Read Baibul, Mizo Roreltute 10 Bible Online

Roreltute 10 - Baibul, Mizo bible

Roreltute 10

¹Tin, Abimeleka hnuah chuan Israel hote chan chhuak turin Isakar mi Dodoa fa Pua fapa Tola a lo chhuak a, Ephraim tlang ram Samir khuaah a awm a]

²Tin, kum sawmhnih leh kum thum Israelte ro a rel a, tin, a thi a, Samir khuaah an phum a.

³Chu mi hnuah chuan Gilead mi jaira a l chhuak a, kum sawmhnih leh kum hnih Israelte ro a rel a.

⁴Tin, chu mi chuan fapa sawmthum, sabengtung no sawmthum chunga chuang thin mi a nei a, tin, Gilead ramah khaw sawmthum an nei a, chung chu tun thleng hian Havoth-Jair an ti a.

⁵Tin, jaira chu a thi a, Kamon khuaah an phum a.

⁶Tin, Israela thlahte chuan LALPA mithmuhin thil sual an lo ti leh ta a, Baala-te leh Astarothi, Suria-ho pathiante, Zidon ho pathian te, Moab-ho pathian te, Amona thlah pathian te, Philistia-ho pathiante rawng an lo bawl ta a; tichuan LALPA chu an hawisan a, a rawng an bawl ta lo a.

⁷Tichuan LALPA chu Israelte chungah chuan a thinrim ta hle mai a, Philistia-hote hnenah leh Amona thlahte hnenah a hralh ta a.

⁸Tin, chu mi kum chuan Israela thlahte ch an timangangin, an hnehchhiah em em mai a: Jorda ral Gilead rama Amor-ho rama Israela thlah awm zawng zawngte chu kum sawm leh kum riat chhung zet an hnehchhiah a.

⁹Tin, Amona thlahte chu Juda-ho te, Benjamin-ho te, Ephraima thlahte bei turin Jorda ral an kai a; chutichuan Israel-hote chu mangan namenin an mangang ta lo a.

¹⁰Tin, Israela thlahte chuan, "Kan Pathian chu kan lo hawisan tak ngei a, Baal-te rawng chu kan lo bawl tak avnaign i chungah thil kan lo tisual ta a ni," tiin LALPA an au a.

¹¹Tin, LALPA'n Israela thlahte hnenah, "Aigupta-ho lak ata te, Amor-ho lak ata te, Amona thlahte lak ata te, Philistia-ho lak ata te ka chhan chhuak che u a ni lo vem ni?

¹²Zidon-hote Amalek-ho te, Maon-hote pawhin an hnehchhiah che u a; tin, mi au a, tichuan an kut ata chu ka chhan chhuak che u a.

¹³Nimahsela nangnin mi hawisan a, pathian dangte rawng chu in bawl ta zawk a: chuvangin ka chanchhuak tawh lo ang che u.

¹⁴In thlann pathiante chu au ta che u: anni chuan in mangan hunah chuan chhan chhuak che u ang hmiang," a ti a.

¹⁵Tin, Israela thalhte chuan LALPA hnenah, "Thil kan lo tisual ta ani : nangin tha i tih ang angin kan chungah rawn ti langin; a chhan erawh chu vawiinah hian khawngaih takin min rawn chhan chhuak hram rawh khai," an ti a.

¹⁶Tichuan an zinga hnam dang pathiante chu an dah bo vek a, LALPA rawng chu an bawl ta a: tin, Israel-hote manganna avang chuan a rilru a lungngai ta em em a.

¹⁷Tin, Amona thlahte chu an pung khawm a, Gilead ramah chuan an va inkulh a. Tin, Israela thlahte chu an inkhawm ve chiam a, Mizpe khuaah an inkulh a.Tin, mipuiho, Gilead rama mi lianhote chu an inbia a, "Amona thlahte bei tan tur hi tu nge awm le? Gilead rama awm zawng zawngte chunga hotuah a awm ang," an ti a.

¹⁸Tin, mipuiho, Gilead rama mi lianhote chu an inbia a, "Amona thlahte bei tan tur hi tu nge awm le? Gilead rama awm zawng zawngte chunga hotuah a awm ang," an ti a.