Read Baibul, Mizo 1 Petera 1 Bible Online

1 Petera 1 - Baibul, Mizo bible

1 Petera 1

¹Petera, Isua Krista tirhkoh chuan, Ponto ram te, Galatia ram te, Kappadokia ram te, Asia ram te, Bithunia ram tea Darhho awm,

²awih tur leh Isua Krista thisen theh dawng tura Thlarau tihhran a, Pa Pathian hriat lawk anga thlante hnenah chuan: In chungah khawngaihna leh remna tihpunin awm rawh se.

³Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a,

⁴rochan chhe thei lo, bawlhhlawh kai lo, chuai thei lo, vana in tana khek chu hmuhna turin;

⁵chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni.

⁶Chu miah chuan nasa takin in hlim a ni, tunah (a tul chuan) thlemna tinreng avangin lungngai rih mah u la;

⁷in rinna fiahna, rangkachak meia fiah hnu pawha boral thin aia hlu zawk chu, Isua Krista inlar hunah chuan fakna leh chawimawina leh ropuina tur a lo nih theihna'n.

⁸Amah chu hmu ngai lo pawhin in hmangaih a, amah chu tunah hmu lo mah u la in ring a, lawm sawi hleih theih loh leh ropui takin in hlim em em thin;

⁹in rin chhan - in thlarau chhandamna chu - hmuin.

¹⁰In chunga khawngaihna lo thleng tur thu hril lawktu zawlneiten, Krista Thlarau anmahnia awm chuan Krista tuarna turte leh chu mi hnua ropuina awm turte chu a hriat lawktir laite khan,

¹¹eng hun nge ni, eng ang hun nge ni a hriattir thin tih chhui chhuah tumin, chu chhandamna chanchin chu an zawng a, ngun takin an chhui thin.

¹²Chung thu chuan mahni rawng inbawl loin, nangmahni rawng an bawl zawk tih an hnenah hriattir a ni tawh, chung thu chu van atanga tirh chhuah Thlarau Thianghlim tanpuiin Chanchin Tha hrilhtu che u khan tunah an hrilh che u a; chung thil chu vantirhkohten bih an duh thin a ni.

¹³Chuvangin, in rilru puan vengin ngaihven u la, Isua Krista inlar hunah chuan khawngaihna a rawn kensak tur che u chu beidawng loin beisei zel rawh u;

¹⁴fa tihawihte angin, in hriat loh laia in hman lai chaknate anga awm loin;

¹⁵a kotu che u a thianghlim angin nangni pawh in chetzia zawng zawngah lo thianghlim zawk rawh u;

¹⁶Nangni in thianghlim tur a ni, kei ka thianghlim si a," tih ziak a nih kha.

¹⁷Tin, thlei bik nei loa mi tin hnathawh ang theuha ngaihtuah thintu chu Pa anga in lam chuan heta in cham chhung zawng tih dekin awm rawh u;

¹⁸in thlahtute pek chhawn, in awm dan engkhaw ni lawilo lak ata chu, thil chhe thei, tangka leh rangkachaka tlan in ni lo a,

¹⁹beram no hmelhem lo leh bawlhhlawh kai lo thisen anga Krista thisen hlu chuan tlan in ni zawk tih in hre si a;

²⁰ani chu leilung pian hmain ruat lawkin a awm ngei mai, nimahsela hun hnuhnungahte hian nangmahni avangin inlarin a awm a;

²¹amah avangin mitthi zing ata a kai thotu leh a ropuina petu Pathian ringtute in ni a, in rinna leh in beiseina chu Pathianah a awm theihna'n.

²²Unaute hmangaih tak tak turin thutak zawma in thlarau in tihthianghlim tawh avangin thinlunga thahnem ngai takin inhmangaih tawn rawh u,

²³chi chhe thei lakah ni loin, Pathian thu nung reng leh awm rengah chuan chi chhe thei lo laka piang thar in ni zawk si a.

²⁴Mi zawng zawng hlobet ang an ni a, an ropuina zawng zawng pawh hlobet par ang a ni. Hlobet chu a vuai a,Lalpa thu erawh chu chatuanin a awm reng a ni," tih a ni si a. Chu chu a ni Chanchin Tha thu an hrilh che u kha.

²⁵Lalpa thu erawh chu chatuanin a awm reng a ni," tih a ni si a. Chu chu a ni Chanchin Tha thu an hrilh che u kha.