Read Baibul, Mizo 1 Petera 4 Bible Online

1 Petera 4 - Baibul, Mizo bible

1 Petera 4

¹Chutichuan, Kristan tisaa a tuar avangin nangni pawh chutiang rilruknain inthuam ve rawh u; tisaa tuar tawh chuan sual a bansan tawh si a;

²chutichuan tun hnuah tisaa in la awm chhung zawngin mihring chakna lamahte awm tawh loin, Pathian duhzawng lamah in awm tawh ang.

³Jentailte duhzawng tihna'n leh hurnaah te, taksa chaknaah te, uain hehnaah te, zu hmun hlimnaah te, zu inhonaah te, milem biakna tenawm takah te awm nan tun hma kha a tawk tawh ang;

⁴chungah chuan anmahni nawmsak bawl luattuk anga inbawl ve tak loh hi mak an ti a, an sawichhe thin che u a ni;

⁵anni chuan mi nung leh mitthite ngaihtuah tura inpeih sa hnenah chuan an chanchin in la sawi ang.

⁶He mi avang hian a ni, mitthite hnenah pawh chuan Chanchin Tha hrilh a nih ni, tisaa awm mihringte anga ngaihtuahin an awm a, thlarau erawha Pathian anga an nun theihna'n.

⁷Nimahsela, thil zawng zawng tawpna chu a hnai tawh a, chuvangin in tawngtai theihna'n rilru fel tak puin fimkhur rawh u.

⁸Eng dang zawng aiin inhmangaih tawn uar rawh u; hmangaihnain sual tam tak a khuh si thin a.

⁹Phunnawi loin inmikhual tawn u la;

¹⁰mi tinin thilpek in hmuh ang zelin Pathian khawngaihna tinreng enkawltu thate angin, chung chuan rawng inbawl tawn theuh rawh u.

¹¹Mi tupawhin thu a sawi chuan Pathian thute angin sawi rawh se; mi tupawhin rawng a bawl chuan Pathianin chakna a pek ang zelin bawl rawh se; chutichuan Isua Krista avangin Pathian chu thil engkimah chawimawiin a awm thei ang, ropuina leh rorelna chu chatuana ama ta a ni si a. Amen.

¹²Duh takte u, in zinga fiahna nasa tak lo awm, nangmahni fiahna tura in chunga lo thleng hi, thilmak in chunga lo thleng angin mak ti suh u.

¹³Krista tuarnaahte tuarpuitute in nihzia ang zelin lawm zawk rawh u; chutichuan a ropuina a lo lan hunah chuan nangni pawh hlim takin in lawm thei ang.

¹⁴Krista hming avanga hau in nih chuan in eng a thawl e; Thlarau ropui tak, Pathian Thlarau chu in chungh a awm si a.

¹⁵Nimahsela, in zingah tuma'n tualthattu a nih avangin emaw, rukru a nih avangin emaw, thil tisualtu a nih avangin emaw, mi dangte thiltih relsaktu a nih avangin emaw tuar suh se.

¹⁶Amaherawhchu, Kristian a nih avangin tuar se la zak suh se.

¹⁷Rorelna chu Pathian chhungteah hian tan a hun tawh si a; tin, keimahni maha a tan hmasak chuan Pathian Chanchin Tha thu zawm lote tawpna chu engtin tak ni ang maw?

¹⁸Tin, mi fel mah chhandam hram hram a nih chuan Pathian ngaihsak lo leh mi sual chu eng ang tak maw?Chuvangin, Pathian remtihzawng anga tuarte chuan thil tha tiin an thlaraute chu Siamtu rinawm tak hnenah kawltir rawh se.

¹⁹Chuvangin, Pathian remtihzawng anga tuarte chuan thil tha tiin an thlaraute chu Siamtu rinawm tak hnenah kawltir rawh se.