Read Baibul, Mizo Roreltute 11 Bible Online

Roreltute 11 - Baibul, Mizo bible

Roreltute 11

¹Tin, Gilead mi Jephtha chu mi chak huaisen a ni a, nawhchizuar fapa a ni: tin, Gileada chuan Jephtha chu ahring a.

²Tin, Gileada nupui chuan fapate a hrinsak a; tin, anupuia fapate chu an lo puitlin chuan Jephtah chu an hnawtchhuak a, a hnenah, "Nang zawngin kan pa in ro i luah thei lo ang: hmeichhe dang laka fa i ni si a," an ti a.

³Chutichuan Jephtha chu a unaute ho hnen ata chu atlan bo a, Tob ramah a awm ta a: tin, Jephtha hnenah chuan mi ho tak takte an cheng khawm a, an zui thin a.

⁴Tin, heti hi ani a, nakin deuhvah chuan Amona thlahte chuan Israel-hote chu an do ta a.

⁵Tin, heti hi ani a, Amona thlahte chuan Israel-hote chu an han do chuan, Gilead-ho upate chu Tob rama mi Jephtha hruai turin an kal chhuak ta a.

⁶Jephtha hnenah chuan, "Amona thlahte kan beih theihna turin kan hotu berah lo awm ta che," an ti a.

⁷Tin, Jephthan Gilead-ho upate hnenah chuan, "Mi hua a, ka pa in ata chu mi hnawtchhuak a ni lo'm ni? Enga ti nge in mangan veleh ka hnena in lo kal hi? a ti a.

⁸Tin, Gilead-ho upate chuan Jephtha hnenah, "Chuvang tak chuan a lawm tunah hian i lam kan lo hawi leh, Amona thlahte ve bei tura kan hnena i kal theihna turin; tin, Gilead rama awm zawng zawngte chungah kan hotuah i awm ang," an ti a.

⁹Tin,Jephtan Gilead-ho upate hnenah chuan," Amona thlahte bei tura mi hruai hawn leh a, tin, LALPA'n anni chu mi pek chuan in hotuah ka awm tak meuh ang maw?" a ti a.

¹⁰Tin, Gilead-ho upate chuan Jephtah hnenah, "LALPA chu kan karah hretu ani ang; i thu ang angin kan ti ngei ngei ang," an ti a.

¹¹Chutichuan Jephtha chu Gilead-ho upate hnenah chuan a kal ta a, tin, mite chuan hotu atan leh a puipa ber atan an lo siam ta a: tin, Jephtha chuan Mizpe khuaah LALPA hmaan thu engkim a sawi ta a.

¹²Tin, Jephtahn Amona thlahte lal hnenah chuan, "Eng tiziaa hetia kan ram rawn bei tura ka hnena lo kal mai nge maw i nih le?" tiin palai a ti r a.

¹³Tin, Amona thlahte lal chuan, "Israel-ho Aigupta ram ata an lo chhuah lai khan ka ram an lak avang alawm, Arnon atanga Jabok leh Jorda thlengin: chuvangin chun gramte chu tlang takin mi rawn pe leh mai rawh," tiin Jephtha palaite chu a lo chhang a.

¹⁴Tichuan Hjephthan Amona thlahte lal hnenah palai a tir leh a:

¹⁵a hnenah, "Jephthan heti hian at i e, 'Israel-hote Moab ram an laksak lo a, Amona thlahte ram pawh an laksak hek lo:

¹⁶Aigupta ram ata an lo chhuahna Tuifinriat Sen thlenga thlaler kha an kal tlang a, Kades kha an thlen khan,

¹⁷Israel-hoin Edom lal hnenah, Khawngaihtakin i ram kan kal tlang ang e, tiin palai a tir a: nimahsela Edom lal chuan a lo ngaithla duh lo a. Tin, chutiang bawkin Moab lal hnenah a tir leh a: nimahsela a lo remti lo va: tichuan Israel-hote chu Kades-ah an awm ta a.

¹⁸Tichuan thlaler chu an kal tlang a, Edom ram leh Moab ram chu an kal hual a, Moab ram chhak pampangah an kal a, Arnon lehlam pangah awmhmun an khuar a; Moahb ram chhungah zang an lut hauh lo a ni, Arnon chu Moab ramri chin a ni si a.

¹⁹Tin, Israel-hoin Amor-ho lal Sihona, Hesbon lal hnenah palai an tir a; Israel-ho chuan a hnenah, kan hmun lama kalna'n khawngaih takin i ram kan kal tlang ang e, ant i a.

²⁰Nimahsela Sihona chuan Israel-ho chu a ram kal tlang atan chuan a ring zo lo va: Sihona chuan a mite zawng zawng chu a khawm a, Jahaz khuaah a inkulh a, Israel-ho chu a bei ta a.

