Read Baibul, Mizo Roreltute 18 Bible Online

Roreltute 18 - Baibul, Mizo bible

Roreltute 18

¹Chung lai chuan Israel ramah lal an awm lo va: tin, chung lai chuan Dan chite chuan ram luah tur an zawng a; chutih lai pawh chuan Israel chite zingah ram luah tur an la chang ve si lo a.

²Tin, Dana thlahte chuan an hnam pum pui zinga mi, pasaltha pang,a Zora leh Estaol khua atangin ram va enthla tur leh, va thlithlai turin an tir a; an hnenah chuan, "Va kal ta u la, ram chu va thlithlai teh u," an ti a; Tichuan Ephraim tlang rama mIka in chu an va thleng a, chutah chuan an riak ta a.

³Mika in kianga an awm lai chuan Levi chi tlangval aw chu an han hria a, chu lam chu an va pan a, a hnenah, "Tuin nge hetah hian rhuai che? He hmunah hian eng nge maw i tih le? Engtin nge hetah hian i khawsak?" an ti a.

⁴Tin, ani chuan an hnenah, "Mika hian heti hian min lo siam ta a, mi ruai a, a puithiamah hian ka awm a ni," a ti a.

⁵Tin, anni chuan a hnenah, "Kan kalna turah hian kan hmuingil dawn nge dawn lo tih kan hriat theihna'n Pathian min rawnsak teha ng che," an ti a.

⁶Tin, puithiam chuan an hnenah, "Thlamuang takin kal tawh u: in kalna tur chu LALPA'nIN a hriatpui zel a che u," a ti a.

⁷Chutichuan m pangate chu an chhuak ta a, Lais khuaah an va lut a, chuta mite chu Zidon mite ang bawka ralmuang tak leh thlamuang taka an awm hle hlezia na va hmu a; chu mi ramah chuan engmaha han intichhe thei tura thu neitu lem chuang tumah an awm lo a, Zidon-hote nen lah an inhlat a, inhmanna reng reng an nei si lo.

⁸Tin, Zora leh Estaol khuaa an unaute hnen lamah chuan an haw ta a: tin, an unaute chuan an hnenah, "Engtin nge ni le?" an ti a.

⁹Tin, anni chuan, "Tho rawh u khai, i han bei ang u: ram chu kan han hmu ta ngei ma a, ngai teh u, a tha hle a nia: in chechang na nge?" Chu mi rama han luh a, han luah tur chuan muang suh u khai.

¹⁰In han kal chuan ralmuanga awm mite a nia in han hmuh ang ni, ram lah chu a zau si a: Pathianin a pe tawh che u ania; leia thil awmah zawng engmah tlakchham tur awm hauh lohna hmun a nia," an ti a.

¹¹Tichuan Zora leh Estaola khua tang chuan Dan hnamte chu indona thuam inbelin mi zaruk an chhuak ta a.

¹²Tin, an han chho a, Judai ram Kiriath-jearim khuaah awmhmun an han inkhuar a: chuvangin chu mi hmun chu tun thlengin Mahane-dan an la ti a ni: ngai teh, Kiriath-jearim thlang lama awm a ni.

¹³chuta tang chua Ephraim tlang ram lam an pan a, Mika in chu an han thleng a.

¹⁴Chutichuan Lais ram enthla tura m panga hnenah chuan, "Heng inahte hian ephod te, milem te, milem siam chawp te, mi lem chhun chawpte a awm tih in hria em? Chutichuan engtin nge in tih dawn ngaihtuah rawh u," an ti a.

¹⁵Tin, chuta ta chu an peng a, Levi chi tlangval awmna Mika in ngei chu an va thleng a, a chungchnag thu an zawt a.

¹⁶Tin, Dana thlah, mi zaruk indona thuam inbelte chu kulh kawngka bulah an ding a.

¹⁷Tin, mi panga ram enthlatute chu an han chho a, an han lut a, milem siamchawp te, ephod te, milem te, milem chhun chawpte chu an la a; tin, puithiam chu mi zaruk indona thuam inbelte zinga kulh kawngka bulah chuan a ding ve a,

¹⁸Tin, chungte chu Mika ina an han luh a, milem siam chawp te, ephod te, milem puithiam chuan an hnenah, "Engnge maw in tih chu le?" a ti a.

¹⁹Tin, anni chuan, "Ngawi rawh, i kutin i hmui kha hup la, kan hnenah lo kal ve la, kan paah leh puithiamah lo awm rawh: i tan hian chhung khat chauh puithiama awm nge tha zawk, Israel zinga chi khat leh hnam khat puithiama awm?" an ti a.

²⁰Tin, puithiam rilru chu a lawm ta hle mai a, tichuan ephod te, milem te, milem siam chawpte chu a la a, mipuiho zingah chuan a tel ve ta a.

²¹Chutichuan an kal chhuak ta a, an fanau te tete, ran te, bungrua te chu an hmachhawm zel a.

²²Mika in atanga thui fe an han kal chhuah hnu chuan Mika thenawmte chu an inpun khawm a. Dana thlahteho chu an va umpha ta a.

²³Tin, Dana thlahteho chu an han au a. Tin, anni chu an lo lehhawi a. Mika hnenah chuan, "Engni ti nge ni le, mi khati zozai i rawn kalpui mai?" an ti a.

²⁴Tin, ani chuan, "Ka Pathian siamte leh puithiam chu in kalpui a, in kal ta daih mai a, eng nge neih ka neih tak ni? Eng ti tiha, 'Eng i ti nge ni le?' mi ti mai nge in nih chu le?' a ti a.

²⁵Tin, Dana thlahteho chuan a hnenah, "Kan zingah hian tawng mai mai suh khai, chuti lo zawng mi thinchhe kut i tuar mai ang a, i chhungte nen hian in nun in chan mai tur ania," an ti a.

²⁶Tichuan Dana thlahteho chu an kal ta a: tin, Mika chuan beih ngam rual niin a hre si lo a, a in lamah a haw leh ta a.

²⁷Tin, Mika thil siam leh, a puithiam neih c hu an kalpui ta a, Lais khua, ralmuanga awm hle hlete hnen chu an han thleng a, khandaihin an han that a; tin, khua chu an hal ta a.

²⁸Zidon atanga a hlat em avangin a han chhan chhuaktu tur lah tumah an awm si lo a, tute nen mah inhmanna reng reng an nei lo bawk a; Beth-rehob bul ruama awm a ni. Tin, khua chu an din leh a, chutah chuan an awm ta a.

²⁹Tin, a khaw hmingah chuan Israela fa, an thlahtu Dana chawiin, Dan an vuah a: amaherawhchu a tirah c huan chu khua chu Lais an ti thin a ni.

³⁰Tin, Dana thlahte chuan milem siam chawp chu an mahni tan an lo din ta a: tin, Mosia Gersoma fapa Jonathana leh a fapate chu, ram chu miin an lak hma loh chuan Dan chite puithiamah an awm ta a.Chuti chuan Mika siam milem siam chawp chu Silo khuaa Pathian in a awm chhung zawng chuan an din ta.

³¹Chuti chuan Mika siam milem siam chawp chu Silo khuaa Pathian in a awm chhung zawng chuan an din ta.