Read Baibul, Mizo Roreltute 13 Bible Online

Roreltute 13 - Baibul, Mizo bible

Roreltute 13

¹Tin, Israela thlahte chuan LALPA mithmuhin thil sual an lo ti leh ta a; tichuan LALPA'n Philistian-ho kutah kum sawmli a awmtir a.

²tin, Zora khuaah Dan hnam mi pakhat a awm a, a hming chu Manoa a ni a; a nupui chu a ching a, nau reng reng a pai ngai lo a.

³Tin, LALPA vantirhkoh hmeichhe hnenah chuan a rawn inlar a, a hnenah chuan, "Ngaiteh khai, i ching a, nau reng reng i la pai ngai lo va: nimahsela i rai ang a, fapa i hring ang.

⁴Chutichuan fimkhur rawh khai, uain leh zu reng reng in suh la, ei thiang lo thil reng reng pawh ei hauh suh ang che;

⁵ngai teh, i rai ang a, fapa i hring dawn si a; a luah chuan bakmehna reng reng rawih a ni lo ang: naupang chu chhula a awm lai atnagin Pathian tan Nazarit mi a n dawn si a: ani chuan Israel-hote hi Philistia mie kut ata chu a chhanchhuak tan ang," a ti a.

⁶Chutichuan hmeichhia chuan a pasal hnenah, "Pathian mi mi pakhat ka hnenah a lo kal a, a hmel chu vantirhkoh hmel ang, tihbaiawm tak a ni; khawi lam mi nge anih ka zawt hlei lo a, ani chuan a hming mi hrilh bawk lo va:

⁷amaherawhchu ka hnenah, 'Ngai teh i rai ang a, fapa i hring ang; chutichuan uain leh zu reng reng in suh la, ei thian glo thil reng reng pawh ei hauh suh ang che: naupang chu chhula a awm lai atanga a thih thlengin Pathian tana Nazarit mi a ni dawn si a,' a ti a," tiin a sawi a.

⁸Chutichuan Manoa chuan LALPA hnenah a ngen chiam a, a hnenah, "Aw LALPA, khawngaih takin Pathian mi i rawn tirha kha ka hnenah lo kal leh se la, naupang lo piang tur ch engtin nge ka nt ihang min han zirtir rawh se," a ti a.

⁹Tin, Pathianin Manoa thusawi chu alo ngaithla a; tin, hmeichhia chu phula a thut laiin a hnenah Pathian vantirhkoh chu a lo kal leh a: a pasal Manoa erawh chu a hnenah a awm ve lo a.

¹⁰Tin, hmeichhia chu hmanhmawh takin a tlan ta thuai a, a pasal chu a va hrilh a, a hnenah," Ngai teh, hman nia ka hnena lo kala kha ka hnenah a rawn inlar leh ta e," a ti a.

¹¹Tichuan Manoa chu a tho a, anupui chu a zui a, chu mi hnen chu a va thleng a, a hnenah, "Nangmah hi em ni hmeichhe hnena thu sawitu chu?" a ti a. Tin, ani chuan, "Ni e," a ti a.

¹²Tin, Manoa chuan, "I thu ang zel chuan lo thleng rawh se: naupang awm dan tur chu engtin nge ni ang a, eng nge ni a thawh tur chu ni ang le?" a ti a.

¹³Tin, LALPA vantirhkoh chuan Manoa hnenah, "Hmeichhe hnena ka sawi zawng zawng kha, ngaihtuah tha mai rawh se.

¹⁴Grep hruia m reng reng chu ei tur ani lo a, uain leh zu reng reng a in tur ani lo, ei thian glo thil reng reng pawh a ei tur a ni lo; thu ka pek tak zawng zawng kha vawng tha rawh se," a ti a.

¹⁵Tin, Manoan LALPA vantirhkoh hnenah chuan, "Khawngaih takin kan chelh ang chia, kel no kan han buatsaih sak rih ang che," a ti a.

¹⁶Tin, LALPA vantirhkoh chuan Manoa hnenah, "Min chelh mah la, i chaw zawng ka ei lo ang: tin, halral thilhlan tura buatsaih i nih chuan LALPA hnenah i hlan tur a ni," a ti a. Manoa chuan ani chu LALPA vantirhkoh ani tih a hre si lo a.

¹⁷Tin, Manoan LALPA vantirhkoh hnenah chuan, "Tunge i hming, i thusawi ang ngeia a lo theln huna kan chawimawit heihna tur chein?" a ti a.

¹⁸Tin, LALPA vantirhkoh chuan a hnenah, "Engati nge ka hming mi zawh? Sawi mi a ni hlei nem," a ti a.

¹⁹Chutichuan Manoan kel no chu ei tur thilhlan nen a la a, lungpui chungah LALPA hnenah ahlan a: tin, vantirhkoh chuan thilmak tak a ti ta a, Manoa leh anupui chuan an thlir reng a.

²⁰Heti hi ani a, maicham atanga meialh chu van lama a chhoh lai chuan, LALPA vantirhkoh chu maichama meialhah chuan a chho ta si a: Manoa leh anupui chuan an thlir reng a; leiah an bawkkhup ta der a.

²¹Amaherawhchu LALPA vantirhkoh chu Manoa leh a nupui hnenah chuan a rawn inlar leh ta lo. Tichuan Manoa chuan LALPA vantirhkoh a ni tih a hre ta a.

²²Tin, Manoa chuan a nupui hnenah, "Pathian kan hmuh tak avang hian kan thi ngei ang," a ti a.

²³Nimahsela anupui chuan a hnenah, "LALPA'n min tihhlum a tumte chuan halral thilhlante leh ei tur thilhlan kan hlante kha a chhang duh hlei nang, he'ng ang zawng zawngte pawh hi min entir lo ang a, he'ng ang thilte pawh hi tun tumah min hrilh hek lo ang," a ti a.

²⁴Tin, hmeichhia chuan fapa chu a hring ta a, a hmingah Samsona an sa a; tin, nausen chu a lo sei lian a, LALPA'n mal a sawmsak a.Tin, Zora leh Estaol inkara Mahane-dan hmunah chuan LALPA thlarauin a rawn khawih harh tan ta a.

²⁵Tin, Zora leh Estaol inkara Mahane-dan hmunah chuan LALPA thlarauin a rawn khawih harh tan ta a.