Read Baibul, Mizo 1 Johana 1 Bible Online

1 Johana 1 - Baibul, Mizo bible

1 Johana 1

¹Nunna Thu atir ata awm kha, kan bengin kan hriat kha, kan mitin kan hmuh kha, kan en reng a, kan kuta kan dap kha, chu mi chanchin chu;

²(chu mi Nunna chu a lo lang ta a, kan lo hmu a, kan hriattir bawk a, chu chatuan Nunna, Pa hnena awm kan hnena lo lang chu kan hrilh che u a nih hi);

³chu mi kan hmuh leh kan hriata chu in hnenah kan hrilh ve che u a nih hi, nangni pawhin min pawl ve theihna'n; keini min pawlna chu Pa leh a Fapa Isua Krista pawlna a ni tawh reng si a.

⁴Tichuan, kan lawm a famkim theihna'n he'ng thute hi kan ziak a nih hi.

⁵Tin, thuchah a hnen ata kan hriata in hnena kan hrilh chhawn tur che u chu hei hi a ni: Pathian chu eng a ni a, amahah chuan thim reng reng a awm lo.

⁶Thima awm siin, "Amah ka pawl," kan tih chuan dawt kan sawi a ni, thutak pawh chu kan zawm lo;

⁷amaherawhchu amah chu engah a awm angin keini pawh enga awm kan nih chuan kan inpawl tlang a, tin, a Fapa Isua thisenin kan sual zawng zawng min tlenfaisak thin a ni.

⁸Sual ka nei lo," kan tih chuan mahni leh mahni kan inbum a, thutak chu keimahniah a awm lo a ni.

⁹Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni."Thil ka tisual lo," kan tih chuan amah chu dawtheiah kan siam a, a thu pawh keimahniah a awm lo a ni.

¹⁰Thil ka tisual lo," kan tih chuan amah chu dawtheiah kan siam a, a thu pawh keimahniah a awm lo a ni.