Read Baibul, Mizo Roreltute 17 Bible Online

Roreltute 17 - Baibul, Mizo bible

Roreltute 17

¹Tin, Ephraim tlang ramah mi pakhat a awm a, a hming chu Mika a ni.

²Tin, ani chuan a nu hnenah, 'Tangka sangkhat leh zakhat an ruksak chia, nang pawhin anchhia i lawh a, ka beng hriat ngeia i sawi kha ngai teh, kha tangka kha ka hnenah a awm a sin, keima lak a ni e," a ti a. Tin, a nu chuan, "Ka fapa chu LALPA malsawmin awm rawh se," a ti a.

³Tin, tangka sangkhat leh zakhat chu a nu a pe leh a, tin, a nu chuan, "He tangka hi keima kut ngeiin ka fapa puala milem siamna'n leh milema chhun atan LALPA hnenah ka hlan e: chuvangin tunah hian ka pe leh dawn che ni," a ti a.

⁴Tin, tangka chu anu a han pek chuan, a nu chuan tangka zahnih chu a la a, tangkaraw chhertu a pe a, ani chuan milemah a lo siam a, milemah a lo chhung a: chu chu Mika inah chuan a awm a.

⁵Tin, chu Mika chuan pathiante in a nei a, ephod leh milemte a siam a, a fapa pakhat chu a puithiam atan a tihrang ta a.

⁶Chunglai chuan Israel ramah lal an awm lo va: mi tinin mahni tha tihzawng zawngin an ti mai a.

⁷Tin, Bethlehem-juda-a mi Juda hnam, Levi chi tlangval pakhat a awm a, chutah chuan a va awm ve lawk a.

⁸Chumi chu Bethlehem-juda khawpui ata a chhuak a, awmna zawngin a a vak ani a: chutia a vahna lamah chuan Ephraim tlang rama Mika in chu a va thleng a.

⁹Tin, Mika chuan a hnenah, "Khawi atanga lo kal nge i nih le?" a ti a. Tin, ani chuan a hnenah, "Bethlehem-Juda-a mi Levi chi ka ni a, awmna hmun zawngin ka vak a ni," a ti a.

¹⁰Tin, Mika chuan a hnenah, "Ka hnenah hian awm ta che, ka paah leh puithiamah awm langin, kum tin, tangkarua tlang sawm ka pe ang chian, silhfen silh khat leh i ei turte pawh," a ti a. Chutichuan Levi chi chu a lut ta a.

¹¹Tin, Levi chi chuan chu mi hnena awm chu a remti ta a; tichuan chu tlangval chu a fapa pakhatah a awm ta a.

¹²Tin, Mika chuan Levi chi chu a tihrang ta a, tichuan tlangval chu a puithiamah a lo awm a, Mika inah chuan a awm ta a.Chutichuan Mika chuan, "Tunah zet chuan Levi chi ka puithiam atan ka nei tawh si a, LALPA'n mi tihmuingil ngei ang tih ka hria e," a ti a.

¹³Chutichuan Mika chuan, "Tunah zet chuan Levi chi ka puithiam atan ka nei tawh si a, LALPA'n mi tihmuingil ngei ang tih ka hria e," a ti a.