Read Baibul, Mizo Roreltute 1 Bible Online

Roreltute 1 - Baibul, Mizo bible

Roreltute 1

¹Tin, Josua thih hnu chuan heti hi a ni a, Israela thlahte chuan, "Kanaan hote chu dova kan tana bei turin tu nge han kal hmasa phawt ang le?" tiin LALPA chu an rawn a.

²Tin, LALPA chuan, "Juda han kal rawh se: ngai teh u, a kutah ram chu ka pe tawh e," a ti a.

³Tin, Judan a unau Simeona hnenah," Kanaan-hote bei turin ka ram chanpualah hian l o chho ve rawh; kei pawh i ram chanpualah ka lo kal ve dawn nia," a ti a. Chutichuan Simeona chu a hnenah a kal ve ta a.

⁴Tin, Juda chu a han kal a; tichuan Kanaan-hote leh Periz-hote chu LALPA'n an kutah a pe ta a: tin, Bezek khuaah mi singkhat an that a.

⁵Tin, Bezek khuaah chuan Adoni-zedeka-bezeka an han hmu a: tin, an bei a, Kanaan- hote leh Periz-hote chu an that chiam a.

⁶Adoni-zedeka-bezeka erawh chu a tlan a; tichuan an um a, an man a, a kutzungpuite leh a kezungpuite an tansak a.

⁷Tin, Adoni-zedeka-bezeka chuan, "Lal sawmsarih kutzungpui leh kezungpui tan chhumte chuan ka dawhkan hnuaia buh mal an chhar thin a: ka tih ang chiahin Pathianin mi thungrul ve ta a nih hi le," a ti a. Tin, Jerusalem khuaah an hruai a, chutah chuan a thi ta a.

⁸Tin, Juda thlahte chuan Jerusalem an han do a, an la a, khandaihin an bei a, khawpui chu an hal a.

⁹Tin, chu mi hnuah chuan Juda thlahte chu Kanaan-ho tlang rama awm te, Chhim lama awm te, phaia awm te chu do turin an zuk kal a.

¹⁰Tin, Juda chuan, Kanaan-ho Bebron khuaa awmte chu a va bei a: (a hma chuan Hebron khaw hming chu Kiriath-arba a ni.) tichuan Sesaia te, Ahimana te, Talmaia te an that a.

¹¹Tin, chuta tangin Debir khuaa awmte chu a bei a. (A hma chuan Debir khaw hming chu Kiriath-sepher a ni.)

¹²Tin, Kaleban, "Tupawh Kiriath-sepher khua chu bei a, la apiang chu ka fanu Aksai nupuiah ka neihtir ang," a ti a.

¹³Tin, Kaleba nau Kenaza fapa Othnielan a la a: tichuan a fanu Aksai chu nupuiah a neihtir ta a.

¹⁴Tin, a pasal hnen a va thlen chuan a pa ram dil turin a lo fuih a, tin, sabengtung ata a chhuk a; Kaleba chuan a hnenah, "Enge i duh le?" a lo ti a.

¹⁵Ani chuan, "Eng emaw dil che ka duh a ni, chhim lam ram ro takah mi lo awmtir ta si a, tuikhur mi pe tel bawk turin ka ngen a che," a ti a. Tichuan tuikhur chhakta leh thlangta chu a pe ta a.

¹⁶Tin, Mosia puzawn Ken-ho thlahte chu Arad chhim lama Judai thlalerah chuan Juda thlahte nen tum khawpui ata chu an han chho a; an zingah chuan an han cheng ve a a.

¹⁷Tin, Juda chu a unau Simeona nen an thawk a, Zephath kihuaa awm Kanaan-ho chu an that a, an tichimit vek a. Chu khawpui hming chu Horma an ti.

¹⁸Tin, Juda chuan Gaza khua a ram chin nen, Askelon khua a ram chin nen, Ekron khua a ram chin nen a la bawk a.

¹⁹Tin, LALPA chu Juda hnenah a awm a; tichuan tlang rama chengte ch a hnawt bo vek a; ruama chenghote erawh chu thir tawlailirte an neih avangin an hnawtchhuak thei lo a ni.

