Read Baibul, Mizo 1 Johana 3 Bible Online

1 Johana 3 - Baibul, Mizo bible

1 Johana 3

¹Ngai teh u, Pain min hmangaihna chu a va nasa em! "Pathian faahte" min vuah tak hi; chutiang chu kan ni reng e. He mi avang hian khawvelin min hre lo a ni, amah chu an hriat loh avangin.

²Duh takte u, tunah hian Pathian fate kan ni a, engtin nge kan la awm dawn tih erawh chu a la lang rih lo e; amah a lo inlar chuan amah angin kan awm dawn tih zawng kan hria, amah chu a awm pangngai ang takin kan hmu dawn si a.

³Tupawh ama chunga chu mi beiseina chu nei apiangin amah a thianghlim angin a intithianghlim thin.

⁴Tupawh thil tisual apiangin dan pawh a bawhchhe thin; sual chu dan bawhchhiatna a ni si a.

⁵Amah chu sualte la bo turin a lo lang tawh tih in hria e; amahah chuan sual engmah a awm si lo a.

⁶Tupawh amaha awm reng chuan thil a tisual lo; tupawh thil tisual chuan amah chu a hmu lo a, hriat pawh a hre hek lo.

⁷Naute u, tuma bumin awm suh u; felna titu chu a fel a ni, amah a fel ang bawkin.

⁸Thil tisualtu chu diabolaa chhuak a ni; diabola chuan atir ata thil a tisual si a, Pathian Fapa lo lan chhan ber chu diabola hnathawhte a tihboral theih nan a ni.

⁹Tupawh Pathian hrin chuan Pathian chi amahah a awm reng avangin thil a tisual thin lo; Pathian hrin a nih avangin thil a tisual thei hek lo.

¹⁰He miah hian Pathian fate leh diabola fate a hriat a ni; tupawh felna ti lo chu Pathiana chhuak a ni lo, a unau hmanaih loa pawh chu Pathiana chhuak a ni hek lo.

¹¹Hei hi atir ata thuchah in hriat kha a ni si a, kan inhmangaih tawn theuh tur a ni, tih hi;

¹²Kaina, mi sual laka mi, mahni unau thattu ang khan awm loin. Eng vangin nge a thah tak le? Ama thiltihte a sual a, a unau thiltihte a fel avangin.

¹³Unaute u, khawvelin an huat che u chuan mak ti suh u.

¹⁴Unaute kan hmangih avangin thihna ata kan chhuak a, nunnaah kan lut tawh tih kan hria e. Tupawh hmangaihna nei lo apiang thihnaah a la awm reng a ni.

¹⁵Tupawh a unau hua chu tualthat a ni; tualthattu tumah chatuana nunna pai reng reng an awm lo tih in hre si a.

¹⁶He miah hian hmangaihna eng nge a nih kan hria, amah chuan kan tan a nunna a pek tak avangin; keini pawhin unaute tan kan nunna kan pe ve tur a ni.

¹⁷Nimahsela, tupawhin khawvel sum neiin a unau tlachhamin hmu se la, ani chu lainat si suh se la, Pathian hmangaihna chu amahah engtin nge a awm ang?

¹⁸Naute u, thu chauhin i hmangaih suh ang u khai, lei chauhin i hmangaih hek suh ang u, thiltih leh tih tak zetin ni zawk rawh se.

¹⁹Chu miah chuan thutaka mi kan ni tih kan inhria ang a, kan rilruin thiam loh min chantirna kawngah chuan ama mithmuh ngeiah kan rilru kan thlem dai bawk ang;

²⁰Pathian chu kan rilru aiin a ropui zawk a, engkim a hre si a.

²¹Duh takte u, kan rilruin thiam loh min chantir loh chuan Pathian lamah kan huai a ni;

²²tichuan, a thupekte kan zawm a, a mithmuha thil lawmawm kan tih thin avangin, kan dil apiang a hnen ata kan hmu zel thin a ni.

²³Tin, a thupek chu hei hi a ni, a Fapa Isua Krista hming ring i la, aman thu min pek angin inhmangaih tawn bawk i la.A thupekte zawm chu amahah a awm reng a, amah pawh chu amahah a awm reng bawk a ni. Tin, he miah hian amah chu keimahniah a awm reng tih kan hria, Thlarau min pekah hian.

²⁴A thupekte zawm chu amahah a awm reng a, amah pawh chu amahah a awm reng bawk a ni. Tin, he miah hian amah chu keimahniah a awm reng tih kan hria, Thlarau min pekah hian.