Read Baibul, Mizo Roreltute 12 Bible Online

Roreltute 12 - Baibul, Mizo bible

Roreltute 12

¹Tin, Ephraim-hote chu an pungkhawm chiam a, hmar lam panin an kal a; tin, Jephtha hnenah, "Engati nge Amona thlahte bei tura i lo kal phei a, i hnena kal tura min rawn sawm ve loh ni? I inah kan hal khung dawn che a ni," an ti a.

²Tin, Jephthan an hnenah, "Amona thlahteho hi ka mite nen theihtawp chhuahin kan bei ani a; ka chah lai che u khan an kut ata mi chhan chhuak si lo.

³Tichuan nangnin mi chhanchhuak duh lo tih ka hriat veleh, thih dawn miah loin ka tang a, Amona thlahte bei turin ka va thawk a, tichuan LALPA'n anniho chu ka kutah mi pe ta a: chuvangin eng atan nge mi bei tura vawiinah hian in lo thawh ni?" a ti a.

⁴Chutichuan Jephtha chuan Gilead mi zawng zawng chu a khawm chiam a, Ephraim ho chu a bei ta a: tin, Gilead-hote chuan Ephraim-ho chu an that ta chiam a, "Nangni Ephraim hnam tlan boho, nangni Gilead-ho, Ephraim-ho zingah leh Manase-ho zinga tel ve mai maih" an tih thin avangin.

⁵Tin, Gilead-hote chuan Ephraim-ho dep Jorda lui kaite chu an lo man a: tin, heti hi ani a, Ephriama-ho tlan bote chuan, "Ka lo kai ang e," an tih apiangin, Gilead-hote chuan an hnenah, "Ephraim mi i ni em?" an lo ti zel a. Annin, "Ni lo ve," a lo tih chuan,

⁶A hnenah, "Shiboleth' han ti teh," an lo ti a, tin, ani chuan, "Siboleth" a lo ti zawk thin a; a lam fiah ve thiam si thin lo a; tichuan an man a, Jorda lui kaiahte chuan an lo that zel a: tichuan chu mi tm chua Ephraim-ho chu singli leh sanghnih an that a.

⁷Tin, Jephtha chuan Israel-ho chungah kum ruk ro a rel a. Tichuan Gilead mi Jephtha chu athi a, Gilead rama khaw pakhatah an phum ta a.

⁸Tin, a hnuah chuan Beth-lehem khuaa mi Ibzanan Israel-ho chungah ro a rel a.

⁹Chu mi chuan fapa sawmthum a nei a, fanu sawmthum ram dangah a kaltir a, tin, a fapate tan chuan ram danga mi fanu sawmthum a hruaisak bawk a. Tin, Israel-ho chungah kum sarih ro a rel a.

¹⁰Tin, Ibzana ch a thi a, Beth-lehem khuaah an phum a.

¹¹Tin, a hnuah chuan Zebulun mi Elonan Israel-ho chungah ro a rel a; Israel-ho chungah kum sawm ro a rel a.

¹²Ti Zebulun miElona chu a thi a, Zebulun rama Aijalon khuaah an phum a.

¹³Tin, chu mi hnuah chuan Pirathon mi, Hilela fapa Abdonan Israel-ho chungah ro a rel a

¹⁴Chu mi chuan fapa sawmli leh tupa sawmthum sabengtung no sawmsarih chunga chuang thin mi a nei a: ani chuan Israel-ho chungah kum riat ro a rel a.Tin, Pirathon mi, Hilela fapa Abdona chu a thi a, Ephraim ram, Amalek mite tlang ramah Pirathon khuaah an phum ta a.

¹⁵Tin, Pirathon mi, Hilela fapa Abdona chu a thi a, Ephraim ram, Amalek mite tlang ramah Pirathon khuaah an phum ta a.