Read Baibul, Mizo 1 Petera 5 Bible Online

1 Petera 5 - Baibul, Mizo bible

1 Petera 5

¹Chutichuan, in zinga kohhran upate chu, kei, in upatpui, Krista tuarnate hretu, ropuina lo lang tur chang vetu tur hian ka fuih a che u;

²In zinga Pathian pawlho awm chu enkawl rawh u; tih tur a nih vang ni loin, Pathian thu anga chak chung zawkin, hlepna bawlhhlawh duh vang ni hek loin, rilrua duh tak zawkin,

³in chante chungah intilal hek loin, pawlho entawnan insiam zawkin ho rawh u.

⁴Tin, Beram Vengtu Lalber chu a lo lan hunin, ropuina lallukhum vuai thei lo chu in hmu ang.

⁵Chutiang bawkin nangni tleirawl deuhte u, upa hnenahte intulut rawh u. A ni, in zain rawng inbawl tawn theuh turin thuhnuairawlhnain inthuam rawh u; Pathianin chapote a dodal a, inngaitlawmte erawh chu khawngaihna a pe si thin.

⁶Chuvangin, a hun teah chuan a chawimawi theihna tur che uin Pathian kut chak tak hnuaiah chuan intihnuai u la,

⁷anin a ngaihsak thin che u avangin in manganna zawng zawng ama chungah nghat vek rawh u.

⁸Ngaihven u la, fimkhur rawh u; in khingpui Diabola chu sakeibaknei rum thin angin a ei theih tur zawngin a phi ruai thin;

⁹in unau khawvela awmhote chungah chuan chutiang tuarna chu a thleng ve a ni tih hriain, ring nghet taka awmin amah chu do rawh u.

¹⁰Tin, khawngaihna zawng zawng Pathian, a chatuan ropuina chang tura Kristaa kotu ngei che u chuan rei lo te in tuar hnuan a siam tha famkimin, a tinghetin, a tichak ang che u.

¹¹Ama hnenah chuan rorelna chu chatuanin awm rawh se. Amen.

¹²Ka unaupa rinawm taka ka ruat Silvana kutah hian nangmahni fuih leh, chu chu Pathian khawngaihna taktak a ni tih hriattirin tawi tein inhnenah ka ziak a ni; chungah chuan ding nghet rawh u.

¹³Babulon khuaa awm nangmahni anga thlan nu hian chibai a buk a che u; chutiang bawkin ka fapa Marka pawhin chibai a buk a che u.Hmangaihna fawha fawpin chibai inbuk rawh u. In zinga Kristaa awm apiangte hnenah chuan remna awm rawh se.

¹⁴Hmangaihna fawha fawpin chibai inbuk rawh u. In zinga Kristaa awm apiangte hnenah chuan remna awm rawh se.