²¹Tin, LALPA, Israel-te Pathianin Sihona leh ahote zawng zawng chu Israel-hote kutah a pe a, an that ta a: chutichuan Israel-hote chuan chu mi ram Amor-hote awmna ram zang zang chu an nei ta vek a.

²²Tichuan Amor-ho ramri chin zawng zawng Arnon atanga Jabok thleng rakin an nei ta vek a ni.

²³Chutichuan LALPA, Israelte Pathianin a mi Israel-hote hmaah Amor o chu a chhuhsak a ni a, nangin i neihsak theih thu em mi?

²⁴I pathian Kemosan i puala a lo ruatsak che chu i nei dawn a ni lo'm ni? Chutichuan LALPA kan Pathianin kan hmaa a chhuhsakte chu kan nei ang.

²⁵Moab lal Zipora fapa Balaka aiin i chak zawk em ni/ ani chuan Israel-hote kha a chawk buaiin, a do ngai em ni?

²⁶Israel-ho Hesbon-ah leh a khawperah te, Aroer leh a khawperah te, Arnon ramri dep khawpui zawng zawngahte chuan kum zathum zet an awm lai khan, eng vanga la loa lo la awm reng nge i nih?

²⁷Chuvangin i chungah hian thil engmah ka tisual lo e, nangmah zawk hian mi beih i tum avangin ka chungah hian thil i tisual ani e: LALPA Roreltu chuan tunah hian Israel thlahte leh Amona thlahte kara thu chu ngaihtuah rawh se,' a ti," tiin.

²⁸Nimahsela Amona thlahte lalchuan Jephtha thuchah chua lo ngaithla duh lo a.

²⁹Chutichuan LALPA thlarau chu Jephtha chungah a lo thleng a, tichuan Gilead leh Mansea ram a kal tang a, Gilead rama Mizpe a kal tlang a, tin, Gilead ram Mizpe atang chuan Amona thlahte hnenah chan a kal zel a.

³⁰Tin, Jephthan LALPA hnenah chhia a chham a, "Amona thlahte hi ka kuta mi pek takmeuh chuan,

³¹heti hi a ni ang a, Amona thlahteho hnen atanga ralmuanga ka hawn leh hun chuan engpawh ka kawngka atanga mi rawn hmuak hmasa ber paiang chu LALPA ta tur ani ang a, halral thilhlan atan ka hmang ngei ngei ang," a ti a.

³²Chutichuan Jephtha chu Amona thlahte beit ur hchuan a kal ta a; tin, LALPA'n a kutah a pe ta a.

³³Tin, Arorer atanga Mintih thlengin a bei zel a, khaw sawmhnih zet, tin, Abelkeramim thlenign a that chiam a. Chutichuan Amona thlahte chu Israela thlahte hmaah chuan an lo tlawm ta a.

³⁴Tin, Jeptha chu a awmna Mizpe khuaa a in chu a thleng ta a, tin, ngai teh, a fanu chuan khuangtete nen lamin a lo hmuak a: a fa neih chhun a ni a; amah lo chu fapa leh fanu dang reng reng anei lo.

³⁵Tin, heti hi ani a, amah a han hmuh veleh chuan, a puante a pawtthler a, "E khai, ka fanu! Mi titlawm ta hle mai a, mi timangangtu zinga mi i ni ta: LALPA lamah ka ka ka lo ang ta si a, chu chu zuk leh thei ka ni ta lo," a ti a.

³⁶Tin, ani chuan a hnenah, "Ka pa, LALPA lamah i ka zu lo ang ta chia; i kaa i thu chhuak ang ngeiin ka chungah i ti tur alawm; LALPA'n i hmelma Amona thlahte chung ngeiah chuan i phuba zuk la ta si a," a ti a.

³⁷Tin, a pa hnenah chuan, "Hetiang hian ka ti ang e: thla hnih chhung chu keimahin ka han tal hrang ang a, tlangahte ka han rawl ang a, ka nulatna hi ka han sun ang e, kei leh ka thianteho nen hian," a ti a.

³⁸Tin, ani chuan, "Kal ta che," a ti a. Tichuan thla hnih thang turin a tir a: tin, a chhuak ta a, amah leh a thianteho nen chuan, tin, tlangahte chuan a nulatna chu a han sun a.

³⁹Tin, heti hi ani a, thla hnih hnuah chuan a pa hnenanah a haw leh ta a, ani chuan chhia a lo chham tawh ang khan a chungah a ti ta a: mipa tumahinan pawl lo.Chutichuan Israel-hote zingah chuan Israela fanuten Gilead mi Jephtha fanu chu kum tin ni li sun danah an lo nei ta a,

⁴⁰Chutichuan Israel-hote zingah chuan Israela fanuten Gilead mi Jephtha fanu chu kum tin ni li sun danah an lo nei ta a,