chuan Puithiam Lalber chauh kum tin vawi khat, thisen keng lo loin a lut thin; chu chu mahni tan leh mite sual atan a hlan thin.

⁸Thlarau Thianghlimin hei hi a hriattir a: Hmun Thianghlim luhna kawng chu a la lang rih lo e, biak buk tawntirh chu a la din chhung chuan tih hi;

⁹chu chu tun lai tehkhinna hi a ni; chu mi ang zelin thilpek leh inthawinate pawh an hlan thin, chungte chuan chhia leh tha hriatna kawngah chuan a betu chu a tifamkim thei lo;

¹⁰chung chu (ei tur te, in tur te, sil tur hrang hrangte nen) tisa lam dante chauh siamthat hun hma atan ruat chu a ni.

¹¹Nimahsela, Krista chu thil tha, lo awm turahte Puithiam Lalbera lo kalin, biak buk, kuta sak loh, (chu chu he'ng thil siam zinga mi a ni lo tihna a ni,) ropui leh famkim zawk kal tlangin,

¹²kan tan chatuana tlanna hmu tawhin kelte leh bawng note thisen vang ni loin, ama thisen vang zawkin Hmun Thianghlimah chuan vawi khatah a lo lut tlingtla ta nghal a.

¹³Kel leh bawngpate thisen leh bawngla vap, mi bawlhhlawh chung theh mahin tisa thiang khawpa a tihthianghlim si chuan,

¹⁴Krista, chatuana Thlarau zara hmelhem loa Pathian hnena inhlana thisen chuan Pathian Nung rawng bawl turin in chhia leh tha hriatna chu thiltih thite lakah chuan a va tithianghlim nasa dawn em!

¹⁵Tin, he mi avang hian, ani chu thuthlung thar palai a ni, thuthlung hmasa hnuaia bawhchhiatnate lak ata tlanna'n mi a lo thih tak avangin kohvate chuan chatuana roluah tur thutiam chu an chang thei ang.

¹⁶Thurochhiah awmna apiangah a chhiahtu thihna awm ve lo thei a ni si lo.

¹⁷Mi an thih hnuin thurochhiahin thu a nei si thin, a chhiahtu la dam chhung erawh chuan thu reng a nei lo.

¹⁸Chutichuan, thuthlung hmasa pawh kha thisen loin an tinghet lo.

¹⁹Dan thu ang zelin thupek apiang chu Mosia'n mi zawng zawng a hrilh hnuin, "Hei hi Pathianin in hnena a pek tlat thuthlung thisen a nih hi," tiin

²⁰bawng note leh kelte thisen chu, tui nen, sapsen nen, husop nen a la a, lehkhabu ngei leh mi zawng zawng pawh chu a theh a ni.

²¹Chu lo pawh chu, biak buk leh rawngbawlna hmanrua zawng zawng chu chutiang bawkin thisen chuain a theh ta bawk a.

²²Tin, Dan thu zawngin engkim thaw mai hi thisena tihthianghlimin a awm thin a, thisen chhuah lohin ngaihdamna reng a awm lo.

²³Chutichuan, vana thil awm angte chu chung chuan tihthianghlimin a awm tur reng a ni, van thil taktakte erawh chu chung aia inthawina tha zawktein tihthianghlimin a awm tur a ni.

²⁴Krista chu kuta sak hmun thianghlim, atak anpuiah chuan a lut si lo a; tunah Pathian hmaah kan aia ding turin vanah ngei a lut ta zawk a;

²⁵nimahsela Puithiam Lalber chu kum tinin mahni thisen lo, thisen keng chunga Hmun Thianghlima a lut thin angin,ani chu mahni inhlan fo turin a lut hek lo;

²⁶chuti ni suh se la, leilung pian tirh achin vawi tam tak a tuar tawh tur a ni; nimahsela tun lai hun tawpah hian inthawina'na inhmang chawpin sual tihbo nan vawi khatah a lo lang ta nahgl a ni.

²⁷Tin, mihring tan vawi khat thih ruat a ni chu mi hnuah chuan rorelna a awm ang;chutiang bawkin Krista pawh mi tam tak sualte kalpui tura vawi khat hlana awm tawhin, chhandamna hmu tura amah lo nghaktute hnenah chuan sual tel loin vawi hnihnaah a lo lang leh ang.

²⁸chutiang bawkin Krista pawh mi tam tak sualte kalpui tura vawi khat hlana awm tawhin, chhandamna hmu tura amah lo nghaktute hnenah chuan sual tel loin vawi hnihnaah a lo lang leh ang.