²⁰Tin, Mosia'n a lo sawi tawh angin Hebron khua chu Kaleba an pe a: chuta mi Anaka fapa te pathum chu a hnawt chhuak a.

²¹Tin, Benjamina thlahte chuan Jebus-ho Jerusalem khuaa awmte chu an hnawt chhuak lo: Jebus-hote chu Benjamina thlahte nen tun thleng hian Jerusalem-ah an la cheng za ta reng a ni.

²²Tin, Josefa chhunget pawh chu Bethel khaw bei turin an thawk ve bawk a: tin, an hnenah LALPA a awm a.

²³Tin, Josefa chhungte chuan Bethel khuaah chuan enthlatute an tir a. (A hma chuan chu khaw hming chu Luz a ni.)

²⁴Tin, enthlatute chuan mi pakhat khaw chhung ata lo chhuak hi an han hmu a, a hnenah, "Khawngaih takin khawpui chhung luhna min entir teh khai, tichuan tha takn kan ti dawn che nia," an ti a.

²⁵Tin, khawpui chhung luhna hchu a entir a, tichuan khandaihin chu khua chu an bei a; chu mi leh a chhungte zawng zawng erawh chu an zuah a.

²⁶Tin, chu mi chu Hit-ho ramah a lut a, khua a siam a, chu mi khaw hmingah chuan Luz a vuah a: tun tlengin chu mi hming chu a la pu a a ni.

²⁷Tin, Manasea chuan Beth-sean khua leh a khawpera awm te, Tanaak khua leh a khawpera awm te, Dor khua leh a khawpera awm te, Ibleam khua leh a khawpera awm te, Megido leh a khawpera awmte chu a hnawt chhuak lo: chu ramah chuan Kanaan-hote erawh chu an awm ta reng a.

²⁸Tin, heti hi ani a, Israela thlahte chuu an lo chai tak tial tial chinah chuan Kanaan- hote chu hnathawka rawih atan an awmtir a, an hnawtchhuak fai vek ta lo.

²⁹Tin, Ephraima chuan Gezer khua Kanaan-ho awmte chu a hnawtchhuak lo; Kanaan- ho chu Gezer khuaah chuan an zingah an cheng ve ta zawk a ni.

³⁰Zebuluna chuan Kitron khuaa awmte leh Nahalal khuaa awmte chu a hnawt chhuak lo.Kanaan-ho chu an zingah an cheng ve a, hnathawka rawih atan an awm ta zawk a ni.

³¹Asera chuan Ako khuaa awm te, Zidon khuaa awm te, Ahlab khuaa awm te, Akzib khuaa awm te, Helba khuaa awm te, Aphik khuaa awm te, Rehob khuaa awmte chu an hnawt chhuak lo:

³²Asera thlahte chu chu mi rama awm Kanaan-hote zingah chuan an cheng ve ta zawk a ni: anni chuan an hnawt chhuak lo a ni.

³³Naphtalia chuan Beth-semes khuaa awm te, Beth-anath khuaa awmte chu a hnawt chhuak lo; chu mi rama awm Kanaan-hote zingah chuan a cheng ve ta zawk a ni: amaherawhchu Beth-semes khua aawmte leh Beth-anath khuaa awmte chu a hnathawka rawih atan an awm ta a ni.

³⁴Tin, Amor-ho chuan Dana thlahte chu tlang ramah an hnawt chho a, ruama an chhuk an phal si lo a,

³⁵Amor-ho erawh chu Heres tlangah te, Aijalon khuaah te, Saalbim khuaah te an awm ta reng a: nimahsela Josefa chhungte kut chu a chak a, an hnathawka rawih atan an lo awm ta a ni.Tin, Amor-ho ram chin chu Akrabim chhoihna leh Sel atangin a chho ta zel a ni.

³⁶Tin, Amor-ho ram chin chu Akrabim chhoihna leh Sel atangin a chho ta zel a ni.