Read Baibul, Mizo Jakoba 3 Bible Online

Jakoba 3 - Baibul, Mizo bible

Jakoba 3

¹Ka unaute u, in zinga mi tam tak hi zirtirtuahte lo awm suh u, zirtirtuin rorelna nasa lehzual kan tawk ang tih kan hre si a.

²Kan zain thil tam tak kan tisual fo thin. A thusawia tisual ngai lo mi chu, mi puitling a ni a, a taksa pum pawh veng thei mi a ni.

³Ngai teh u, kan thu an awih theihna'n sakawr kaahte thirbarh kan barh chuan an taksa pum pawh kan kaiher thin.

⁴Ngai teh u, lawngte pawh hi a lian hle a, thli na tak chhem Lenin a awm thin na a, nimahsela a tihertu chuan a kaltir duhna lam apiangah tihherna te tak tein a tiher thin.

⁵Chutiang bawkin lei pawh hi taksa peng te tak te a ni a,nasa takin a uang thin. Ngai teh u, mei te tak tein thing a va tikang nasa em!

⁶Tin, lei hi mei a ni; kan taksa pengte zinga khawlohna hlawm chu lei hi a ni; chu chuan taksa apumin a tibawlhhlawh a, pianpui tawlailir chu a tikang a, amah chu hremhmun tihkan a ni.

⁷Sa chi tinreng te, sava chi tinreng te, rannung chi tinreng te, tuifinriata mi chi tinreng te hi khawi ngam theih an ni si a, mihringte khawi ngamin an awm bawk a:

⁸amaherawhchu lei hi tumahin an khawi ngam thei lo a ni; thihna hlova khat, sual awmhle hle thei lo a ni.

⁹Chu chuan Lalpa leh Pa kan fak thin a; chu vek chuan Pathian anga siam mihringte chu anchhia kan lawh bawk thin a ni.

¹⁰Ka hmun khat atangin fakna leh anchhe lawhna a chhuak thin. Ka unaute u, chung thil chu chutiang ni tur a ni lo e.

¹¹Tuikhur hian hna hmun khatah tui tui leh tui tui lo a tichhuak thin em ni?

¹²Ka unaute u, theipui kungah oliv thei a rah thei em ni? A nih loh leh grep hruiah theipui a rah thei em ni? Chutiang bawkin chi khur hian tui al lo a tichhuak thei hek lo.

¹³In zingah tu nge finga thu hre thei awm? Thuhnuairawlh tak leh fing takin a thiltihte awm dan thatin entir rawh se.

¹⁴Nimahsela in thinlungah itsikna nasa tak leh inelna in neih chuan, thu dik uan khum suh u la, thu dik dodalin dawt sawi hek suh u.

¹⁵Chu finna chu chung lam atanga lo chhuk chu a ni lo a, khawvel leh taksa chakna leh ramhuaia mi a ni zawk e.

¹⁶Initsikna leh inelna awmnaah chuan buaina leh thiltihsualna tinreng a awm thin.

¹⁷Chung lam atanga finna lo chhuak erawh chu atirin a thianghlim phawt a, chu mi hnuah chuan inrem a duh a, a nunnem a, a tihnuam a, khawngaihna leh rah thain a khat a, thlei bik a nei lo a, a vervek lo a ni.Felna rah chu remna siamtute tan remnain tuh a ni.

¹⁸Felna rah chu remna siamtute tan remnain tuh a ni.